النترا 2012 اتسرقت !!!

[ihabchina]

فيشه تفصل الكهرباء عن العربيهه تتعمل عند كهربائي شاطر وتتخبي في مكان كويس في العربيه ولما تنزل من العربيه تفصلها وشكرا ولو الحرامي رقص جنب العربيه مش هيعرف يدورها الا اذا بقي كان فاجر قوي وشدها او جرها علي ونش

انت بتقول فيها ؟؟ سرقوا عربية نص نقل الدبابة وفيها مفتاح فصل كهربا من تحت بيت وملهاش حل غير انهم جروها او اتقترت

قولت يا واد دول بيسرقوا موديلات حلوة وعربيات غالية

وبعديا بكام بيت وفى نفس الصف اتسرقت عربية بيجو موديل 75 وبعد صلاه الفجر تقريبا مش عارف اخبى عربيى فين!!

بقفل الدركسيون وبعدها بركب الكلابش وان شاء الله واحد صاحبى جايبلى كلابش صلب ايطالى هحطة زيادة وبعدين بقفل وبيشتغل الانذار والعربية مركونة تحت مخدتى بظبط هههه وسمكرى معرفة قالى هعملك كلابش بجنزير فى الارض مع قفل صلب وكلبشها فى الارض ههههههههه

هم يضحك وهم يبكى والله العظيم

[mhmdalsaadany]

معلش يا باشا سؤال هو العربيه الالنترا فيها امبولايزر ولا لأ
وربنا يصبره ويعوض عليه ان شاء الله
ويتوب علينا ويرحمنا من الحراميه

[shaddadfalcon1]

معلش يا باشا سؤال هو العربيه الالنترا فيها امبولايزر ولا لأ
وربنا يصبره ويعوض عليه ان شاء الله
ويتوب علينا ويرحمنا من الحراميه

ماهو ببساطه ممكن يجرها علي ونش مش هيعمل ساعتها البتاع ده اي حاجه

[Land_Cruiser]

حسبي الله و نعم الوكيل هيه عربيته مفيهاش انذار؟

[engaass]

ان شاء الله العربية ترجع

[hero]

الحل الجذري لعلاج سرقة السيارات ....

هو تفعيل عقوبة قوية جداااا ورادعة علي كل من ثبت علية الاتهام والتورط في سرقة السيارات.....ويتم بث العقوبة علي جميع القنوات المصرية الارضية والفضائية عن طريق ضم القنوات (يعني كلة هايشوف تنفيذ العقوبة بالعافية)

للاسف السرقة في مصر "جنحة" يعني كبيرهم 3 سنين سجن ...يابلاش.

طول ما العقوبات الرادعة ....موقوفة ومُعطلة ....عمرنا ما هانشوف آمان...دي طبيعة الانسان المجرم والحرامي...وربنا أعلم بخلقة ....وعلشان كدة ربنا اختار للحرامي العلاج الفعال والسحري....اقطعوا ايدة وريحوا نفسكوا منة. قبل ما حد يعترض علي قطع اليد ...العملية دي ما بتجيش علي طول يعني بيكون لها شروط ..اهمها ان السرقة دي مش اول سرقة لية ...يعني الباشا معتاد علي السرقة (زي اغلب الحلوين المسجلين خطر عندنا في مصر ....اقل واحد مدان في 30 سابقة )...وبيكون لها شروط في قيمة المسروقات وسبب السرقة....يعني مثلا مافيش حد بيسرق علشان جعان...يقوم يسرق عربية تمنها معدي ال100 الف جنية...مش معقول هاتاكل ب 100 الف...

يارب كل العقوبات الجبارة تطبق علي المجرمين ....والمجتمع ينضف من آفاتة البشرية.

و أخيرا ....أدعوا الله ان يحفظنا جميعا من الحرامية والمجرمين ...ايلي ما بيخافوش الله ولا يوم هايتحاسبوا فية.

[mr_vampire]

يقفلو السكة اللي بيسربو بيها العربيات المسروقة الاول ووقتها هيضيقو ويقفلوها في وش اللي بيسرقو العربيات لانهم مش هيلاقو مكان يسربو فيه العربيات ده كلها.

وطبعا الحل هو: دبابتين من بتوع زمان وكام مدرعة غبية كدة تهد الانفاق اللي رايحة علي غزة اللي بيستخدموها لتمرير العربيات المسروقة لفلسطين.

والله انا لو صاحب قرار النهاردة قبل بكرة لوا جيش كااااااااااااااااااامل يطلع عالحدود ويهد الانفاق علي دماغهم.

مصر كلها عارفة حوار الانفاق ومصورة العربيات وهي بتمر منه . الناس ده معندهاش تليفزيون حتي في بيوتهم او سمعو الحوار بالصدفة؟؟؟؟؟؟؟؟ ولا يكونو مقضيينها اسبيس تون وميلوتي افلام.

[abdo7000]

الحل الوحيد الواحد يفك عجب العربيه كله هانعمل ايه يعني ننام في العربيات

تسدا فكرة عملية ؟؟
انا لاحظت اكثر من عربية بدون عجل ؟؟ فهل تم تطبيق الفكرة فعلا ؟؟ ولا دي حوادث سرقة الكاوتش ؟؟

[moh19227]

لا حول ولا قوة الا بالله
فعلا بقت حاجه تقرف موضوع السرقه ده يعني الناس هتعمل ايه تاني
انذار مبيفرقش تكلبش الدريكسيون ولا اي حاجه
طب اخبار الايموبليزر ايه بيعمل حاجه ولا بردو مفيش فايده

[dr_radioooooo]

انا نفسى اعرف بيدور العربية اللى فيها ايمبولايزر ازاى؟!!!!!!!!!!!!!

[tutankhamoun]

فيه يا جماعة أنا شوفت كلابش للعجلة و كلابش للدريسكيون
و فعلا اللي يسرق العربية لازم يتم تطبيق حدود الشرع عليه زي ما الأستاذ هيروا وضح

[tutankhamoun]

الحل الجذري لعلاج سرقة السيارات ....

هو تفعيل عقوبة قوية جداااا ورادعة علي كل من ثبت علية الاتهام والتورط في سرقة السيارات.....ويتم بث العقوبة علي جميع القنوات المصرية الارضية والفضائية عن طريق ضم القنوات (يعني كلة هايشوف تنفيذ العقوبة بالعافية)

للاسف السرقة في مصر "جنحة" يعني كبيرهم 3 سنين سجن ...يابلاش.

طول ما العقوبات الرادعة ....موقوفة ومُعطلة ....عمرنا ما هانشوف آمان...دي طبيعة الانسان المجرم والحرامي...وربنا أعلم بخلقة ....وعلشان كدة ربنا اختار للحرامي العلاج الفعال والسحري....اقطعوا ايدة وريحوا نفسكوا منة. قبل ما حد يعترض علي قطع اليد ...العملية دي ما بتجيش علي طول يعني بيكون لها شروط ..اهمها ان السرقة دي مش اول سرقة لية ...يعني الباشا معتاد علي السرقة (زي اغلب الحلوين المسجلين خطر عندنا في مصر ....اقل واحد مدان في 30 سابقة )...وبيكون لها شروط في قيمة المسروقات وسبب السرقة....يعني مثلا مافيش حد بيسرق علشان جعان...يقوم يسرق عربية تمنها معدي ال100 الف جنية...مش معقول هاتاكل ب 100 الف...

يارب كل العقوبات الجبارة تطبق علي المجرمين ....والمجتمع ينضف من آفاتة البشرية.

و أخيرا ....أدعوا الله ان يحفظنا جميعا من الحرامية والمجرمين ...ايلي ما بيخافوش الله ولا يوم هايتحاسبوا فية.

كلامك زين و الله

[elmkaneeki]

لا احد يجيب!!!
ازاى العربيات الى فيها ايموبليزر بتتسرق

[tutankhamoun]

لا احد يجيب!!!
ازاى العربيات الى فيها ايموبليزر بتتسرق

ممكن تتحمل على ونش (حصلت في 6 أكتوبر مع عربية بي أم تبع واحد معرفة )
إنما بتدور ازاي ........ معرفش

[fouaa]

متابع