ضميري مش مستريح

[cheetos_892005]

ايوه فعلا

هغير الكاوتش ان شاء الله عندي

هو ميشلان (صنع في رومانيا ) الفابريكة بتاع العربية

15\65\185

بس الراجل قاللي هشتري منك القدام

دلوقتي انا خايف ابيعهمله يلبسهم لحد غالي و يستغل انه معهوش فلوس او حاجه

الكاوتش شكله لسة جديد ما شاء الله و يخدع و ال 4 فرد مفيهمش غير فردتين بس فيهم كل واحدة لحام و لحامين مكوة

بس عاملين 50 الف كيلو

عشان كده انا بفضل انا ابيعهم بنفسي


هما يجيبو كام ؟؟؟

[Land_Cruiser]

اقترح على حضرتك تنقل الموضوع لقسم الاطارات علشان الناس ترد اسرع

[saadelden]

شيلهم عندك ف البيت و بيعهم براحتك
لكن كدا كدا فرده الكاوتش المستعمله بتتباع ب 100 جنيه مهما غليت
هو بياخدها منك ب 50 و بيبيعها بعد الفصال ب 80 مثلا

[grand hand]

الافضل تبيعهم بنفسك، الضمير منعدم حاليا، وربنا يجازيك خير

[cheetos_892005]

شيلهم عندك ف البيت و بيعهم براحتك
لكن كدا كدا فرده الكاوتش المستعمله بتتباع ب 100 جنيه مهما غليت
هو بياخدها منك ب 50 و بيبيعها بعد الفصال ب 80 مثلا

ما المشكلة عندي حالفين ما في فرد كاوتش هتخش البيت

الافضل تبيعهم بنفسك، الضمير منعدم حاليا، وربنا يجازيك خير

اه منا مقلق من كده

[AhMeD MeTwAlY]

مدام هما كويسين سبهم في العربيه بتعتك ولي هما شكل وبس؟!؟!؟
وبعدين 50 الف كيلو مش كتير يعني

[cheetos_892005]

مدام هما كويسين سبهم في العربيه بتعتك ولي هما شكل وبس؟!؟!؟
وبعدين 50 الف كيلو مش كتير يعني

المشكلة ان طرقي كلها سريعة و مبحبش اتقل في موضوع الكاوتش بذات

[Ahmod]

يا باشا بيعهمله وبعدين ده تاجر يعني لازم يكسب فيهم

اعتقد حتى لو نصب على حد لا سمح الله انت مالكش دخل

وبعدين انت بتسوء الظن فيه ليه مايمكن يبعهم بمكسب قليل شوية ويبقى مفهم الشاري انهم ماشيين 50 الف

[madaxman]

ليا واحد صاحبي عمل حادثه بسبب انه تقل ع كاوتشات كدا وكان بيسافر بالعربيه بردو طرق سريعه بلاش أحسن عشان متخدش ذنب حد خليهم عندك او بيعهم لحد معرفه ميكنش بيسافر او بيجري بالعربيه

[lad]

مدام انت مش ناصب على الراجل اللى هياخدهم منك خلاص هو بقى يبعهم ياكلهم انت خالى الذمة اصلا الناس اللى بتشتري كاوتش مستعمل بتبقى عارفه انه مش مضمون و بيشتريه عشان الماديات بيعه عادى خالص

[saadelden]

بص يا فندم معروف ان الكاوتش المستعمل اكيد بيبقى فيه مشاكل
و الي بيجيبه بيبقى عشان يمشي حاله بيه شويه
يعني مفيش حد طريقه سفر رايح جاي و هايجيب كاوتش مستعمل!

لكن فيه ناس مشاويرهم خفيفه و بيجيب حاجه علي قده ف الكاوتش مش هايعمل مشاكل معاه ان شاء الله

[prosecutor]

حضرتك منين انا محتاج اشتريهم من حضرتك

[cheetos_892005]

انا لما شفت منظرهم انهردة لما اتفكوا قررت مضرش حد ...رميتهم

[shaddadfalcon1]

لما غيرت الكوتش كان لسه بحالته بس ناشف وغايظني
واالراجل بتاع الكوتش كان عايز ياخده ب 100 جنيه وبعد الفصال قالي 150 وابويا قالي مش هيجيب اكتر من كده

الواد اللي شغال مع بتاع الكوتش قريب مراتي فقالي متبيعهوش وانا هبعهولك وفعلا باعه لواحد ب 300 جنيه
الفرق كان يستاهل

[cheetos_892005]

لما غيرت الكوتش كان لسه بحالته بس ناشف وغايظني
واالراجل بتاع الكوتش كان عايز ياخده ب 100 جنيه وبعد الفصال قالي 150 وابويا قالي مش هيجيب اكتر من كده

الواد اللي شغال مع بتاع الكوتش قريب مراتي فقالي متبيعهوش وانا هبعهولك وفعلا باعه لواحد ب 300 جنيه
الفرق كان يستاهل

.بص بصراحة الواد قعد يكشف عليه كده قدامي ويفعص فيه لحد ما في.دوسة كدة شفت السلك ,,فقاللي اخرهم والله 50 جنية قلتله علي ايه يعني وريتهم لواحد ثقة قاللي نفس الكلام وانا من منظرة مقتنع انه ده اخرة ,,,رحت واخدة رامية بدل ما يقع ف ايد حد قليل الضمير و بقو كتير و الغلابة والسذج اكتر