وقف ترخيص ملاكي و اجرة ما تحت موديل 1990

[dr_abooody]

السلام عليكم
انا سمعت كدا خبر _مش متأكد منة _ ان كل العربيات القديمة سواء الملاكي او الاجرة ما دون موديل 1980 سيتم وقف ترخيصها و هتتباع في خارج القاهرة الكبرى بنص تمنها
و ان وقف الترخيص هيستمر لحد ما يوصلوا لموديلات التمانينات كلها لحد 1990

فهل الخبر دة صحيح ؟؟
يا ريت اللي متأكد من صحتة يرد
مع جزيل الشكر

[Islam_galal]

غير صحيح
مشروع قرار للتاكسي علي مستوي الجمهورية بحد اقصي 20 سنة و الملاكي لأ

[ahmedfd]

صعب جداً جداً جداً الكلام ده يتطبق على الملاكي و لا حتى موديل 1930.

[sab3aawy]

الموضوع ده قديم جدا

تم طرح هذه المادة لمشروع قانون المرور الجيد غير انه لم تتم الموافقه عليها نهائيا

لكن تجار المستعمل من نوعية تجار سوق العاشر من محبى ارتداء الكاسكيتة والشبشب الزنوبة يستثمرون فى تروج مثل هذة الأقاويل حتى يطففون فى سعر السيارة المستعملة ويأخدونها باسعار ميتة سحتا فى بطونهم ، لكن ساعة ما بيبيعوها تلاقى الكلام اختلف وم نفسهم اللى يقولوا لك ان القانون ده متوافقش عليه

[aliabutaleb]

الكلام ده لو اتطبق معناه حاجتين
الأولى خراب بيوت لـ 70% على الأقل من مالكي السيارات الخاصة في مصر
والثانية حل جذري لمشكلة المرور في مصر :)

[GoldenManEye]

بصراحة كده محدش يقولى مش ممكن ! و هيخربوا بيت كام ألف والا كام مليون! و الحكومة مش هتقدر تعمل كده!

بعد موضوع البنزين و السولار انا متوقع أى حاجة من الحكومة.

موضوع العربيات الملاكى وزير الصناعة رشيد محمد رشيد هو اللى كان أعلن عن الموضوع ده و ساعتها قال أسبابه وقال إنهم بيدرسوه!

أما موضوع الأجرة ده خلاص تقريباً إتحسم مع قانون المرور الجديد.

[allord01]

الموضوع ده قديم جدا

تم طرح هذه المادة لمشروع قانون المرور الجيد غير انه لم تتم الموافقه عليها نهائيا

لكن تجار المستعمل من نوعية تجار سوق العاشر من محبى ارتداء الكاسكيتة والشبشب الزنوبة يستثمرون فى تروج مثل هذة الأقاويل حتى يطففون فى سعر السيارة المستعملة ويأخدونها باسعار ميتة سحتا فى بطونهم ، لكن ساعة ما بيبيعوها تلاقى الكلام اختلف وم نفسهم اللى يقولوا لك ان القانون ده متوافقش عليه

القانون كان بيتناقش منذ يومين فى مجلس الشعب وخلاص حدده كل البنود الاجره اقل من عشرون عاما من تاريخ الصنع ولن يطبق قبل سنتين لتوفيق الاوضاع
وسمحوه للتكتك بالترخيص لاول مره من ادارة المرور والغاء الحبس فى بعض المخالفات
وغرامه لا تقل عن 100 جنيه فى السير عكس الاتجاه وسحب ارقام السياره التى بدون ترخسص او منتهى الترخيص
وشكرا

[ayman_kamal]

ياجماعة خلاص القانون اتوافق عليه للاجرة اللي اكتر من 20 سنة بس مش الملاكي و عاطوهوم فترة 3 سنين لتوفيق الاوضاع

[l0new0lf]

lilnk for traffic law in egypt

http://www.moiegypt.gov.eg/Arabic/Departments%20Sites/Traffic/trafficlaw/66/puplicWay/useRoat/

yaret law 7ad fhem 7aga yfahemhale aslo zay ma bey2olo esahl el momtane3