ربنا ستر (( احذروا يا دايوهيه ))

[wael6]

ربنا يحفظلك مالك وحياتك يارب
معلش للتوضيح
زرار الكبوت بيركب فين ؟ هل زى زرار الشنطه بتاع الانذار ؟ اللى كمان بيخلي لمبة الصالون تنور زى زرار الباب ؟
عربيتي اكسيل
واللهم احفظ ممتلكاتنا جميعا يارب
وحسبنا الله ونعم الوكيل

[titos_81]

فكره حلوه موضوع السارينه التانيه دى الله ينور و الحمد لله انها جت سليمه

[Elawany13]

الحمد لله ربنا ستر وجت سليمة
أنا موصل موبايل بدل السرينة التانية

موضوع توصيل زرار على الكبوت لجهاز الإنذار مهم جدا ياجماعه
كل واحد يتأكد من زرار الكبوت ويتأكد انه مش مصدى وشغال مع الإنذار كويس
بالذات العربيات اللى كبوتها بيفتح من عند البربيز زى الشاهين واللادا وغيرهم
الزرار بتاع الإنزار بيكون محطوط فى مكان بيتعرض فيه لمياه المساحات ومياه المطر والغسيل ... وبيصدى بسرعه وطبعا كده بيتعطل ... فيه عربيات بتتسرق وفيها انذار وصاحبها بيبقى مستغرب ان الإنذار مشتغلش
للمرة التانية زرار الكبوت اللى متوصل بالإنذار نحط عليه زيت ماتور ونرشه كل فترة بإسبراى wd40 أو بجاز أو بسولار أو بزيت ماتور قديم ونتأكد من انه شغال كويس

وياريت الشنطة كمان يبقى فيها زرار زى ده
أنا مركبه عندى

الحمد لله جت سليمة
بس فيه سؤال ايه المقصود بزرار الكبوت

ربنا يحفظلك مالك وحياتك يارب
معلش للتوضيح
زرار الكبوت بيركب فين ؟ هل زى زرار الشنطه بتاع الانذار ؟ اللى كمان بيخلي لمبة الصالون تنور زى زرار الباب ؟
عربيتي اكسيل
واللهم احفظ ممتلكاتنا جميعا يارب
وحسبنا الله ونعم الوكيل

زى الزرار اللى بيكون عند كل باب من أبواب العربية
ولما بتفتح الباب نور الصالون بينور
وزى زرار الشنطة لو انت موصلها بالإنذار
بس مش شرط ان نور الصالون ينور لما تفتح الكابوت ممكن يكون متوصل بالإنذار فقط
عن نفسى خليت الكهربائى يوصل زرار الكبوت بالإنذار ونور الصالون كمان علشان اتأكد انه سليم وألاحظ الموضوع ده على طول كل ما افتح الكبوت

بالنسبة لمكانه
حسب طريقة فتح الكابوت
لو بيفتح من قدام هيكون محطوط قدام زى الفليشيا و اللانوس والتيدا ومعظم الجديد
بيكون الزرار راكب على صدر العربية




والعكس صحيح لو الكابوت بيفتح من عند البربيز الأمامى هيكون فى آخر الكابوت عند البربيز الأمامى
زى الشاهين واللادا والـ 128 وغيرهم




كل واحد ينزل يتأكد من الموضوع ده
ولو مصدى يغيره فوراااااااااا
ولو مش متوصل يركبه

[wael6]

زرار الكبوت ده بيتثبت تحت الكبوت على الشنب يعنى
ولا بيتثبت فين؟؟؟
هو تقريبا مش عندى ؟
الكبوت بيتفح من الامام زى اللانوس
وانا مركب للشنطة ع الانذار الحمد لله
وربنا يستر ويسلمنا جميعا يارب

[ah-gawad]

ربنا يسترها معانا جميعا

[dr.hany]

الحمد لله وشكرا على هذه المعلومات

[Elawany13]

زرار الكبوت ده بيتثبت تحت الكبوت على الشنب يعنى
ولا بيتثبت فين؟؟؟
هو تقريبا مش عندى ؟
الكبوت بيتفح من الامام زى اللانوس
وانا مركب للشنطة ع الانذار الحمد لله
وربنا يستر ويسلمنا جميعا يارب

ايوه صح كده على الشنب ... انا كنت ناسى مسمى الشنب ده هههههههههههه

[omar-saad]

الحمد لله
لسة عربية صاحبى مسروقة ساعة صلاة الجمعة
دايو لانوس 1 بيصا موديل 99
رقم س ج ب 7859

[graffittiii]

الحمدلله ربنا ستر ....
علي فكرة غالبا الأنذار التاني ده هو اللي أنقذك ...
لان أنا كنت كاتب موضوع قبل كده عن عربية أتفتحت من غير أي صوت للإنذار ف خلال دقيقة تقريبا ...
لكن كنت نسيت أكتب ف الموضوع أنها كانت دايو لانوس بردو ...
لازم الناس تخلي بالها خاصة ف العربيات المنتشرة اللي الصنايعية كلها عارفينا كويس زي اللانوس والشاهين والفيرنا ....
ده رابط الموضوع السابق :

http://www.nilemotors.net/Nile/222520-a.html#post3873532184

.

[elwa_eee]

الحمد لله
المال الحلال ما يضعشــى

[biomedo]

الحمد لله ربنا سترها و فلوسك حلال

طب و تعديل الشبكه اللي حضرتك عملته اما جبت سلك و عملته مكان الشبكه مش بردوا نفع على الاقل عطلوا شويه

و انا عندي عتاب

مكنش لازم حضرتك توضح التفاصيل الفنيه لشد السلك لفتح الكبوت لانه لا قدر الله ممكن يكون واحد من القراء نفسه ضعيفه و يكون حرامي و يحاول يعمل كده

[ahmedhilmy]

الحمد لله انها جت سليمه و ربنا يسترها علينا اجمعين

[koshary]

انا هعمل موضوع الرسينتين ده ربنا يسترها علينا ويعدى الايام دى على خير يارب والحمد لله انها جت سليمه



وطبعا متنساش تطلع حاجه لله بعد الموضوع ده وتصلى ركعتين شكر لله

[mohkhattab]

الحمد لله انها جت على قد كده .
ربنا يسترها على الجميع

[wael6]

السلام عليكم
اولا الحمد لله انها جت سليمه وربنا يحفظلك مالك وحياتك يارب
وبشكرك جدا لتنبيهنا ونصيحتنا ربنا يجازيك كل خير

ثانيا :- معلش عندى شوية استفسارات
1- انا الحمد لله ركبت زرار إنذار للكبوت
2- وانا بفحص سلك السرينه لقيت طالع منه طرف تانى مقطوع ومرمى تحت العربيه ( هل ده كان راكب فيه سرينه تانيه ) ولا تركيب السرينه الاخرى بيكون بسلك لوحده خالص متوصل بالانذار مالوش دعوة بالسرينة اللى راكبه عشان لو فصل سلكها التانيه متتفصلش ؟
3- وهل كان المقصود من كلام حضراتكم تركيب سرينة اخرى فقط على نفس الانذار ولا تركيب انذار آخر مستقل ؟
4- الكهربائي قالى مش مجدى تركيب انذار آخر لانه لو فصل البطارية خلاص كانه لم يكن ؟
وكمان زرار الكبوت هينبهك او ما يتعامل مع الكبوت ؟
5- بالنسبة لزراير الابواب بتعلق ؟ اللى بيقولوا عليها زراير تلاجه
انا نضفتهم وصنفرتهم بس ساعات بيعلقوا ؟
هل لو الباب اتفتح والزرار مشتغلش وعلق الانذار ميشتغلش ؟
ولا ده مجرد زرار بيان للتابلوه ولمبة الصالون ؟
6- اسعار زراير الابواب (الثلاجه)

ولو سرينه آخرى بكام (وممن تكون صغيره لان اللى راكبه كبيره ولا برده اجيبها كبيره ) واخبيها فين فى العربيه ؟؟
اسف جدااااااا للاطاله
ونرجو الاجابة المستفيضه لكل نقطة على حده لاهمية الموضوع للجميع
وجزاكم الله خيرا