الزيت في الموتور فوق ال max ... الجيش بيقولك أتصرف :)

[Eng.Geo]

بالمختصر المفيد .... ده ال status بتاعتي علي ال face النهاردة


طب انا هوضح أيه اللي حصل لحسان الناس تفهم غلط
الصور مش موضحة قوي :)
غيرت زيت موتور أمبارح واللي غيرلي الزيت حط زيادة عن ال max
كان لازم أشيل الزيادة .... الحل أني أنزل تحت الموتور أفتح الطبة ( مسمار سادد مكان الزيت عشان ماينزلش )
بس ممكن وانا بفتح يقوم الزيت كله نازل ... ساعتها ممكن أقع علي الأرض :)
ماقداميش غير أني أسحبه من فوق
أزاي يا واد يا جورج ... يا واد يا جورج أزاي :))))))
جت في دماغي أحط خرطوم بتاع الهوا بتاع سمك الزينة في المكان بتاع مقياس الزيت وأسحب الزيت وأحطه في أزازة برة
واحد صحبي أقترح عليا نجيب خراطيم المحاليل من الصيدلية
رحنا أقرب صيدلية ملقيناش .... شرحنا للراجل لأنه كان مستغرب
وكان أقتراحه .................................................. .................. حقنة شرجية
هههههههههههههههههههههههههههههههههههههههههههههههههه هههه
قلت مابدهاش بقي
حطيت البتاعة في لمكان بتاع مقياس الزيت وأسحب يا معلم
وطبعا صحبي كان قايم بدور الشفاط
بس طبعا بتاع 50 واحد عدي علينا ومسكنا تريقة ... باركينج الكلية
وأتصورنا صور :)
وفيديو .... يا خوفي من الفيديو :)
انا أتفضحت يا سعاد .... غطيني وصوتي




تفصيل بسيطة بقي ماكنتش قلتها :)
انا كنت عايز أقلد الحركة بتاعة نقل البنزين من التانك في جركن .... بس الزيت كان تقيل ومارضيش يتنقل
فأستخدمنا الخرطوم نفسه في نقل الزيت
نفس فكرة السحاحة في معامل الكيميا
ساعة بننقل في ربع لتر

[windofchange]

ايه ده ايههههههههههه ده ياجو ,حصلت معاي برضه بس عندي بتاخد 3,5 بالفلتر بس يمكن دي حاجة فالزيت او العربية لأنها بعد ماخدتهم عند بتاع الزيت مبينة ان الزيت ناقص زودت انا فالبيت وبقي دلوقتي فوق الماكس,,ممكن تقوللي جبت ايه غير الحقنة الشرجية !!!!! من الصيدلية ) انا كنت هروح موبيل او اي بنزينة بتشفط الزيت بالمكنة واخليه يشفط لي الزيادة عملتها قبل كده في موبيل صلاح سالم بس موضوع جميل منك يا جو

[Eng.Geo]

ايه ده ايههههههههههه ده ياجو ,حصلت معاي برضه بس عندي بتاخد 3,5 بالفلتر بس يمكن دي حاجة فالزيت او العربية لأنها بعد ماخدتهم عند بتاع الزيت مبينة ان الزيت ناقص زودت انا فالبيت وبقي دلوقتي فوق الماكس,,ممكن تقوللي جبت ايه غير الحقنة الشرجية !!!!! من الصيدلية ) انا كنت هروح موبيل او اي بنزينة بتشفط الزيت بالمكنة واخليه يشفط لي الزيادة عملتها قبل كده في موبيل صلاح سالم بس موضوع جميل منك يا جو

جبت سرنجة :)
موضوع الشفط ده مجربتوض قبل كدة
غير اني كنت مغير في وطنية وقالي عندنا الجهاز بس مش هينفع لعربيتك !

[ahmed_mido1889]

حصلت معايا

العربيه كان الواد حط فيها ربع كيلو زياده

طبعا في الجراج رفعتها وقمت فاكك الطبه بتاعت الكرتيره

وعينك ما تشوف الا النور

الزيت بينزل بسرعه وتقله خلاني مش عارف اقفل الطبه بس لحقت نفسي وقفلت

بعد ماا خلصت نزلت العربيه

لاقيت الزيت ظبط

يعني كان فضل سنه والزيت ينقص كتييير

[windofchange]

ممكن تفسير اكتر معلش,,يعني سرنجة وحقنة شرجية ووصلتهم ازاي ياريت تفاصيل )

[Eng.Geo]

حصلت معايا

العربيه كان الواد حط فيها ربع كيلو زياده

طبعا في الجراج رفعتها وقمت فاكك الطبه بتاعت الكرتيره

وعينك ما تشوف الا النور

الزيت بينزل بسرعه وتقله خلاني مش عارف اقفل الطبه بس لحقت نفسي وقفلت

بعد ماا خلصت نزلت العربيه

لاقيت الزيت ظبط

يعني كان فضل سنه والزيت ينقص كتييير

انا كنت خايف من كدة فعلا
وخصوصا كمان الزيت ليكوي مولي ولسة حاطه فكان هيبقي حوسة لو نزل مني كله :)

[Eng.Geo]

ممكن تفسير اكتر معلش,,يعني سرنجة وحقنة شرجية ووصلتهم ازاي ياريت تفاصيل )

الحقنة الشرجية بتبقي خرطوم طويل في طرفه كيس والطرف التاني حتة بلاستيكة
انا مش عايز غير الخرطوم
شيلت البلاستيكة والكيس ووصلت السرنجة بطرف من الخرطوم
والطرف التاني في المكان بتاع مقياس الزيت
انا للأسف ملقيتش سرنجة غير 5 سم
فمانفعتش قوي .... يدوب كانت بتسحب الزيت في نص الخرطوم ومكانش بيوصل السرنجة
شيلت السرنجة وشفطت ببقي ولما الزيت يوصل لمسافة معينة في الخرطوم كنت بسد الطرف اللي في بقي بلساني
وأشيل الخرطوم من المقياس وأحط الزيت اللي في الخرطوم في أزازة
عمت بتاع ربع لتر في 50 مرة شفط :) ومدة ساعة :)
لو في سرنجة كبيرة شوية كان ممكن تنجز كتيييييييييييير
ولو في البتاعة بتاعة نقل الدم كانت هتفرق أكتر وأكتر :)

[yoko]

شفت الصور ومت على نفسي من الضحك

[mesaharaty]

كان فيه أخ من إخواتنا فى المنتدى عامل طريقة لذيذة لسحب الزيت الزيادة تتلخص فى الآتى :
سلك دش طوله حوالى 40 - 50 سم ويتم تفريغه من السلوك الداخلية ليتبقى فقط العازل ثم يتم تركيب رأس بخاخة (زى بتاعت جلانس كده) فى طرف الخرطوم العازل ده والطرف الآخر يتم إنزاله من فتحة تزويد الزيت ثم يتم تحريك رأس البخاخة فيتم سحب الزيت المراد سحبه حسب الكمية .

ده كده باختصار
والله الموفق

[osama.m]

انا شفت الصور و حاسس ان الكلية كلها كانت بتتفرج عليك اليوم دا

[magyver]

ماتورينا الصور بقي (×_×)ههههههههههههههههه

[haytham1542]

اخوانى و اصدقائى

بص يا باشا المفيد وده سر الصنعة

انت تجيب ازازة الرشاش بتاعت رش الميه للمكاوة
و تاخد ماكنة الرش فقط من غير الانبوبة بتاعتها و تركبها فى خرطوم الحقنة الشرجية
و تمسك المكنة و كانك بترش
و هتلاقى يا جميل الزيت بيطلع من ماكنة الرش ببساطة و ممكن تحطه فى ازازة و تحتفظ بيه و مش هاتاخد منك غير 5 دقائق.

و ادعيلي

اخوكم

[Gelgel2004]

الله يحظك يا جو - هى فكره حلوه برضه
عموما الاسهل تروح محطات من اللى عندها جهاز الشفط بالهواء و تريح نفسك.

[dodo2000]

طيب ما فى محطة البنزين الى غيرت الزيت ممكن بكل سهولة تسحب الزيت من غير الفيلم ده كله

اساسا فى عربيات بتغير الزيت بتاعها بانها بتشفط الزيت القديم و تحط الجديد و خلاصعلى كده لان فى عربيات بيبقى فيها مصفحة من تحت و صعب الطبة تتفك

[biomedo]

انتوا بتتكلموا على كلية الهندسه بحلوان