يا آنسة ممكن تديني مفتاحك؟؟؟

[icehearted girl]

النهاردة حصل موقف غريب أوي ...

كنت راكنة علي كورنيش المعادي ف وش مستشفي القوات المسنكحة... وبتأمل منظر الغروب ف الشفق الأعلي مع انسدال أضواء الغروب ..ممممممممممممم

خدت بالي ان في ماتريكس ورايا صاحبها ماسك فوطة زفرة وقاعد يلمع فيها ربع ساعة....بعد شوية لقيته جي بيخبطلي ع الازاز فتحت فتحة صغيرة جدا بيقولي طيب ممكن تفتحي الازاز متخفيش أنا بكلمك والله...رحت منشفة صوتي اكتر مهو ناشف وقلتله خير في ايه؟؟..

قالي ممكن تديني مفتاح عربيتك؟... آه والله كدا بظبط أديني مفتاحك لو سمحتي يا آنسة

اصل انا خرجت ملعربية ولقيت المسوجر قفل ونا مش عارف اعمل ايه

قلتله مش منطقي اللي بتقوله علي فكرة يتقفل ازاي ونت برة؟؟ وبأي منطق ان مفتاحي يفتحها؟؟ قالي نجرب بس..قلتله آسفة جدا

بصراحة شكيت فيه شوية كمان خفت ليتتك علمفتاح يكسره

قالي طيب انا اسف وراح قعد علرصيف جمب العربية ونا مراقباه

بصراحة ضميري وجعني وقلبي الطيب_ يسلام يا آيس عظيمة عظيمة _ يسلام يسلام

رحت نزلتله بنفسي قلتله بص انا هجربلك بنفسي عشان تتأكد وفعلا المفتاح مدخلش ربعه حتي.. قالي طيب ممكن تديني اجرب انا؟؟

قلتله لا اسفة مش هينفع..قالي طيب معكيش مفتاح غيره؟؟ طب ولا حتي مفتاح بيت عادي؟؟

رحت تنحتله ومشيت

هي دي قلة زوق مني من البداية؟؟

لاخوف زيادة عن اللزوم؟؟؟

ولا استعباط اني نزلت كنت سبته يتفلق؟؟؟؟

ولا قلة حيلة اني مبلغتش اقرب ظابط ف اشارة عننه؟؟؟؟

ولانتو مين اصلا !!!!!!!!

[Mzeid]

لا أنا رأيي طبعا انك عملتي نص الصح لأنك مش المفروض تجربي مفتاحك
و كان لازم تبلغي اقرب ضابط شرطة او نقطة شرطة علشان ممكن يكون حرامي و الله اعلى و اعلم

بس للأسف دي نقطة ضعف الناس اللي قلبها طيب دائما ضميرهم بينقح عليهم انهم مساعدوش حد

[aiman0173]

الأول طبعا حمد الله على سلامة حضرتك والحمد لله إن الموقف إنتهي على خير
ثانيا مع إحترامي لحضرتك في الظروف الحالية للبلد وباللي بنسمعه كل يوم من حوادث كان المفروض حضرتك أول ما طلب منك المفتاح كنتي دورت عربيتك ومشيتي فورا خاصة إنك لواحدك والمنطقة دي وفي الوقت دا بتبقى الحركة مش جامدة قوي ربنا يسترها

[Land_Cruiser]

لا أنا رأيي طبعا انك عملتي نص الصح لأنك مش المفروض تجربي مفتاحك
و كان لازم تبلغي اقرب ضابط شرطة او نقطة شرطة علشان ممكن يكون حرامي و الله اعلى و اعلم

بس للأسف دي نقطة ضعف الناس اللي قلبها طيب دائما ضميرهم بينقح عليهم انهم مساعدوش حد

+11111

هو كمان بالاضافه الى ان قصته مش منطقيه و بافتراض حتى انه مش حرامى المنطق بيقول انه يكلم حد من عنده فى البيت بالموبايل يجيبله مفتاح تانى او حتى يجيب بتاع مفاتيح بدل ما يخبط على حضرتك و طبعا لو حرامى ممكن يكون كان عايز يعمل مليون حاجه وحشه اسهلها انه ياخد مفتاحك و يجرى و لا يطلعلك مطواه و يقولك انزلى من العربيه و ياخدها و مش هتعرفى تجرى لان المفتاح معاه

[charming]

انا عايز اعرف سألك ازاى على مفتاح البيت على اساس انة بيبات فى الشارع مثلاولا على اساس انة عربيتةيونيفرسال اى مفتاح بيفتاحها طيب يقدر يقول الكلام دة لاى واحد ولا هو بيتسلى مثلا عشان قاعدة لوحدك فى العربية

[icehearted girl]

منطقة ايه؟؟؟ الطريق كان واقف ملنحيتين ياجماعة وزحمة بشعة

[devil_storm]

يا سلام يا ايس على قلبك الطيب
بس على فكرة اللى عملتية ده غلط... فى الظروف اللى البلد فيها دلوقتى الصح انك كنتى سبتية و مشيتى... خصوصا ان طلبة غريب, احمدى ربنا ان ربنا سترها معاكى و متعمليش كدة تانى, بلاش جدعنة البنات اليومين دول

[ashouhdy]

انتى بتتكلمى جد !! انا مش مصدقك !! روحى ياشيخة دة انتى ربنا نجدك !

[icehearted girl]

مممممممممممممممممممممممممممممممممممممممممممممممممم ممممممممممممممممم

طيب مبدئيا انا مفتحتش الشباك.. فتحت سنتي واحد بس اسمع الصوت يعني مكنش هيقدر يعمل حاجة

ثانيا انا مدتلوش المفتاح اهو..حتي لما صعب عليا ونزلت مدتلوش المفتاح بردو وكان في ناس كتير فلشارع مكنتش الدنيا هادية يعني

انا مش جدعه ولاحاجة بلعكس دنا ندلة انا لوجدعه كنت اتأكدت من رخصة وجبتله حد يساعده يفتح العربية

[icehearted girl]

انتى بتتكلمى جد !! انا مش مصدقك !! روحى ياشيخة دة انتى ربنا نجدك !

mmmmmm,,, wassup??

[A.Saad]

مين قال انه صاحبها شفتيه نازل منها ولا علشان عمال يلمع فيها ؟؟؟؟
وبعدين يكسر الهواية ويجيب مفتاحه
بطلوا طيبة بقى

[theking2690]

بما انى عندى ماتريكس و عارفها ف هو غالبا اللى كان بيقولهولك صح بنسبة 90% العربيه بتقفل علطول بمجرد ما تسيبيها بس انت تصرفك صح اللى انت عملتيه لأن مفتاحك مش هيفتحها و انا اتعرضت للموقف ده قبل كده و الحل فى انك تبعتى تجيبى المفتاح الاحتياطى هو ده الحل الوحيد

[icehearted girl]

بتقفل ازاي لوحدها؟مش فاهمة...ّّّ!!! ولو حد عارف كدا عن عربيته ميشلش مفتاح سبير معاه ليه

انا لما بنزل ولو ثواني بقفل العربية واخلي المفتاح معايا لان حاجتي جوا بتبقي منتورة ف كل الكراسي ف كل شبر

[icehearted girl]

حاجة كمان دا مكنش مكان للركن اصلا دنا كنت واقفة مدية ويتنج يعني مش طبيعي ان لو صاحبها شخص تاني يكون سابها ف مكان زي دا ومشي ولا ايه؟؟

[A.Saad]

مممممممممممممممممممممممممممممممممممممممممممممممممم ممممممممممممممممم

طيب مبدئيا انا مفتحتش الشباك.. فتحت سنتي واحد بس اسمع الصوت يعني مكنش هيقدر يعمل حاجة

ثانيا انا مدتلوش المفتاح اهو..حتي لما صعب عليا ونزلت مدتلوش المفتاح بردو وكان في ناس كتير فلشارع مكنتش الدنيا هادية يعني

انا مش جدعه ولاحاجة بلعكس دنا ندلة انا لوجدعه كنت اتأكدت من رخصة وجبتله حد يساعده يفتح العربية

ناس مين
انسى الناس خلاص
محدش هيعرفك اما يشوف فرفر ولا رشاش توماتيكى