و ضاع اللون يا ولدى

[fox3d]

الموضوع باختصار ان معايا عربية اوبترا واخدا كام خبطه و عاوز اعملها دوكو و انا شاريها استعمال . الراجل بتاع الدكو مش عارف يضبط اللون (هو فى الرخصة اخصر فستقى) علشان درجة اللون متشاله من العربية . ايه الحل يا ترى فى هذا الموقف الغريب

[Elawany13]

متهيألى كود اللون بيكون مكتوب على القايم

[Ashraf_Ibrahim]

ممكن تتصل بالوكيل يديلك رقم اللون او تدور عليه على قايم العربية تقريبا او شوف اوبترا نفس اللون بتاع عربيتك وخد من صاحبها درجة اللون

[MOK3336]

يا عيني يا عيني يا عيني علي الولا
آآه آآه آآآه آآآآه
شوف كده اللون هتلاقيه مكتوب في صدر العربية
ولو مش موجود روح لواحد بتاع بوية كويس وهو هيتصرف

[aboharb]

العربيات الحديثه كلها مكتوب فيها درجة اللون دور عليه وهتلاقيه وممكن من الوكيل برقم شاسيه العربيه يديلك كود اللون

[mohamed_rhem]

كلم منصور حيدهولك ويقولك احسن نوع تاخد منه الدرجة
او بص علي الموقع حتلاقي اكواد

وفي الغالب الرقم بيبقي مكتوب في صدر العربية

[Eng.Geo]

مش هو اللون ده ؟


اللون ده اسمه khaki green
كوده 44v
هتلاقي الكود مكتوب عالقايم بتاع العربية

[Col. Eng. Khaled]

كود اللون يعمل بيه اللون عادي

بعد كده (يكون فاكك غطا التانك) يعمل كام عيّنة على لون الغطا من الجزء الداخلي أو ممكن من ما بين الرفرف الخلفي و كاوتش حلق

الشنطة لو فابريقة .... كده كده المكانين دول من غير ورنيش و البويه بتبقى لوحدها في علبة و الورنيش لوحده .

بالتوفيق إن شاء الله

[me_medoo]

حسبي الله ونعم الوكيل في السمكرية والبهوياجية بتوع مصر ، شاطريين بس في الكلام ... ويعملك البحر طحينة ده انا مره أكتشفت أن السمكري الي كان بيصلحلي العربية عندووو عمى ألواااااااااان ههههههههههه ونصحناه أنو يروح يتعالج ورغم أن بتاع البوية وبتاع الفرن نبهوو ان أعمى ما بيشوفش الا انو أفتكرهم بيهزرو وبيهرجو معاه هههههههه .


وكلو كوم وأسامي الالوان دي لون تاني زي شركة مستوبيشي تقولك فراني يعني رصاصي ، بس شركة تيوتا تقولك لا فراني يعني لون الفار المصري الي لونو بني محروق ... أما شركة ديهاتسو تقلك فيراني يعني لون بترولي الي هوا أزرق باهت ...

ده غير الالوان عندنا في مصر أساميها لزيزة قوي وكل يوم يخترعو لون الي يقولك أخضر قلب الخساية ... وأحمر مارلبورو ... والي يقلك شامبين على اساس لون الشمبانية ... وأصفر كنارية ... وأحمر دم الغزال هههههههههه قال يعني حد كل غزال ولا أصطاد غزال قبل كده ... وأخضر خرااااو.... . حاجة غريبة بجد .

لاوبعد ده كلو يجي يدهن العربية وتلاقي الباب بلون والرفرف بلون والعربية بيلون ويقعد يقنعك السمكري انو اصل البوية دي جديدة ودي قديمه ... ويبررلك خيبتوو ووكسيتو بدل ما يضرب اللون صح ويدهن العربية صح الصح ... ويبقى غلطان ويقعد يقاوووح .

[ahmedb1]

حسبي الله ونعم الوكيل في السمكرية والبهوياجية بتوع مصر ، شاطريين بس في الكلام ... ويعملك البحر طحينة ده انا مره أكتشفت أن السمكري الي كان بيصلحلي العربية عندووو عمى ألواااااااااان ههههههههههه ونصحناه أنو يروح يتعالج ورغم أن بتاع البوية وبتاع الفرن نبهوو ان أعمى ما بيشوفش الا انو أفتكرهم بيهزرو وبيهرجو معاه هههههههه .


وكلو كوم وأسامي الالوان دي لون تاني زي شركة مستوبيشي تقولك فراني يعني رصاصي ، بس شركة تيوتا تقولك لا فراني يعني لون الفار المصري الي لونو بني محروق ... أما شركة ديهاتسو تقلك فيراني يعني لون بترولي الي هوا أزرق باهت ...

ده غير الالوان عندنا في مصر أساميها لزيزة قوي وكل يوم يخترعو لون الي يقولك أخضر قلب الخساية ... وأحمر مارلبورو ... والي يقلك شامبين على اساس لون الشمبانية ... وأصفر كنارية ... وأحمر دم الغزال هههههههههه قال يعني حد كل غزال ولا أصطاد غزال قبل كده ... وأخضر خرااااو.... . حاجة غريبة بجد .

لاوبعد ده كلو يجي يدهن العربية وتلاقي الباب بلون والرفرف بلون والعربية بيلون ويقعد يقنعك السمكري انو اصل البوية دي جديدة ودي قديمه ... ويبررلك خيبتوو ووكسيتو بدل ما يضرب اللون صح ويدهن العربية صح الصح ... ويبقى غلطان ويقعد يقاوووح .

+1

[fox3d]

اشكر كل من رد عليا بالنسبة ان درجة اللون فى قائمة العربية او فى صدر العربية مش موجود اما بالنسبة لموضوع الاتصال بالوكيل ؟ يعنى اتصل و اقول انا عاوز اعرف كود لونى عربيتى ايه و هو حيعترف كده بكل بساطة !!!!؟ مممممكن !

[Karim_Monir]

وكيل مين اللي يقولك درجة اللون
طبعا مستحيل
ودي العربية لبتاع الوان كويس يركبلك اللون ما تستهونش عشان ماتلاقيش عربيتك بقت حتت مختلفة في اللون
وكمان في انواع من الاكواد مش هاتطلع غير دهانات اسكينز
لو جيت تعملها اوميجا ولا استثماري هاتلاقي لون تاني خالص
هايكون مقارب قبل الرش
لكن بعد الرش والورنيش والسحق والتلميع واول ما تقف في الشمس هاتلاقي لون تاني خالص
وتضطر تعيد تاني

[Karim_Monir]

الراجل ده شكله عكاك مع احترامي
ومنصور مش هايديلك اللون ابدا
روح لبتاع الوان اعمل لونك بنفسك
وفي الوان ما بتطلعش غير اسكينز فقط
لا هاتطلع اوميجا ولا استثماري

[fox3d]

الرجل بتاع الدكو يعتبر من احسن الناس هنا فى اسوان ومش عارف يجمع اللون كويس بالكمبيوتر او من غير الرجل غلب حماره معايا . شكلها كده حترسى على دهان العربية بالكامل باللون الجديد.

[me_medoo]

طيب ما أنتا كده ... هتطر تروش سقف ، وخلي بالك كده هيقولك العربية مقلوووبة على طول وبينزل من تمنها جااااااااااااامد.

نصيحة ليك هاتها القاهرة هناااااااااا الحرفيين عند أي فرن أو أي بوهيجي ، بس انتا خلص سمكرتك الاول عندكو في أسوان وتعاله رشها هنا ...