عربيات الدخليه الجديده

[AhMeD MeTwAlY]

بجد انا هموت من الغيظ بقئ العساكر يركبو بي ام اذا كان انا شايف عربيه شرطه اوكتافيا اقسم بالله العساكر عملنها خرابه والمشكله ان احنا مفيش مطاردات ولي حاجه بتعملها الشرطه يعني هتقولي عربية بتنفع في السحب ده لو راكب فورد موديل 1954 هيمسك الحرامي

[saadelden]

دي بقالها زياده عن سنه و مشوفتهاش غير في اللجان ع الصحراوي و الزراعي بس

[AhMeD MeTwAlY]

انا بصراحه اول مره اسمع الخبر ده
وعمري ما شوفتها في لجان لعي الصحراوي ولي الزراعي
اخر حاجه بشوفها هناك كانت الاوكتافيا والنص نقل

[أشرف العدوي]

بالظبط كدة بقالها فترة من قبل الثورة وباين من النمر القديمة الي عليها
و على حد معلوماتي انها كانت جاية منحة

[Land_Cruiser]

الصور دى قديمه من قبل الثوره و و باينه انها معلقه نمر الشرطه القديمه اهى

[hossam_elwani]

دى البشوات الكبار بس هما الى بيركبوها

[Land_Cruiser]

ال bmw دى كانت منحه من المانيا قبل الثورة و بعد الثوره بسنه بقت المنحه تيجو و السنه الجايه توكتوك ان شاء الله :)

[Elawany13]

لا كده عاجب ولا كده عاجب
كان فيه باب هنا بيتكلم على منحة من الصين
600 سيارة تيجو

معظم الناس كانت بتستنكر ... ازاى الشرطة يركبوا عربية زى ديه
متنفعش فى المطاردات وعربية صينى ووووو ........... الى

[AhMeD MeTwAlY]

هو في عندنا مطاردات اساسا

[rompo10]

هايبقي في مطاردات ان شاء الله

[el_nahal2004]

الحاجات دى بتتشاف على الطرق السريعة عند الرادارات
غير كدة مابشوفهاش

[AhMeD MeTwAlY]

هايبقي في مطاردات ان شاء الله

علي اساسا ان في مجرمين محتاجين حد يطاردهم

الحاجات دى بتتشاف على الطرق السريعة عند الرادارات
غير كدة مابشوفهاش

مش بسافر غير نادر جدا ومش بعدي علي رادارات مفيش غير مره واحده ومكنش في غير عربيه نص نقل

[osama.m]

بقالها فترة العربيات دي و كان اتعمل ليها موضوع قبل كدا
عندنا نازل كام عربية اوبترا جداد بس لحد دلوقتي محافظين عليهم

[minicooper20]

ههههههههههههههههههههه

[Elawany13]

انتشر على صفحات موقع التواصل الاجتماعى “الفيسبوك” صور لسيارات الشرطة المصرية الجديدة التى أثارت الكثير من الجدل حول وجودها في الوقت الحالى بالتوازي مع إنهيار الأقتصاد المصري وكانت تعليقات البعض تنتقد الحكومة المصرية والمجلس العسكري في تصريحاتهم حول الأقتصاد المصرى بانه ينهار يوماً بعد يوم ، وان مصر تقترب من الإفلاس .
وفي نفس الوقت اثار ثمن سيارة الشرطة الجديدة بي ام دابليو اكس ثريBMW X3 الغضب وياتي ذلك بسبب ثمنها الباهظ فهى تفوق النصف مليون جنية ، ومن اشهر التعليقات التى تداولت على الفيسبوك “الشرطة تعيش والشعب يولع” ، “انا لازم اقدم في كلية الشرطة عشان اركب العربية دي” ووصف البعض ان شراء مثل هذة السيارت يعد سفه لان هناك الكثير من المصريين في الاحتياج لهذة الاموال.
وكان هناك راي معارض انتقد را[SIZE="4"][/SIZE]فضين هذة السيارات الباهظة الثمن وقالوا ان هذة السيارات تحصل عليها الشرطة بدون جمارك او من خلال مصادراتها في عمليات امنية.
والجدير بالذكر ان سيارات الشرطة الجديدة تنتشر في كل محافظات الجمهورية لدعم الامن وتتعدد انواع هذة السيارات ومنها شيفروليه ، بي ام دابليو ، رينو ، اسبرانزا تيجو ، كيا ، سكودا ، تويوتا .

ومن الجدير بالذكر أن مصدر رفيع المستوى بوزارة الداخلية قد صرح لنا أن السيارات تأتى للوزارة على سبيل منحة من الاتحاد الأوربى فى أطار أتفاقيات التعاون المشترك بين مصر وباقى دول العالم وأن الوزارة والحكومة المصرية لم تدفع فى تلك السيارات أى مقابل مادى للدول


Read more بالصور : الداخلية تستعين بال BMWx3 و احدث السيارات فى الشارع المصرى | EgyPolice | موقع الشرطة المصرية