اقتراح مؤثر لحل مشكلة ارتفاع سعر البنزين - بانتظار ارائكم

[M!NA]

يا جماعة....كانت جاتلي فكرة بخصوص ارتفاع سعر البنزين
أعتقد ان الصح.. اننا نستغنى عن الحاجة ... مش نعمل اضراب و نقاطع البنزين يوم ولا يومين...

انا كنت شفت في شارع الجمهورية من كذا سنة موتوسيكلات في حجم الفيسبا بتتشحن بالكهربا كان شحنها بياخد من 4 الى 6 ساعاتا و سرعتها كانت معقولة 60-70 كيلو في الساعة و بتمشي بالشحن بتاعها حوالي 200 كم

يعني ممكن تستخدم داخل البلد

و دلوقتي طبعا أكيد اتطورت و أكيد الأرقام ديه زادت ووقت الشحن بقا أقل...

لو نبدأ باستخدام الحاجات ديه لمشاوير داخل البلد و تكون السيارات للسفر فقط... أكيد هنعمل تأثير أقوى من تأثير المظاهرات و المقاطعات...

دا غير ان الموتوسيكلات ديه مش بتلوث البيئة... يعني نافعة من كل النواحي !!!

و أحب اعرف ارائكم

[Powert]

احنا لو قطعنا البنزين هو ده الحكومة عايزة لانها هتكسب من الاتوبيسات ومواصلات وهتوفر تمن البنزين ويوم بيفرق كام مليار في الدعم

بنسبة لموتسكل انت عايز واحد لابس بدلة وكرافتة ونازل رايح الشغل بموتسكل

ولا واحد ساكن في مدينة نصر وبيروح المعادي عايزه يمشي ازاي بموتسكل

صعبة شوية الاقتراحات دي

[M!NA]

.

ماهو أكيد ما ينفعش تروح بيه الشغل
و أكيد ماينفعش تركب فيه انتا و عائلتك و تنقلوا حاجات...


أكيد مش هيحل محل العربية بصورة كاملة... بس مثلا نازل بعد الضهر في يوم العتبة تشتري حاجات....
نازل وسط البلد... رايح تقابل أصحابك عالقهوة...

كل ده هيفرق... مش بس في استهلاك البنزين... دا هيفرق كمان في الزحام اللي بقينا عايشين فيه بصورة دائمة

[Ahmad Allawy]

يا جماعة....كانت جاتلي فكرة بخصوص ارتفاع سعر البنزين
أعتقد ان الصح.. اننا نستغنى عن الحاجة ... مش نعمل اضراب و نقاطع البنزين يوم ولا يومين...

انا كنت شفت في شارع الجمهورية من كذا سنة موتوسيكلات في حجم الفيسبا بتتشحن بالكهربا كان شحنها بياخد من 4 الى 6 ساعاتا و سرعتها كانت معقولة 60-70 كيلو في الساعة و بتمشي بالشحن بتاعها حوالي 200 كم

يعني ممكن تستخدم داخل البلد

و دلوقتي طبعا أكيد اتطورت و أكيد الأرقام ديه زادت ووقت الشحن بقا أقل...

لو نبدأ باستخدام الحاجات ديه لمشاوير داخل البلد و تكون السيارات للسفر فقط... أكيد هنعمل تأثير أقوى من تأثير المظاهرات و المقاطعات...

دا غير ان الموتوسيكلات ديه مش بتلوث البيئة... يعني نافعة من كل النواحي !!!

و أحب اعرف ارائكم

بس في حاجة انت مش واخد بالك منها..
ان موتوسيكل زي ده لو بيمشي بالبنزين.. هيبقي موفر اصلا عنه لو شغال بالكهربا.. :)

[M!NA]

محتمل... بس احنا ماحسبناش قدرة الموتور و هيسحب كام كيلو واط في خلال شحنه.. و الكام كيلو واط دول تكلفتهم ايه على أساس ال200 كيلومتر اللي بيعملوهم....

و بعدين في نقطة تاني... استهلاكك ثابت في المحرك الكهربا... لكنه متغير في محرك البنزين...

يعني لو محرك بنزين بيستهلك كتير في الزحام و داخل الميدنة (اللي هو اصلا هيكون استخدام الموتوسيكل ده)

لكن محرك الكهربا هيعملك ال200 كيلومتر بشحنة البطارية الكاملة

عموما.. ديه مش هتيجي غير بالتجربة و السؤال...

[alaa_dash]

هوه فعلا استخدام الموتوسيكل كوسيلة انتقال يقلل من الوجاهة الاجتماعية لراكبه ؟

يعني لو استخدامه بيوفر فعلا .. و يعتمد عليه في معظم التنقلات ..و تبقى السيارة للسفر مثلا ..

ممكن تستغنى عنه لمجرد انه ما يصحش ان الناس تشوفني راكب موتوسيكل ؟

[Sameh]

الموتوسيكل فى مصر إختيار مستحيل للأسف ، عشان إحنا غير أوروبا

أنا باخد دش الصبح وأنزل أروح الشغل ، أول حاجة بعملها فى الشغل أدخل الحمام أغسل وشى ، ألاقى نفسى بنزل طين كأنى جاى من الصحرا !!!!!!!! :):)

مصر كلها تراااااب وشوف تابلوه العربية بيلم تراب أد إيه ، غير عادم الأوتوبيسات ، غير الناس اللى هتزنق عليك ، غير الشمس فى الصيف ، غير إنك ماينفعش تلبس فورمال على الموتوسيكل لو شغلك بتلبسله فورمال ، وماينفعش تاخد مراتك أو خطيبتك أو حتى صاحبك ، ناهيك بقا عن الخطورة لو طلعت بيه الدائرى أو أخدت مطب أو بلاعة وإنت بتجرى بيه ومش واخد بالك