حد يعرف يخمس بالعربية

[OussamaShaaban]

سلام عليكم

هو عنوان الموضوع بيدل على الاكشن اللى انا عاوز اعرفة

انا بعرف اسوق و كله قشطة بس عاوز اجرب ازاى اخمس و اعمل Burn Out و حركات تانية الكتيييرة

لو حد يعرف يفدنى بمعلومة او حتى بفيديو او حتى صورة يحطهالى و ياريت لو تجربتة الشخصية على عربيتة

[ramyhekal]

الامامى بتكسر كله فى اتجاه واحد وانت واقف وتطلع امريكانى وبعد مترين من الحركه بترفع اليد وتشيل رجلك خالص من الدبرياش وتبقى بنزين وطاره بس
الخلفى بتكسر وانت واقف وتطلع امريكانى وتعلق رجلك على اخر سنه دبرياج علشان تدى عزم
بس ياعم

[SAMEH_FOUAD]

اولا هية حركات مؤذية جدا لكاوتش العربيات والكبالن لو دفع امامى والكرونة لو دفع خلفى وطبعا بتتأثر معاها العفشة كلها وكمان بتستهلك التيل الخلفى مع التكرار

عموما للمعرفة :

1- الخمسة : بتجرى شوية وبتكون على السرعة الاولى عشان العربية ماتحدفش منك جامد وبعد كدة بتكسر الدركسيون للجهة المرادة , وبترفع فرامل اليد مع الضغط على البنزين لعمل خسمات متتالية

2- ال burn out : بتكون رافع فرامل اليد على الاخر وبتدوس بنزين

ملحوظة : عشان تحافظ بقدر الامكان على العربية والكاوتش ماتعملش الحاجات دية الا على ارض شبه رملية عشان الاحتكاك يكون ضعيف مابين الكاوتش والارض وتلف معاك بأقل مجهود + انك تعملها فى مكان خالى من المارة والسيارات لسلامتهم وسلامتك وعدم حدوث اصابات لاقدر الله

تنبية : انا مش شايف ان ليها اى لازمة نهائى غير بهدلة فى العربية

[Kareem Fawzy]

مفيش اضافة على كلام الاخوة اللى قبلى بس بجد بلاش تعمل كدة اولاً بتهين العربية
ثانياً لاقدر الله ممكن يحصل اصابات لو انتا مش محترف فى عمل الحاجات دى..،،

[tarek_2005]

موضوع متعب اوي للسيارة كعفشة وشاسيه ومحرك واطارات كل دا بيتاثر من هذه الحركات وفي الاخر ايه الي هتستفاده هيتقال عليك سواق بريموا ياعم ادينا كلنا بنقولك انتا افضل سواق في العالم بس حافظ علي سيارتك ربنا يحمهالك

[VTC]

بصراحه بلاش لأنها ادمان وهتبهدل العربيه بسرعه
لأن اخوك مدمن الحاجات دي وبضطر ابدل الكاوتش كل 5 ولا 6 شهور ودي اقل حاجه بالنسبه للبلاوي الي هتحصل للعربيه لو مكانتش متعدله لأنها تعمل الحاجات دي
ولو دخلت في الموضوع دا صعب جدا انك تبعد عنو

[alnmr79]

بصراحة مبشوفشحدبيعملكدةفى عربيته واللى بيعمل كدة بيكون ماجر العربية وبياخد بحق الايجارخمسات وامريكانى بس بيدمر عربية الناس ودة طبعا حرام .........................

[MOSTAFA_SALA7]

الاصعب من كده .. انك تعمل خمسات بالـ ( لاب توب )

هى فعلا حركة مؤذية للعربية .. بس جربها متخليش فى نفسك حاجة .. وربنا يحفظك من كل سوء .

[egyptiandiver]

Why?!

[Elawany13]

العقل زينه

[mohammedabdallh]

اولا حرام على عربيتك وعلى نفسك علشان ممكن تتاذى من الموضوع ده وممكن تاذى حد
ثانيا الموضوع ادمان بجد
بلاش بجد بلاش

[koshary]

الامامى بتكسر كله فى اتجاه واحد وانت واقف وتطلع امريكانى وبعد مترين من الحركه بترفع اليد وتشيل رجلك خالص من الدبرياش وتبقى بنزين وطاره بس
الخلفى بتكسر وانت واقف وتطلع امريكانى وتعلق رجلك على اخر سنه دبرياج علشان تدى عزم
بس ياعم

[OussamaShaaban]

مفيش اضافة على كلام الاخوة اللى قبلى بس بجد بلاش تعمل كدة اولاً بتهين العربية
ثانياً لاقدر الله ممكن يحصل اصابات لو انتا مش محترف فى عمل الحاجات دى..،،

موضوع متعب اوي للسيارة كعفشة وشاسيه ومحرك واطارات كل دا بيتاثر من هذه الحركات وفي الاخر ايه الي هتستفاده هيتقال عليك سواق بريموا ياعم ادينا كلنا بنقولك انتا افضل سواق في العالم بس حافظ علي سيارتك ربنا يحمهالك

بصراحه بلاش لأنها ادمان وهتبهدل العربيه بسرعه
لأن اخوك مدمن الحاجات دي وبضطر ابدل الكاوتش كل 5 ولا 6 شهور ودي اقل حاجه بالنسبه للبلاوي الي هتحصل للعربيه لو مكانتش متعدله لأنها تعمل الحاجات دي
ولو دخلت في الموضوع دا صعب جدا انك تبعد عنو

بصراحة مبشوفشحدبيعملكدةفى عربيته واللى بيعمل كدة بيكون ماجر العربية وبياخد بحق الايجارخمسات وامريكانى بس بيدمر عربية الناس ودة طبعا حرام .........................

الاصعب من كده .. انك تعمل خمسات بالـ ( لاب توب )

هى فعلا حركة مؤذية للعربية .. بس جربها متخليش فى نفسك حاجة .. وربنا يحفظك من كل سوء .

Why?!

العقل زينه

انا بس عاوز اطمنكم كلكم انى بس بعرف و حبقا اجرب فى حتة فاضية و كبيرة بالعربية

[أبو صلاح]

يا جماعة هو ليه الموضوع داخل فيه الحلال والحرام

اي حد جايب عربية نفسه يشوف اقصى قوة ليها ويعمل بيها حركات كويسة
ما احنا على طول بنشوف فيديوهات فيها لعب بالعربيات والواحد بيحلم انه يكون جوه العربية دي ويحس باللي بيحصل

المهم يكون عارف ايه الاضرار اللي ممكن تحصل ويعمل الموضوع ده وقت الرغبة فقط وفي مكان آمن

اكيد ده مش هيخلي دماغ الواحد مشغول بالحركات دي وممكن تطق في دماغه يعملها في نص الشارع وهنا المشكلة

صراحة اول لما جيبت عربيتي رحت ارض السوق بتاع العاشر بالليل وقعدت العب مع العربيات التانية
انا مكنتش محترف بس كان عاجنبي الشعور جدا

والحمد لله الاعطال جت بسيطة ومن ساعتها على فترات بعيدة ممكن العب مثلا قبل ماروح للعفسجي او ضبط الزوايا لكن من اجل اخراج طاقة فقط

يا جماعة في ناس سن شباب كتير بيتفرج ويشوف ننصحه بالحسنى ازاي يعمل الموضوع ده صح وباقل الاضرار وفي مكان آمن

لانه ممكن ياخد المعلومة من حد تاني بشكل ياذيه لانه ملقاش حد يديله المعلومة الصح
وكده كده هو هيعمل اللي في دماغه

[محمد قاسم]

بصراحة مبشوفشحدبيعملكدةفى عربيته واللى بيعمل كدة بيكون ماجر العربية وبياخد بحق الايجارخمسات وامريكانى بس بيدمر عربية الناس ودة طبعا حرام .........................

ليه حرام , أنا كنت فكرت فكده فعلن علشان عربيتي متتبهدلش بس ليه حرام