هطلع رخصة الاسبوع الجاى محتاج بعد الاستفسارات:)

[TheUnknown]

انا ان شاء الله رايح هطلع رخصة الاسبوع الجاى.
مرور فيصل(للاسف) :)

• ايه الاوراق المطلوبة منى؟
• انا سمعت انو قسموا بقى كل يوم منطقة يعنى هرم يوم فيصل يوم,هل الكلام ده صح؟
• ايه النظام لازم عشان انجح فى الاختبار ارش و كدا ولا بعد الثورة الدنيا اتغيرت؟

شكرا مقدما على الرد : )

محدش يتريق على العنوان بس انا مش عارف ايه اللى جاب ال ح جنب ال ه فى الكيبورد عندى :)

[TheUnknown]

up .

[TheUnknown]

up .

[mrghost]

الاوراق المطلوبه
نموذج 256 وده بتجيبه من المرور
رسوم حوالى 57 جنيه
4 صور شخصيه
شهاده باطنه وشهادة نظر ودول تعملهم من اى مستشفى او مستوصف
اصل وصورة البطاقه
اصل وصورة المؤهل
الرش لسه موجود وربنا معاك

[TheUnknown]

الاوراق المطلوبه
نموذج 256 وده بتجيبه من المرور
رسوم حوالى 57 جنيه
4 صور شخصيه
شهاده باطنه وشهادة نظر ودول تعملهم من اى مستشفى او مستوصف
اصل وصورة البطاقه
اصل وصورة المؤهل
الرش لسه موجود وربنا معاك

شكرا

[zago]

مرور فيصل ؟

[TheUnknown]

مرور فيصل ؟

اه هو,ان شاء الله رايح التلات.

[saadelden]

طب ماتشوف مرور بين السرايات تقريبا ينفع تطلعها منه

ابقى اسأل كدا عشان دا انضف من فيصل بكتيير !!

[zago]

اه هو,ان شاء الله رايح التلات.

قلبي معاك
:(

[condour]

انا طلعت الرخصه من شهرين تقريبا من مرور فيصل , لو مستواك كويس في الاشارات والسواقه وورقك كامل وسليم هتعدي ان شاء الله , انصحك تاخد عربيه معاك لان العربيه الموجوده هناك بتأجرها ب30 او 40 جنيه مش فاكر بس مشكلتها انها عربيه شاهين وقديمه وصاحبها معطل بدال البنزين (حاطت خشبه تحتيها ) عشان يجبرك تمشي بالدبرياج لانه خايف على العربيه ممكن تخبطها لو مش متمكن لان المساحه ديقه جدا وانا سعتها معرفتش اطلع بالدبرياج لان صعب في العربيات القديمه اصلا تمشي بالدبرياج من غير البنزين فتخنقت معاه ورفضت اطلع بيها كده الا لو شغللي بدال البنزين والحمدلله عديت .

أنا امتحان الاشارات واختبار السواقه كان عباره عن حرف s وانت ماشي قدام وبرده ترجعها , هي صعبه شويه على فكره لان المساحه ديقه جدا وعربيه الشاهين طويله فانصحك تاخد عربيه معاك تكون صغيره شويه وكمان تروح بدري الساعه 7 تكون مخلص كل حاجه وتروح عند الملاهي اللي تحت الكوبري هتلاقي حته فاضيه بيتعمل فيها الاختبار تتمرن شويه بالعربيه لحد مايبدؤو شغل ...

بالتوفيق ان شاء الله