ازاى نحسب استفادتك من عربينك

[abumoh2000]

وجهه النظر دى حبيت انقلها لرجاله المنتدى علشان اشوف رايهم
انا لى صديق صيدلى (والصيادله ايها الساده لمن لم يتعامل معهم فى الاصل تجااااااااااار) نرجع لكلامنا
صاحبى ده كان شارى عربيه من سنتين وانا كنت حاضر الموضوع وعارف شاريها بكام وحب يبيع العربيه لقيته منزل من سعرها كتير
بقول له ليه كده هى اتخبطت منك
قال لى لاء بس انا ركبتها بالمبلغ اللى انا نزلته
بقول له انت حسبتها ازاى
قال لى انا كنت بحسب عدد الساعات بتاعه اى مشوار بالعربيه من اول ما اخرج من البيت لحد ما ارجع وبعدين بقول لو انا ماجر العربيه المفروض ادفع لصاحبها 10 جنيه فى الساعه وبعدين احسب استفادتى من المشوار واطرحه من سعر العربيه
واى مصاريف للعربيه من اول البنزين لحد قطع الغيار كنت بحطه على سعر العربيه
وبعد السنتين لقيت نفسى استفدت من العربيه ب7000 جنيه
وده اللى انا نقصته من سعر العربيه لما حبيت ابيعها
ايه رايكم فى الدماغ دى ويا ترى صح ولا غلط

[HRH_Sameh]

وجهة نظري ان المشاوير ماتتحسبش كده لأن فيه مشاويير في ظروف معينة ماتتقدرش بتمن
وسؤال من عندي لو اشتريت عربية ورفعتها 3 سنين ابيعها بنفس التمن؟

[Ashraf_Ibrahim]

هو كلامه جميل جدا
بس الامور لا تقاس بهذه الطريقة !

[lad]

طاب ماهو اكيد عملها صيانة اشمعنا يحسب الاستهلاك و ميحسبش الصيانة كأنها بيستهلكها بس بدون اى صيانة و صرف عليها

[moh19227]

هيتعب دماغه ع الاخر وهيجيب حوالي 50 كشكول يسجل فيهم المصاريف والصيانه وكلام كتير
الطريقه العاديه شوف سعرها كام في السوق اضرب 2 او 3 الاف زيادة لزوم الفصال وكبر الدماغ

[abumoh2000]

وجهة نظري ان المشاوير ماتتحسبش كده لأن فيه مشاويير في ظروف معينة ماتتقدرش بتمن
وسؤال من عندي لو اشتريت عربية ورفعتها 3 سنين ابيعها بنفس التمن؟

سؤالك حلو
صحيح لو العربيه اترفعت برده هتنقص

[abumoh2000]

هو كلامه جميل جدا
بس الامور لا تقاس بهذه الطريقة !

بقولا لحضرتك صيدلى
كله حاجه حسابات

[abumoh2000]

طاب ماهو اكيد عملها صيانة اشمعنا يحسب الاستهلاك و ميحسبش الصيانة كأنها بيستهلكها بس بدون اى صيانة و صرف عليها

ما هو بيضيف تمن الصيانه على تمن العربيه

[abumoh2000]

هيتعب دماغه ع الاخر وهيجيب حوالي 50 كشكول يسجل فيهم المصاريف والصيانه وكلام كتير
الطريقه العاديه شوف سعرها كام في السوق اضرب 2 او 3 الاف زيادة لزوم الفصال وكبر الدماغ

هو ده الخلاصه

[me_medoo]

هو القصد انو أنسان عملي وبيحاول يكون الى قدر ما عادل في سعر بيعو مش زي بعض الناس تلاقيه شاري العربية بقرش ونص ويستخدمها ويسافر بيها وتتخبط منو ويرجع ينزلها السوق بقرشين كمان ، كأن المسئلة نهيييييييييبة ... ياريت كل الناس تفكر بمنطقية كده

ويكون منطقي في السعر الي بيطرحو وعادل مش يضرب لوو سعر وخلاص ... وماينفعش واحد يشتري عربية ويستفيد منها ويستهلكها ويبعها بسعر أغلى من ما أشترى بيه كأنو شاري شبكة دهب ولا طقم ألماس ... شكراً على الموضوع الرائع وياريت كل الناس بتفكر كده ... واحنا نكون بالف خير ونعمه في البلد دي

المفروض العربية أول مابتعلق نمر بتقل من تمنها 10.000 جنيه وعن كل سنة قدم في الموديل 5000 جنية .

أما بالنسبة لعربية مرفوعة ولا مش مرفوعة أنشالله تكون ركنها بأوضة النوم بتاعتك ... ركنت العربية ضرر عليها وأهلاك ... لأن حتى كوتش العربية ليه تاريخ صلاحية والبطارية ومواسير دورة التبريد ألخ ألخ ... زي جهاز الفيديو بالضبط تعالا اشتري جهاز فيديوو واركنوو كده بعد فترة تعالا شغلوو هتلاقيه خربان لوحدووو ...

فانا بأستغرب الناس الي بتقولك العربية مرفوعه ، هيا طبعاً يستثني من القاعده دي العربيات الانتيكة والتحف والروزورايس القديم والعربيات التي توضع في المتاحف وليس عربية تجارية عادية .

فأنتا رافع العربية ليه ؟؟؟؟؟؟؟ هو أنتا فاكرها حتت أرض تشتريها وتركنها لحد ما سعر المتر يعلى وبعدين بتبيعو وتحرم الناس من أنها تبني وتعمر البلد وبعدين يقولك هو الشقق غالية ليه والدنيا مولعة ليه ماهو من الناس الاستغلالية الي بتركن الاراضي وتسقعها ...

بس العربية مش كده خااااااااااااااالص ، ركنت العربية أكبر غلط عليها ، وبيقلل من كفائتها ، وتلاقي المتور من جوه حتى مصدي ... وفوق ماهو مصدي ومتنيل على عينو تغلي سعرها وتقولي مرفوعه يافرحتي يافرحتي يافرحتي

[misoalex]

صاحبك ده راجل محترم

[newuser2009]

انا لما جيت ابيع عربيتي اللانسركرستاله 99 وكانت قاعده معايا حوالي سنه و نصف
قلت انا هاعتبر اني كنت مأجرها ب 20 جنيه في اليوم
يعني 600 جنيه في الشهر يعني في سنه و نصف 9000 جنيه
خصمتهم من تمن العربيه واللي دفعته فيها
وبعتها بسعر الناس قالتلي قليل بس انا كنت مقتنع بيه
وكمان لو كل الناس باعت بالسعر العالى و محدش اتنازل
الدنيا مش هاتمشي و محدش هايبيع ولا يشتري

[abumoh2000]

فى ناس اهه عجبها الكلام وفى ناس مزوداها كمان يبقى كده فى امل الناس الجشعه تتغير

[hossam_elwani]

وجهة نظر................