ساعدونى أشترى اية ؟

[Mody_Benz]

السلام عليكم ورحمة الله وبركاته

اذيكو يا رجاله عاملين اية
لو سمحت عايز مساعدتكوا انا بعت عربيتى المرسيدس مو 82 200 بعد ما بقه صديقى الوحيد فى الأشهر الاخيرة هوا الميكانيكى والحمدلله اتباعت مع انى كنت زعلان وانا ببعها بس الحمدلله هتوفر عليا مصاريف كتيرة ودلوقتى انا عايز عربية فى حدود 30 الف وتكون كويسة وحلوة أصحابى قالولى ابيزا 94 او سكودا فيليشيا وانا مش عارف اية العربيات اللى موجودة بالسعر ده قالول فياريت بعد اذنكوا ترشحولى اشتريه
وجزاكم الله خيرا

[bmw323]

ياراجل ياطيب هتنزل من مرسيدس 200 تركب فليشيا ولا ابيزا ابعد عن الكلام دا وحاول تزود حاجة بسيطة وتحطهم مقدم عربية زيرو علشان تبقى حسيت انك عملت حاجة مفيدة

[elmkaneeki]

لو جبت العربيتين دول
الميكانيكى هيبقى انتيمك مش بس اصحاب

[VTC]

ياراجل ياطيب هتنزل من مرسيدس 200 تركب فليشيا ولا ابيزا ابعد عن الكلام دا وحاول تزود حاجة بسيطة وتحطهم مقدم عربية زيرو علشان تبقى حسيت انك عملت حاجة مفيدة

+1
فعلا حرام نك تنزل من مرسيدس وتركب عربيه من دول والصح انك لو تزود شويه وتدفعهم في مقدم عربيه جديده

انا تقريبا كنت نفس وضعك كدا كان معايا مرسيدس SE280 موديل 83 وبعد ما بعتها اشتريت الشارك ساعتها ندمت على المرسيدس , فمابالك بقى انك تنزل من مرسيدس وتركب فليشيا ولا ابيزا

[Ashraf_Ibrahim]

بغض النظر اني مضايق
بس انا مش لاقي بديل كويس بعد المرسيدس الحقيقة !

[AhmdDomar]

خد نيسان صني مستعمل

[lenasam]

فكر فى الشاهين

[mailo]

30 مش هتلاقي بيهم ابيزا نضيفة

[أبو إياد]

شوف اكسيل دى انسب حاجه للسعر ده

[moh_faheem]

خليك فى السيارات اليابانى وريح دماغك
او شوف عربية تانية مرسيدس
بس تكون بحاليتها وخصوصا انك بقيت فاهم
كويس فى المرسيدس
علشان اى عربية تانية هتركبها مش هتقتنع بيها
وربنا يوفقك لما فيه الخير

[koshary]

الاكسيل انسب حاجه ليك وهتتعب كمان لو لقيت حاجه نضيفه ب 30 الف انا وصاحبى دوخنا فى السوق لغاية ما جيبنا واحده ب 29 وصاحبها بايعها لانو مسافر وعاوز فلوس كان طالب 32 خلصناها ب 29

[Abdm]

قدامك كذا أقتراح :
أما فعلا تجيب مرسيدس تانى حالتها نظيفة وأنت ركبتها قبل كدة وتقدر تقييم ودة أحسن حل
أو تجيب أكسيل وممكن لو ما قدرتش تجيب شاهين
لو عايز حاجة بردة صح الصح بس طبعا هتكون أغلى شوية فية :
تويوتا موديلات التسعينات أو نيسان بردة موديلات التسعينات

والله الموفق والمستعان

[aboomar22]

لو تقدر تزود شوية وشوف اوبل فيكترا a بس تكون حالتها كويسة

[me_medoo]

في ناس بتقسط العربيات المستعملة زي شركة كونتكت كار ..
زود عليها شوية وهتلك عربية بيجو 405 ... وفي واحد زميلي باع عربيتو وراح جاب توك توكين ... وقالي التوك توك الواحد بيطلع 100 جنية في اليوم يعني في الشهر 3000 جنيه في اتنين ب 6000 جنيه وهستنى كده كام شهر وأطلع لي عربية زيرو من التوكيل .

[moh19227]

خليك في الاوبل ياباشا موديل 95 نفس الرنج اللي انت بتقول عليه عربيه رائعه فعلا بس دور علي حاجه كويسه
العربيه دي فعلا ممتازه واحسن من الاكسنت ال 99 بمراحل
الماني بردو :)