وقفت فى لجنة مرور عجيبة وكانت المفاجاة

[تامر.محمد]

هممم , بيعتمد على الهدف الحقيقي يا شهدي , و ده مش هاتعرفه غير بملاجظة الصورة كلها

[Land_Cruiser]

[بصراحه أنا شايف ان حكايه فاميه بيتثبت على الرخصه و كمان قصه الزينون اللى شغال لو جى مع العربيه ده كلام فارغ المفروض يتوقف. يعنى طالما القانون سمح بزجاج فاميه وراء يبقى يخليه مسموح لكل العربيات سواء كانت فابريكه كده ولا حد مركبه و كمان الزينون لو سمح به يبقى يسمح للكل و بكده يبقى فى مساواه و منطقيه شويه حتى و فى نفس الوقت هيقلل جشع التجار اللى بينزلوا الحاجات دى بسعر مبالغ فيه و خاصه كمان ان الحاجات دى كماليات و مش ضروره يعنى و لا هتاثر فى اداء السياره بحيث انها تحتاج استثناء يتكتب فى الرخصه و يبقى قانون واحد يطبق على الجميع

[Medo007]

انت كنت فاتح الزينون وانت داخل اللجنه ولا قالك افتح النور ؟

[ashouhdy]

[بصراحه أنا شايف ان حكايه فاميه بيتثبت على الرخصه و كمان قصه الزينون اللى شغال لو جى مع العربيه ده كلام فارغ المفروض يتوقف. يعنى طالما القانون سمح بزجاج فاميه وراء يبقى يخليه مسموح لكل العربيات سواء كانت فابريكه كده ولا حد مركبه و كمان الزينون لو سمح به يبقى يسمح للكل و بكده يبقى فى مساواه و منطقيه شويه حتى و فى نفس الوقت هيقلل جشع التجار اللى بينزلوا الحاجات دى بسعر مبالغ فيه و خاصه كمان ان الحاجات دى كماليات و مش ضروره يعنى و لا هتاثر فى اداء السياره بحيث انها تحتاج استثناء يتكتب فى الرخصه و يبقى قانون واحد يطبق على الجميع

انا معاك ... بس صعب تلاقى شباب ميفيموش الترا سوبر دارك!! وصعب كلة يركب عدسة عشان الزينون

انت كنت فاتح الزينون وانت داخل اللجنه ولا قالك افتح النور ؟

كنت فاتحة ودة العادى !

[Land_Cruiser]

اللى ما يلتزمش بالقانون يتحاسب يا فندم عادى . اكيد مش كل الناس هتبقى عايزه تركب زينون او تفيم بس يبقى مسموح برضه ليها و الهدف ان يكون فى قانون واحد يطبق على الجميع و ليس الكيل بمكيالين زى زمان و اكيد ده هيشجع الناس تلتزم اكتر و تحترم القانون بدل من البحث عن طرق للتحايل عليه علشان اللى بيخالف ينكسف من نفسه و ما يعتبرهاش شطاره و لا نوع من التميز انه مخالف

[SYD]

ضباط الشرطة فاهمين كل حاجة وعارفين كل حاجة وبيفهموا احسن مني ومنك كمان بس هي المشكلة في انهم بيحبوا يعملوا كدة عشان يوقعوا الي مش عارف الصح من الغلط لأن كتير منا بيبقي صح ومش عارف انه صح وفي كتير مننا غلط وفاهم نفسه انه صح

فعشان كدة بيضطروا يعموا معانا كدة لكن لما بيلاقيك صح وعارف انك صح بيسيبك تمشي

واحيانا بيغلس
واحيانا بيقف وقفة رجولة
واحيانا بيقدر الموقف
واحيانا بيصغر مخه

احنا بني أدمين وكل واحد واخلاقه

وبصراحة انا بعذر الشرطة احيانا
بيمر عليه 1000 عينة و1000 نفسية في اليوم فلازم ياخد حذره عشان يعرف الصادق من الكاذب من الي بيستهبل من العبيط من الي عامل نفسه عبيط

انت عايز تقنعني ان ظابط الشرطة دة اول مرة في حياته يشوف عربية كارينز ؟؟؟
عايز تقنعني انه اول مرة في حياته يشوف رخصة مكتوب فيها زجاج ملون ؟؟؟
عايز تقنعني انه اول مرة يشوف زينون ؟؟؟

ياباشا هو كان بيوقعك في الغلط بس انت طلعت فاهم وفهمته انك فاهم
لكن لو حد غيرك بيظيط في الظيطة ماكنش هيعرف يرد ويتأسفله وساعتها كان هيخبطه مخالفة محترمة ويخليه يخلع الفاميه مع انه ثابته علي الرخصة

والله المستعان
،
،

[Medo007]

كنت فاتحة ودة العادى !

لا مش ده العادي المفروض وانت داخل اللجنه تقفل النور ويكون على اول درجه
انا كنت ماشي عالسويس الصحراوي وانا راجع من شرم من كام سنة وكنت ناسي النور مفتوح
العسكري وقفني وقالى ابقى اقفل النور وانت داخل اللجنه

[ahmedhawas]

اللى ما يلتزمش بالقانون يتحاسب يا فندم عادى . اكيد مش كل الناس هتبقى عايزه تركب زينون او تفيم بس يبقى مسموح برضه ليها و الهدف ان يكون فى قانون واحد يطبق على الجميع و ليس الكيل بمكيالين زى زمان و اكيد ده هيشجع الناس تلتزم اكتر و تحترم القانون بدل من البحث عن طرق للتحايل عليه علشان اللى بيخالف ينكسف من نفسه و ما يعتبرهاش شطاره و لا نوع من التميز انه مخالف

1111111+
طبعا كلام سليم 100 100 .. لكن بشروط طبعا.
إن الفاميه يكون لحد درجة معينة .. أكتر من ذلك لأ.
وان الزينون يكون بعدسات ومواصفات معينة.

وعندي سؤال محيرني .. إشمعنا الشيروكي اللي مسموحلها بديفندرات ؟؟

[Elawany13]

ببساطه يا دوك انت اتكلمت
يعني عارف وجاهز ومستعد
لا اتلخبط ولا بلمت ولا تهتهت
فانسى انه يعرف يعمل معاك حاجه


حقول موقف حصلي زمان
كنت سايق الجيب وماشي فوق الدائري راجع البيت زمعايا واحد شغال معايا في سن والدي كده
ووقفوني في الكمين اللي فوق المنيب
وانا ماشي قانوني ورابط الحزام وكله تمام
سياده الباشا وقفني وقاللي الرخص
روحت فكيت الحزام ومديت ايدي في الجيب الخلفي للبنطلون علشان اطلع المحفظه لان الرخصه فيها
طلعت الرخص واديتهالو
بص فيها كده ....
بعدين سال اغبى سؤال .....
قاللي مش رابط الحزام ليه ؟؟
( اللي انا فاكك الحزام ادامه علشان اطلع المحفظه )
روحت انا بكل ادب وتواضع ....
برأت ولقيت صوتي تخن وروحت قايله ...
امال اللي انا فكيته دلوقتي ده كان ايه ؟؟؟ ( مع اعين يتطاير منها الشرر ولهجه حازمه تدل على النيه لتكسير عظامه )
راح باصص للرخص تاني وادهالي وقالي اتفضل
طبعا انا اتفضلت خدت الرخص ومشيت
ربعد ما مشيت الراجل اللي راكب معايا طبعا كان مستغرب من اسلوب ردي على الباشا راح قايللي.....
ما كنت خدته قلمين احسن ؟!!!

:))

هههههههههههههه
نفس الموقف بالظبط حصل معايا
بس بالموتوسيكل مش بالعربية
أنا الحمد لله ملتزم جدااااااااا
ومحبش أحط نفسى فى مواقف بايخه
وبحترم القانون سواء قبل الثورة أو أثناءها أو بعدها
المهم ماشى بالموتوسيكل وطبعا مترخص وعليه نمر ورخصتى سليمة وسارية
وحاطط الخوذه على دماغى وكله تمام
أى لجنه بتقابلنى بيشوفوا الرخص ويبصوا على الموتوسيكل ويقلولى إتفضل
واحيانا لما بيلاقونى شكلى ملتزم ومحترم مبيشوفوش الرخص كمان
مرة لاقيت لجنه فى أحد الميادين
لاقيت الأمين وقفنى
وخد الرخص .... وقالى روح للباشا .... استغربت قوى !!!!!
ركنت المتوسيكل وروحت للباشا كما كنت وانا لابس الخوذه
قاعد فى بوكس بتاع المرور لاقيته بيقولى 50 جنيه
قولتله ليه ؟؟؟
قالى خوذه
قولتله أمال اللى انا لابسها ديه ايه !!!!!!!!!!
قالى طب اتفضل وادانى الرخص ومشيت

[Elawany13]

1111111+
طبعا كلام سليم 100 100 .. لكن بشروط طبعا.
إن الفاميه يكون لحد درجة معينة .. أكتر من ذلك لأ.
وان الزينون يكون بعدسات ومواصفات معينة.

وعندي سؤال محيرني .. إشمعنا الشيروكي اللي مسموحلها بديفندرات ؟؟

والماتريكس بتنزل بديفندرات من كل الجوانب

[ahmedhawas]

والماتريكس بتنزل بديفندرات من كل الجوانب

ياسلام .. وتلاتيربع التريوس مركبينه وفي التوكيل كمان .. لكن المرور مقتنع ان الشيروكي بس اللي من حقه يركبه!!

[ashouhdy]

اية ياجماعة انت ذعلتوا منى او ذعلتوا ان الضابط مشانى موقفنيش
انا على فكرة مفيم درجة الفابريقة ومكتوب على الرخصة انا لا عمرى كان معايا وسطة و ولا اتحايلت على حد الحمد لله
لية كدة

[SoFiMaN]

تصدق انا لسة معدي من هناك حالاً .. بس مكانوش موجودين :d
انا اصلا نفسي اشيل الفامية الخلفي ده و اعمل عازل حراري الشمس بتحرق الواحد يوميا على الصحراوي .. بس مش لاقي حد يعمله في اسكندرية فمش هشيله غير اما اركب العازل ان شاء الله

[eng.m7md.ali]

انتو بتتكلمو جد في موضوع الزينون اللي مش بيترخص ده؟؟
طب ازاي صحبي مثبته على الرخصة؟؟ وازاي مش بياخد مخلفات عليه؟؟

[hossam_elwani]

[بصراحه أنا شايف ان حكايه فاميه بيتثبت على الرخصه و كمان قصه الزينون اللى شغال لو جى مع العربيه ده كلام فارغ المفروض يتوقف. يعنى طالما القانون سمح بزجاج فاميه وراء يبقى يخليه مسموح لكل العربيات سواء كانت فابريكه كده ولا حد مركبه و كمان الزينون لو سمح به يبقى يسمح للكل و بكده يبقى فى مساواه و منطقيه شويه حتى و فى نفس الوقت هيقلل جشع التجار اللى بينزلوا الحاجات دى بسعر مبالغ فيه و خاصه كمان ان الحاجات دى كماليات و مش ضروره يعنى و لا هتاثر فى اداء السياره بحيث انها تحتاج استثناء يتكتب فى الرخصه و يبقى قانون واحد يطبق على الجميع

كلام سليم انا معاه