الكاوتش ممكن يبوظ من فرملة جامدة على سرعة؟

[رزق]

اختصارا للقصة
الكاوتش جديد بقاله شهر و كان صنع كام شهر قبلها

الكاوتش ممكن يبوظ من فرملة جامدة على سرعة(مرة واحدة)؟
بمعنى إنه قبب و طول ما أنا ماشي حاسس بدبدبة

[saadelden]

لو خدت نقره جامده ممكن تعمل بلونه في الكوتش

و الفرمله الجامده كتير بتمسح الكاوتش بسرعه

[رزق]

[A.Saad]

الفرملة الجامدة ممكن تمسح جزء من النقشة وتلاقى دبه مع المشى عليها

[رزق]

اولا ده بداية من سرعة معينة ولا مثلا فرامل جامدة على 60 تعمل نفس التأثير؟
ثانيا هل الكلام ده في الكاوتش الجديد والقديم ولا القديم فقط؟

[Ghamrawy]

طالما ما فيش abs يبقى ايوه
الفرامل و قفش العجل المفاجئ حايعمل عالى و واطى فى الكاوتش و العربية تدبدب

[Ashraf_Ibrahim]

بس مرة واحدة متعملش اللي حضرتك بتقول عليه دا !
الفرملة الشديدة المتكررة تعمل كدة انما الفرملة لمرة واحدة متعملش حاجة بالطريقة دي
صعب جدا !

[Land_Cruiser]

و اعتقد نوع الارض اللى ضربت عليها الفرمله كمان بتفرق يعنى أسفلت ناعم و لا خشن و لا عليه رمله و صعب جداً يتاثر قوى من مره واحده. هو اللى بياثر قوى لو كان الكاوتش متخزن بقاله فتره او بطريقه غير سليمه و فى الحاله دى هتلاقى اجزاء بتقع منه مع الضغط على الفرامل باستمرار او بيقب و على كلام حضرتك وارد قوى يكون السبب هو سوء تخزين عند التاجر

[blazer]

استحاله يحصل اى حاجه للكاوتش من فرمله جامده ولو من سرعه 250
الا لو بتفرمل على حاجه حاده

[rompo10]

طبيعي لو فرمله جامده جدا

[رزق]

أراء متناقضة على الآخر :)
و فعلا هي كانت مرة واحدة على 180->80 و كانت فرامل على الآخر والطريق متسفلت كويس
اللي مجنني الكوتشتين اللي قدام جبتهم من نفس الراجل في نفس الوقت من نفس النوع
مع ذلك اليمين هي اللي باظت الشمال زي الفل
وده مخليني أفكر زيادة إنه عيب صناعة
الراجل مش عايز ياخدها وبيقوللي دي فرامل
لما قلتله طب اشمعنا عجلة واحدة قال لي أصل و مش أصل التيل تلاقيه قفش في واحدة بس
طب هو معقول يعني واحدة تقفش جدا والتانية لأ أو مش قوي والعربية تكمل على قدام متخدش اتجهات؟!

[Ashraf_Ibrahim]

مستحيل عجلة تدبدب وتبوظ من فرملة مفاجأة واحدة مهما كانت سرعتك يا صديقي !
رمز السرعة على الكاوتش عندك كام؟!

[Eng.Geo]

انا نفس الكلام ده
فرامل من 180 ل 60 .... full brake
بس انا الخساير عندي في التيل
شميت ريحة التيل فترة في العربية بعد الفرملة ده
بس انا كنت ظابط رجلي عشان العربية ماتزحفش
بالنسبة لو عندك تيل قفش أكتر من التاني يبقي العربية هتلف
ماينفعش فردة تتمسح والتانية لأ
غير اني برضه مستبعد انه يكون عيب صناعة !
انا مش عارف الحقيقة !

[moh19227]

صعب من مره واحده يحصل الكلام ده الا لو حضرتك عديت علي طوبه في الطريق وانت بتفرمل

[رزق]

[color=blue][color=blue]
بس انا كنت ظابط رجلي عشان العربية ماتزحفش

للاسف وقت القدر يعمى البصر
أنا كنت عارف الكلام ده بس وقت الموضوع ده هرست الفرامل للارض