تجربة سيئة مع مركز المصريين لتجديد السيارات

[amdd]

يا جماعة لو فى حد اتعامل مع المركز ده يفتينا فى الموضوع ده اذا كان شغل الراجل ده كويس ولا معظم العربيات اللى بتتشطب عنده معكوكه زى الصور ماهى مبينه كده علشان نعرف نحكم على صاحب المركز ولا صاحب العربية...مهو اكيد واحد فيهم غلطان.
كمان الاخ الكريم صاحب العربية يتفضل يشاركنا ويقول هو فعلا كان الاتفاق مرمات ورش بس ولا كل حاجة
كمان الاخ العزيز صاحب المركز ملوش دعوة بإقتناعة بأى شغل فى العربية لازم يكون مقتنع بشىء واحد وهو رؤية ومزاج الزبون وانه ينهى الشغل فيها بالطريقة اللى هو عايزها-الزبون-بالظبط
العربية فيها غلطات واضحة بصراحة زى تسييل و فيلر ولون نقط اسود ومش عارف ازاى هتدارى الحاجات دى فى الفينش
صاحب العربية لازم يروح المركز تانى-ايوه تانى- بناء على دعوة السيد صاحب المركز ويسيب العربية وياخدها متظبطه ان شاء الله

دى وجه نظرى فى الموضوع يا جماعة

[ahmedeihab]

قبل اى حاجه الصور موضحه كل حاجه فى العريبه و البويه زى الزفت
اولا هتكلم عن صاحب العربيه
المفروض مكنتش تستلم منه العربيه بلمنظر ده حتى لو كان وراك ايه و مستعجل قد ايه
تانى حاجه على قد لحافك مد رجليك يعنى مثلا مش تدفع 500 جنيه و عايز ترش العريبه كلها فابريكه زى ما كانت
تالت حاجه مفيش حاجه اسمها تسييل ده بيبقى عادى انه يظهر على اى عربيه مرشوشه و كمان لو العربيه كانت مرشوشه قبل كده و المفروض ده كان يتسنفر و ده راجع لاستعجالك .
بلنسبه لصاحب المركز
مع احترامى و تقديرى ليك طبعا
البويه زى الزفت لو معموله تحت السلم هتطلع احسن من كده
تانى حاجه كان ممكن ترفض الشغل ده طالما انت سمعتك و تاريخك معروفين
انا مثلا رحت رشيت العربيه نوعها هوندا بريليود و انت عارف الهوندا شغلها ممل ازاى عند واحد عادى جداااااا و لا مركز ولا بتاع قلتله عايز اعمل كده كده كده
قالى لاء ده اسمه شغل عك قلتله طب العربيه عندك اهى و عيش حياتك قولى على معاد التسليم و انا هاجى
انا هستلم العربيه من وشك يعنى لو فيها رعشه او تسييله هسيبك و امشى قالى و انا موافق
زى ما تقول كده الراجل دخل تحدى مع العربيه قعدت عنده اسبوعين بلعدد و اتصل بيا قالى تعالى استلم قلتله لاء انا هاجى بكره فى النور استلم
رحتله تانى يوم انبهرت بلبويه اللى كانت على العريبه و كان معايا 2 صحابى نجيب العربيه يمين شمال مفيش حاجه
النتيجه السوكه مظبوطه مفيش رعشه مفيش تسييله الفينش مظبوط على الاخر
البويا اهى مرشوشه بعد سنتين لو جيت اتفرجت عليها دلوقتى اكنها مرشوشه الاسبوع اللى فات ماشاء الله
فى تكحيتات فى الباب و مش راضى اعملها علشان حلاوه البويه اللى على العريبه
وللعلم الميزانيه كانت 1500 جنيه
خلاصه الكلام انت المفروض متستلمش شغل زى ده على تاريخك و الفينش يبقى مظبوط
يعنى ياراجل انت شايف ان دى كورولا يعنى لو مطلعتش 10 على 10 يبقى مطلعهاش من عندى
انا بكلمك بكل حياديه و نزاهه
انت غلطان فى الشغل ده
انا لو دى عربيتى انا كنت عملتلك مجنون فى الورشه

[ahmedeihab]

يا جماعة لو فى حد اتعامل مع المركز ده يفتينا فى الموضوع ده اذا كان شغل الراجل ده كويس ولا معظم العربيات اللى بتتشطب عنده معكوكه زى الصور ماهى مبينه كده علشان نعرف نحكم على صاحب المركز ولا صاحب العربية...مهو اكيد واحد فيهم غلطان.
كمان الاخ الكريم صاحب العربية يتفضل يشاركنا ويقول هو فعلا كان الاتفاق مرمات ورش بس ولا كل حاجة
كمان الاخ العزيز صاحب المركز ملوش دعوة بإقتناعة بأى شغل فى العربية لازم يكون مقتنع بشىء واحد وهو رؤية ومزاج الزبون وانه ينهى الشغل فيها بالطريقة اللى هو عايزها-الزبون-بالظبط
العربية فيها غلطات واضحة بصراحة زى تسييل و فيلر ولون نقط اسود ومش عارف ازاى هتدارى الحاجات دى فى الفينش
صاحب العربية لازم يروح المركز تانى-ايوه تانى- بناء على دعوة السيد صاحب المركز ويسيب العربية وياخدها متظبطه ان شاء الله

دى وجه نظرى فى الموضوع يا جماعة

ده اساسى لازم هيروح تانى

[amdd]

يعنى صاحب الموضوع بندافع عنه والناس كلها جايه على المركز علشان خاطره والراجل صاحب المركز كتر خيره بيحاول يحل الموضوع وبيرد على الناس وبيحاول يثبت حقه-بغض النظر مين الغلطان- وصاحب الموضوع عمل الموضوع وسابه من غير رد ولا حل ...الكلام ده من 10 ايام وسايب الموضوع ...لو معررفش يبرر غيابه عن الرد مكنش عمل الموضوع اصلا
انا اسف للاسلوب ...بس احنا كلنا عايزين نحل ونجيب الحق ومينفعش ندافع عن حد مش عايز يدافع عن نفسه.

[lord2012]

بالنسبة للصور والناس اللى بتألف من غير تفاصيل

شغل الفابريكا المفروض العلامة بتاعةالكرولا تتشال وتترمى وتتجاب واحدة جديدة بلزقها
كون ان صربعة الزبون وقت صلاة الجمعة يا مسلمين تخلينا نلزق العلامة باى حاجة ديه تخلى الشغل زى الزفت ؟؟؟

والصورة بتاعة السقف ديه بعد ازالة الجرائد بتاعة السقف وطبعا عمر ما الحدود بين اللون الابيض والاسود ما هتيجى مسطرة وبرضو بسبب الصربعة عيدنا على بعض الاجزاء وده يمكن اللى سبب النقطة ديه ولو كنا شوفناها كانت اتعالجت طبعا

واضح من الصورة ديه تحديدا ان العربيه متصورة وهى وسخة ومش مغسولة فالله اعلم ده ايه اصلا

وطبعاً مش هنفتح تحقيق مع كل زبون نشوف عايز ايه ويقصد ايه بالظبط واللى عايز يعملة ده حلال فى العربيه ولا حرام وفيه ناس تبتقى عايزة تلم العربيه لظروف وفيه ناس عندها ميزانيه محددة علشان شركات التأمين مفيش حاجة اسمها نقبل شغل ونرفض شغل

الراجل ده اعملة الشغل اللى طلبة واستلمة راضى عنه ولما ابدى اعتراض رحبنا بيه اكتر من مره ده حقة لكن اللى بيعملة ده والاسلوب اللى الناس بتتكلم بيه ده مش اصول

[lord2012]

يا جماعة الموضوع اصلاً بقاله شهور وصاحب الموضوع اكتر من مرة يقول جاى وبعدين قال لاء عايز فلوس وبعدين قال لاء مش جاى ومش عايز حاجة غير انه يشهر بينا والكلام ده قاله فى موقع مشابه وده هدفة من الاخر والمفروض ادارة الموقع هنا متشتركش فى الابتزاز ده

[ahmedeihab]

فى دى انت معاك حق على فكره
تحياتى ليك يا معلم
عندى ملحوظه فى كلمه الاصول
الناس هنا عارفه الاصول كويس و بتتكلم بكل حياديه
و كمان الموضوع بقاله شهور يبقى انت عندك حق و صاحب العربيه غلطان فى السربعه بتاعته
و موفقين ان شاء الله

[Kareem Fawzy]

قبل اى حاجه الصور موضحه كل حاجه فى العريبه و البويه زى الزفت
اولا هتكلم عن صاحب العربيه
المفروض مكنتش تستلم منه العربيه بلمنظر ده حتى لو كان وراك ايه و مستعجل قد ايه
تانى حاجه على قد لحافك مد رجليك يعنى مثلا مش تدفع 500 جنيه و عايز ترش العريبه كلها فابريكه زى ما كانت
تالت حاجه مفيش حاجه اسمها تسييل ده بيبقى عادى انه يظهر على اى عربيه مرشوشه و كمان لو العربيه كانت مرشوشه قبل كده و المفروض ده كان يتسنفر و ده راجع لاستعجالك .
بلنسبه لصاحب المركز
مع احترامى و تقديرى ليك طبعا
البويه زى الزفت لو معموله تحت السلم هتطلع احسن من كده
تانى حاجه كان ممكن ترفض الشغل ده طالما انت سمعتك و تاريخك معروفين
انا مثلا رحت رشيت العربيه نوعها هوندا بريليود و انت عارف الهوندا شغلها ممل ازاى عند واحد عادى جداااااا و لا مركز ولا بتاع قلتله عايز اعمل كده كده كده
قالى لاء ده اسمه شغل عك قلتله طب العربيه عندك اهى و عيش حياتك قولى على معاد التسليم و انا هاجى
انا هستلم العربيه من وشك يعنى لو فيها رعشه او تسييله هسيبك و امشى قالى و انا موافق
زى ما تقول كده الراجل دخل تحدى مع العربيه قعدت عنده اسبوعين بلعدد و اتصل بيا قالى تعالى استلم قلتله لاء انا هاجى بكره فى النور استلم
رحتله تانى يوم انبهرت بلبويه اللى كانت على العريبه و كان معايا 2 صحابى نجيب العربيه يمين شمال مفيش حاجه
النتيجه السوكه مظبوطه مفيش رعشه مفيش تسييله الفينش مظبوط على الاخر
البويا اهى مرشوشه بعد سنتين لو جيت اتفرجت عليها دلوقتى اكنها مرشوشه الاسبوع اللى فات ماشاء الله
فى تكحيتات فى الباب و مش راضى اعملها علشان حلاوه البويه اللى على العريبه
وللعلم الميزانيه كانت 1500 جنيه
خلاصه الكلام انت المفروض متستلمش شغل زى ده على تاريخك و الفينش يبقى مظبوط
يعنى ياراجل انت شايف ان دى كورولا يعنى لو مطلعتش 10 على 10 يبقى مطلعهاش من عندى
انا بكلمك بكل حياديه و نزاهه
انت غلطان فى الشغل ده
انا لو دى عربيتى انا كنت عملتلك مجنون فى الورشه

دة الكلام اللى كنت داخل اقوله
الله ينور عليك

[ahmedeihab]

دة الكلام اللى كنت داخل اقوله
الله ينور عليك

[magyver]

فين صاااحب الموضوووع

[amr.elsayed]

بالنسبة للصور والناس اللى بتألف من غير تفاصيل



شغل الفابريكا المفروض العلامة بتاعةالكرولا تتشال وتترمى وتتجاب واحدة جديدة بلزقها
كون ان صربعة الزبون وقت صلاة الجمعة يا مسلمين تخلينا نلزق العلامة باى حاجة ديه تخلى الشغل زى الزفت ؟؟؟

والصورة بتاعة السقف ديه بعد ازالة الجرائد بتاعة السقف وطبعا عمر ما الحدود بين اللون الابيض والاسود ما هتيجى مسطرة وبرضو بسبب الصربعة عيدنا على بعض الاجزاء وده يمكن اللى سبب النقطة ديه ولو كنا شوفناها كانت اتعالجت طبعا

واضح من الصورة ديه تحديدا ان العربيه متصورة وهى وسخة ومش مغسولة فالله اعلم ده ايه اصلا

وطبعاً مش هنفتح تحقيق مع كل زبون نشوف عايز ايه ويقصد ايه بالظبط واللى عايز يعملة ده حلال فى العربيه ولا حرام وفيه ناس تبتقى عايزة تلم العربيه لظروف وفيه ناس عندها ميزانيه محددة علشان شركات التأمين مفيش حاجة اسمها نقبل شغل ونرفض شغل

الراجل ده اعملة الشغل اللى طلبة واستلمة راضى عنه ولما ابدى اعتراض رحبنا بيه اكتر من مره ده حقة لكن اللى بيعملة ده والاسلوب اللى الناس بتتكلم بيه ده مش اصول

على فكرة احب اقول لحضرتك ان اسلوبك وحش جدا .. مش لازم تحسسنا انك بتخترع الذرة وانك انت الوحيد اللى بتفهم
ولما تتكلم مع بنى ادمين بينادوك ويقولولك (حضرتك) يا ريت ماتستخدمش انت كلام زى (يا استاذ يا اللى) (الناس الى بتالف من غير تفاصيل)
و كلام الاستخفاف دة ..
قولنالك الشغل اللى انت عامله دة شغل سيئ جدا ... ولو الصور اللى فوق دى صور عربية تانية قول ولو هى صور العربية ماتقنعنيش انى اعمى
وانت عرضت عليه تصلح الاخطاء وقولنالك مشكور وكتر خيرك مع انى شايف ان دة حقه وانت مش بتجبى عليه
كون بقى صاحب الموضوع ليه وجه نظر تانية .. فوجه نظره تحترم بردو .. وفى فرق بين تشهيير وتحذير للناس من المركز اللى من وجه نظر صاحب المشكلة بوظ عربيته

[saadelden]

لو انت اديته معاد تسليم محدد و هو جه في معاده يبقى مش متسربع و الغلط منك لانك اديت وعد و ماوفتش بيه
لكن لو هو الي ضغط عليك ف الوقت و استلم العربيه قبل ماتتفنش يبقى الغلط منه

و في كلا الحالتين طالما فيه اتفاق و اتدفع فلوس يبقى الاتفاق يتنفذ

احنا مانعرفش ظروف الناس يمكن صاحب الموضوع عنده ظرف مش قادر يرد علي الموضوع و لكن احقاقا للحق لازم نسمع رد الطرف الاول بعد ماسمعنا رد الطرف التاني

[human]

الموضوع ده للتشهير ليس اكثر

[Ahmed Selim]

يا جماعة.............بعد أذنكم

واحد عمل موضوع من 10 أيام و مدخلش الموضوع عبرنا برد.....................يبقى ملهاش لازمة نكمل فى الموضوع و نحكم على الطرف التانى و خلاص.

الطرف التانى أعترف بوجود مشاكل و عرض تصليحها...........و الطرف الأول مرضيش.

نصيحتى للطرف التانى من واقع كلامه أنه كان بيقول " ما أتفقناش على جودة "
حضرتك لو عاوز تعمل للمركز بتاعك أسم.................أول حاجة تهتم بيها هى الجودة..............بمعنى أن جودة رش أى عربية متكونش خاضعة لإختيار الزبون أو أتفاق معاه.............طبيعى أى زبون عاوز يرش عربية بيبقى عاوزها تطلع أحسن من الفابريكة كمان.
ظبط سعرك و شغلك على أساس أن جودة الحاجة اللى تطلع من عندك تكون ممتازة............غير كده متقبلش الشغل.

لأنك لو قبلت الشغل بسعر أقل من اللى يخليك تطلع جودة ممتازة و فى نفس الوقت أنت مش عاوز تخسر..........يبقى هتيجى على الشغل................و ساعتها مش هتكون فارق كتير عن أى حد شغال تحت بير السلم.

و أرجو أنك تتقبل رأيي.

[lord2012]

اعتقد اللى تم من طرفنا كفاية لاثبات الجدية

والواضح ان فيه ناس هنا عايزة تفتحها مكلمة الله اعلم لصالح مين ولحساب مين

بس انا برضو هجيب المختصر

1- ظروف تسليم العربيه كانت بسبب الزبون وهو اللى اصر على استلامها وبسرعة
2- لاننا مركز محترم دعينا صاحب العربيه اكتر من مرة يجيب العربيه تتعمل ان شاء الله يتعاد الشغل كله وبدون تكلفة اضافية

اما ان صاحب العربيه يجيب العربيه تتعمل او الموضوع ده يتقفل وكفاية ابتزاز
وخدو بالكو ان صاحب العربيه كان طلب مننا عن طريق مصر متورز انه يسترد فلوس ويظهر هو ده اللى عايزة

وطبعا كنت متظر ان استاذ كريم يرد على الموضوع باعتبارة اللى دعاه صاحب الموضوع للكتابة
وباعتبارة صاحب ورشة تعمل فى نفس المجال ومتوقع منه يكون حيادى

وفى انتظار موقف الادارة النهائى لتحديد ما اذا كان الموضوع جدى ام الغرض منه التشهير فقط

وشكراً