فقدت لوحة الارقام الخلفية ومحتاج نصائحكم

[amigo1]

الحمد لله
أنهاردا نزلت الساعة 6 صباحا (زي كل يوم) وطلعت العربية من الجراش (تحت العمارة) وخدت الاولاد وودتهم الامتحانات ولما نزاتهم أكتشفت أختفاء لوحة الارقام الخلفية
رحت طلعت علي القسم اللي جنب الشغل عملت مذكرة فقد وخدها وطلعت علي المرور وكانت الصدمة أني لازم أعمل فحص وأدفع المخالفات
طبعا أنا لقيت وحدة المخالفات قفلة علشان الانتخابات (كل القاهرة تجيب المخالفات
من الدراسة ) كمان العربية فيها خبطة في الباب و أنا معنديش لا وقت ولا رغبة في التعامل مع الصنيعية
طبعا خرجت من المرور ومعملتش حاجة
ورحت كل حتة رحتها أمس وسألت عن اللوحة وللأسف ملقتهاش
أولا
أقدر أمشي بالعربية قد أية بدون النمر الجديدة؟
ثانيا
أنا أكتشفت دة أنهاردة بس ممكن يكون الموضوع من كذا يوم
ثالثا
في أي حل غير أني أرخص من جديد

[ahmed_mido1889]

هي الفكره في الفحص انه بيطابق رقم الشاسيه والموتور باللي عنده

علشان ما تكونش العربيه مسروقه

بس

[احمد المصرى]

هي الفكره في الفحص انه بيطابق رقم الشاسيه والموتور باللي عنده

علشان ما تكونش العربيه مسروقه

بس

+11111111111111111111111111

[eldell]

يستحسن انك تروح تعمل الفحص والمفروض انهم بعدها هيغيرولك النمر علشان لو وقفت فى كمين والا حاجه ملهاش اى لزمه مع ان حضرتك معاك رقم المحضر وكده بس خليك فى السليم احسن

[AhMeD MeTwAlY]

فحص روتيني مش فحص فحص زي ما حضرتك متخيل

[Karim_Monir]

دخلت في القصة دي
مش هايفحص هايبص علي العربية من بعيد وتدفع باقي وثيقةتامين وورقة الطفاية وخلاص
وتستلم رخصة جديدة بنمرة جديدة
وبتسلم القديمة
وكمان لو العربية بتوكيل مش باسمك وحبيت تبيعها لازم تجيب شهادة بيانات للشهر العقاري عشان النمر اللي في التوكيل غير اللي الرخصة
قعدت في الحوار ده 4 ايام كاملين :-(