مش لاقى بنزين

[night_whisper]

أزيكم يا صقور
بقالى يومين مش لاقى بنزين فى البنزينات على الرغم من مرورى بأماكن متفرقة (المعادى - المهندسين - العباسية - مدينة نصر) مفيش بنزين فى البنزينات
لما سألت العمال قالوا مش عارفين السبب و أنهم سمعوا أن مفيش بنزين فى المستودعات
اية سبب أختفاء البنزين ؟
و يا ريت اللى عندة بنزينه فيها بنزين يكتبها
تحياتى للجميع

[Sehsss]

موبيل المقطم شارع 9 فيها وموبيل شارع صبري أبوعلم وسط البلد فيها

[Dr'AhmZZong]

بنزينة كالتكس مدينة نصر جنب كافيه الجزيرة آخر شارع عباس العقاد

[ls1090]

موبيل الرحاب
وامارات مصر التجمع الخامس
فيهم

[Sameh_OO7]

بنزينة كالتكس مدينة نصر جنب كافيه الجزيرة آخر شارع عباس العقاد

[yasserelsayad]

كل بنزينات الصحراوى فيها بنزين
ومعظم الوقت بنزينات 6 اكتوبر كمان فيها بنزين

[night_whisper]

شكرآ يا جماعه
انا نازل الأن مدينه نصر و هفوت على كالتكس مدينة نصر بأذن الله تعالى

[fady_anis]

بيقولك وزير البترول بيتم ضخ 14.8 مليون لتر بنزين يومياً !!!!!! ومش لاقى بنزين !!! هو البنزين اللى بيضخوه ده بيروح فين ؟؟؟؟

يا جماعه انا من المنصورة نفسها وللاسف مش لاقى بنزين بقالى يومين واللمبه بتاعت البنزين منوره !!!

[M.Nabeeh]

متوفر البنزين حالياً

[FBIAhmed]

بحط 95 و موجود عادي

[MOK3336]

غريبة دى ؟؟

[night_whisper]

الحمد لله
لقيت بنزين فى بنزينة التعاون صلاح سالم


بس اية سبب أختفاء البنزين المفاجئ ده
أول مرة اواجه المشكلة ديه

[Youssef.Awad]

الحمد لله

لقيت بنزين فى بنزينة التعاون صلاح سالم

بس اية سبب أختفاء البنزين المفاجئ ده

أول مرة اواجه المشكلة ديه

الف مبرووووك يافندم ..وغالبا ازمة مفتعلة وتلاقى البنزين والسولار بيتباع فى السوق السوداء او بيتهرب غزة ولا ليبيا !!!

[night_whisper]

الف مبرووووك يافندم ..وغالبا ازمة مفتعلة وتلاقى البنزين والسولار بيتباع فى السوق السوداء او بيتهرب غزة ولا ليبيا !!!

الله يبارك فيك يوسف حبيب الملايين

[night_whisper]

المواد البترولية تتهم البترول بالتسبب في أزمة البنزين والبوتوجاز
أرجع "حسام عرفات" - رئيس الشعبة العامة للمواد البترولية بالاتحاد العام للغرف التجارية - أزمة الطاقة التي امتدت إلى كافة مصادرها بدءا من البوتوجاز وانتهاءا بالبنزين مرورا بالسولار إلى ما وصفه بسوء التخطيط من قبل الهيئة العامة للبترول والوزارة و كذلك وزارة التموين، مشيرا إلى أن أسباب الأزمة الحالية في الطاقة تتركز حول تأخر وصول المواد البترولية من الدول المصدرة لها بسبب النوات البحرية التي بدأت واحدة منها اليوم و تبدأ أخرى في الثامن عشر من الشهر الجاري و ثالثة في الربع من الشهر القادم و هو ما يؤخر تفريغ شحنات المواد البترولية المختلفة مما يخلق عجزا بنسبة 50 % في كافة المواد المستوردة، وأشار "عرفات" أنه يتم استيراد 10 % من البنزين و 25 % من السولار و 60 % من البوتوجاز.

في الوقت نفسه أكد "عرفات" أن أزمة الطاقة ممتدة في غالبية محافظات مصر باستثناءات قليلة متوقعا زيادة العجز في البوتوجاز قبيل المولد النبوي نتيجة تقليل حصص الاسطوانات التجارية ولجوء أصحاب المحال التجارية للاسطوانات المنزلية فيما قال "كريم ثابت" - عضو شعبة المواد البترولية - أن بنزين 90 غير متوفر بالمحطات و لا المستودعات منذ أكثر من 3 أسابيع، بالأضافة إلى عجز بلغ 60 % في بنزين 92 أما السولار فاختفى نهائيا من المحطات و هو الأمر الذي أكد "ثابت" بصدده أن استمراره سيؤدي إلى شلل في حركة المواصلات العامة لأن أغلب أتوبيسات الهيئة العامة تعمل بالسولار و الميكروباصات وموديلات السيارات القديمة تعمل بها، نافيا أن يكون تدني المؤشرات الاقتصادية للميزان التجاري هو السبب وراء هذه الأزمة، مشيرا إلى أن السنوات السابقة شهدت أزمات متكررة ومتتالية وموسمية في المواد البترولية بالرغم من تسجيل الاقتصاد معدلات نمو تجاوزت في بعض السنوات 5%.