اللون الاسود و لا الرمادي

[melagouze]

السلام عليكم و رحمه الله

انا هشتري عربيه جديده ان شاء الله.......انا ميال للون الاسود لانه بيبقي شيك و لكن خايف من التراب و وجع الدماغ

يا جماعه من خبرتكم ...هل اختيار الاسود اختيار غير عملي ؟؟؟؟ و هل الرمادي بردو غير عملي؟؟؟

[aboharb]

الاسود يكسب المهم يتحافظ عليه اما الرمادى بستحمل بهدله بس مش اشيك

[midogeem75]

الأسود........... سيد ألوان السيارات.

[KHALED AYMAN]

الاسود :
هتغسل العربيه و بعد 5 دقايق هتلاقيها كلها تراب
الفيرانى :
هتغسل العربيه و بعد 20 دقيقه هتلاقيها كلها تراب


الاسود : اى خربوش هيبان فيها
الفيرانى: الخربوش التقيل شويه هيبان فيه

انا جربت الاتنين

[M.FOUAD]

الرمادي احسن بكثير عن تجربة اللونين

[mahfouz1983]

الرمادي يكسب

[weller]

مبررررروك مقدما
مفيش كلام ان الاسود هوا اجمل لون للعربيه وشيك جدا بس نصيحه بلااااش انا كان معايا عربيتين سود شوف من كتر حبي للون بس بعتهم الاتنين ووالله العظيم جبت عربيه لونها ابيض الاسود جميل بعد الغسيل لمدة خمس دقايق بس قليل اوي لما تلاقي نفسك ماشي بالعربيه بتلمع واي خدش بيبان بس هوا اجمل لون بس يعمل معاملة الاطفال ههههههههه وربنا يوفقك

[Hosam_Optrawy]

من واحد معاه عربيه سودا بلاش اسود :) خليك فى الفيرانى احسن

الاسود مش عملى فى مصر , عايز بلد مفيهاش تراب ولا حر طبعا

[ZOoOoMA]

خليك في الرمادي احسن الاسود اي خربوش هيبان فيه واضح قوي و بيتوسخ بسرعه

[Zazoksh]

بالإضافة إلى ردود الأخوة الأعضاء

اللون الأسود سيجعل السيارة عبارة عن فرن متحرك فى الصيف ... مما يستلزم تشغيل التكييف (لو وجد) بصفة شبه مستمرة إلى أن يحين المساء .. مما يؤدى إلى إرتفاع تكلفة تشغيل السيارة (وقود) وكذلك تحميل الموتور بأحمال لفترة طويلة ...

مع أطيب تمنياتى للجميع بالصحة والسعادة والسلامة ،،،،،

Zazoksh - Cairo, EGYPT

[me_medoo]

ألف ألف مبروك يافندم على العربية ...

بس نصيحة من أخوك الكبير ... بلاش الاسود او الرمادي ... هما صحيح شيك وحلوين بس أول سنة بس ... وبعد كده بتلاقي العربية جربانه بسبب الخرابيش والتجاريح الي هتبان عليها ... ومنساش شهور السيف عندنا هتلاقي نفسك بتفرهض وانتا جو العربية من الحر ...

في حجات بتبقى جميلة وبتشوق الانسان أليها ... رغم أنها غير عملية . وزهوتها بس في الباديه وبعد كده بتبقى ولا حاجة وتحس برغم ان العربية غالية بس تحسها كده مطفية وجربانه .

وعيوب الالوان دي في الصيف طبعاً وما أدراك مالصيف عندنا ... الخرابيش الي كل واحد معدي وشايف العربية بتلمع لازم يمسك مسمار ويكتبلك على العربية الف مبروك .

حتت الغبار الي بيبان عليها بسرعه ... ده غير ان حته المية بتلاقيها تجير على البدي بتاع العربية ، الا اذا كنت هتشتري العربية وتركنها في جراش خاص بيك وانتا من النوع الي بتحب تحنتف في الحاجه وكل شوية تلمعها ...

فخليك في اللون الفضي أو الابيض . الفضي هو لون الخرابيش اساساً ولون ملوكي على العربية ... والابيض بيدي للعربية وسع وكبر وبيخليها تلاجه في الصيف ... ده غير انو بيخلي العربية كده حمامة سلام ... وأذا كنت من عشاق الشبابية خليك في النبيتي ودرجاتو .

والف مبروك مقدماً مقلتلناش أيه نوع العربية ... دهيه لو كان الموضوع ده كلو على لادا ولا 128 هههههههههههههههه هاتهم اسود مش مشكلة .

[mohamedbook]

مشكلة اللاسود في درجات الحرارة اثناء الصيف مش هتستحمل
غير بيلم تراب بسرعة
خليك في الرمادي

[pashaa911]

الفيرانى :
هتغسل العربيه و بعد 20 دقيقه هتلاقيها كلها تراب

اه والله انا بعانى من الفيرانى لسة بايع عربيتى كانت سماوى وطول عمرى بركب سماوى اول مرة اغير واجيب فيرانى بس لازم تتغسل كل يوم فعلا

[Ashraf_Ibrahim]

الاسود اجمل طبعا
بس الرمادي يكسب اكتر
اولا مش بيبان عليه التراب
ثانيا مش بيبان فيه الخدوش والخرابيش المعتادة

[melagouze]

ألف ألف مبروك يافندم على العربية ...

بس نصيحة من أخوك الكبير ... بلاش الاسود او الرمادي ... هما صحيح شيك وحلوين بس أول سنة بس ... وبعد كده بتلاقي العربية جربانه بسبب الخرابيش والتجاريح الي هتبان عليها ... ومنساش شهور السيف عندنا هتلاقي نفسك بتفرهض وانتا جو العربية من الحر ...

في حجات بتبقى جميلة وبتشوق الانسان أليها ... رغم أنها غير عملية . وزهوتها بس في الباديه وبعد كده بتبقى ولا حاجة وتحس برغم ان العربية غالية بس تحسها كده مطفية وجربانه .

وعيوب الالوان دي في الصيف طبعاً وما أدراك مالصيف عندنا ... الخرابيش الي كل واحد معدي وشايف العربية بتلمع لازم يمسك مسمار ويكتبلك على العربية الف مبروك .

حتت الغبار الي بيبان عليها بسرعه ... ده غير ان حته المية بتلاقيها تجير على البدي بتاع العربية ، الا اذا كنت هتشتري العربية وتركنها في جراش خاص بيك وانتا من النوع الي بتحب تحنتف في الحاجه وكل شوية تلمعها ...

فخليك في اللون الفضي أو الابيض . الفضي هو لون الخرابيش اساساً ولون ملوكي على العربية ... والابيض بيدي للعربية وسع وكبر وبيخليها تلاجه في الصيف ... ده غير انو بيخلي العربية كده حمامة سلام ... وأذا كنت من عشاق الشبابية خليك في النبيتي ودرجاتو .

والف مبروك مقدماً مقلتلناش أيه نوع العربية ... دهيه لو كان الموضوع ده كلو على لادا ولا 128 هههههههههههههههه هاتهم اسود مش مشكلة .

و هوه يعني اللي بيشتري 128 مالوش نفس يا راجل......

ان شاء الله ناوي اجيب اوبل استرا الجديده

اغلب التعليقات بتستبعد الاسود مع انه اشيك الالوان لكن مش عملي.....ممكن يكون الفيراني هو البديل