أستفسار عن المرور ونقل الملكية

[kokmedo]

السلام عليكم ورحمة الله وبركاتة
أستفسار صغير جدا
أنا من القاهرة كنت عايز أعرف لو عجبتني عربية مستعملة من اي محافظة مثلا أسكندرية أو اي محافظة ثاني وعايز اشتريها
هل في المرور هيبقي في فلم لما اجي انقلها ولا عادي زي اي عربية بشتريها وتكون من مرور ثاني شهادة مخالفات وخلاص من المرور بتاعها
وشكرا لكم كثيرا
منتظر ردكم

[smsm_hamada]

عادى جدا اعمل عقد بيع مسجل فى الشهر العقارى وهات شهادة بيانات ومخالفات وانزل على المرور الى حضرتك تابع ليه اعمل نقل ملكيه .

[smsm_cato]

مفيش مشكلة ولا حاجة كل اللى هتعملة هتجيب شهادة المخالفات وعقد مسجل باسمك وبتقدم الورق فى المرور بتاعك الفنى بيفحصها وياخد بصمة الموتور والشاسية على ورقة بتاعة مطابقة بصمة وتطلع على المرور اللى تابع ليه العربية اللى انت اشتريتها وتعمل مطابقة بصمة للورق اللى موجود فى الملف بتاع العربية وده مبيخدش وقت خالص وبيكتبلك على الورقة ان البصمة مطابقة للورق اللى فى الملف وترجع بالوقة بتاعة المطابقة دى للمرور بتاعك تانى وهتفحص على اساسها وهتاخد رخصة مؤقتة 3 شهور لغاية الملف بتاع العربية ما يجى المرور بتاعك وساعتها بتسلم الرخصة المؤقتة وبتاخد رخصة عادية باسمك