ازاى اطلع رخصة سواقه دوليه ؟

[jemono]

سلام عليكم
بصوا الموضوع باين من عنوانه
كنت عاوز اعرف :
*هى هتكلفنى كام ؟
* مدتها قد ايه؟ يعنى مثلا الرخصه الخاصه 10 سنين لكن دى كام
* هتطلع ف قد ايه ؟

و اهو اللى يرد يكسب فينا ثواب انتوا عارفين ولاد الحلال مخلوش لولاد الحرام حاجه
يطعمك ما يحرمك و يباركلك ف عيالك قادر يا كريم

[mohamed_selim]

45 جنيه
سنه واحده
بتروح المرور فى مدينة نصر و تكون رخصتك فيها اكتر من سنه و تاخد جواب مختوم ببياناتك و تطلع على نادى السيارات فى ش قصر النيل امام الطيران السعودى و معاك صورتين ... تدفع و تديهم الرخصه و الصور و الجواب و تستلم فى ساعتها

[jemono]

تسلم يا غالى والله كتير خيرك.
و شكرا على وقتك :)

[Ahmed_Ezz]

شوف ده مفيد جداا ان شاء الله

http://www.nilemotors.net/Nile/196026-a.html

[jemono]

الف شكر بجد و تسلم ايدك
و ربنا يجزيك خير والله :)

[AhMeD MeTwAlY]

ملهاش اي لزمه
ولدي طلعها من زمان وكنت عايز اطلعها بس ولدي قالي ملهاش اي لزمه انت بتروح اي دوله تانيه بيقولك طلع رخصه من عندنا

[AutoTycoon]

ملهاش لازمة في حالة الإقامة لكن لو رايح زيارة كام شهر ممكن تسوق بيها

[Land_Cruiser]

بص حضرتك هو استخدامها بيختلف حسب الدوله اللى حضرتك رايحها فالاحسن تعرف ايه قانون المرور للبلد اللى هتروحها و بعد كده شوف اذا كانت هتبقى مفيده و لا مش مفيده و ممكن تعرف المعلومات دى بسؤال حد من هناك او حتى بالبحث على الانترنت و بالتوفيق

[tutankhamoun]

رخصة القيادة الدولية للزائرين فقط لا غير

يعني لو معاك أقامة - مُجبر تستخرج رخصة محلية.

إنما لو زائر ............ هي دي فائدتها .

اللي أعرفه
بتروح نادي السيارات في وسط البلد في شارع كدا قريب جدا من المتحف المصري .
و تكون معاك رخصتك المصرية و معاك صور (مش فاكر كام صورة - طلعتها من فترة كبيرة قوي )
و بتطلع في ساعة أو ساعتين
يقولك روح لف شوية في الشارع لغاية ما نطلعها و ترجع تستلمها .

و مدتها سنة واحدة فقط و فيه بلاد كتيرة ممكن تسوق فيها ..... أعتقد موجودة على الرخصة .