العربيه والبنزين والخبطات !!!!

[mrghost]

السلام عليكم ورحمة الله وبركاته
النهارده للاسف اتجننت فى عقلى وكان عندى مشوار فى العتبه وكان معايا والدتى فقولت اروح بالعربيه علشانها
المهم روحت الشغل فى العاشر من رمضان وبعد كده رجعت ع العتبه وواحد ابن حلال فى عز الزحمه والطريق واقف خبط فيا من ورا وكسر الاكصدام والشنطه اتطبقت وبسببه شديت مع والدتى الله ينتقم منه لانى كنت زهقان بعد مالعربيه اتخبطت

وكمان حاجه تانيه جننتنى
فولت العربيه قبل ما اروح وبعد ماروحت
الاستهلاك 22.3 لتر والمسافه 207 كيلو متر يعنى العربيه بتاكل بنزين
العربيه شاهين 1400 سى سى هل كده طبيعى ولا لا؟

[mesaharaty]

لا تحزن أخى العزيز على الخبطة واحتسب عند الله
اعتدر فورا للسيدة والدتك واطلب دعاءها

ربنا يحميك ويحمى سيارتك بإدن الله

[aboharb]

ربنا يعوض عليك اما موضوع الاستهلاك طبيعى كده العربيه عامله 185 كيلو فى الصفيحه بين زحمة نصف البلد وبين مشوار شغلك السريع كويس اوى الرقم ده .

[sheko_2000eg]

معلش ربنا ان شاء الله يعوض عليك
بس اعتذر لوالدتك اهم حاجة

[SYD]

اولا يجب الأعتذار لوالدة حضرتك وتبوس ايديها وتطلب عفوها

ثانيا الأستهلاك مش عالي ولا حاجة
حضرتك 1400 نزلت العتبة (دي لوحدها بزحمتها عايزة تفويلة) وروحت العاشر ورجعت مشيت 200 كم بحوالي 20 لتر
دة استهلاك مناسب جدا
ماتنساش جوة البلد العربية بتستهلك بشكل لا يمكن احتسابه

انا عربيتي 1400 انجيكشن وبودي اخف منك واصغر منك وبستهلك جوة البلد وعلي كوبري 6 اكتوبر اكتر من كدة بكتير لكن في الطوالي الأستهلاك بيتظبط

والله المستعان
،
،

[mrghost]

الف الف شكر والحمد لله صالحت والدتى وبوست ايدها دى اهم حاجه عندى