ترموستات الكوعه -- ثانى مره

[abokoko]

لقناعتى باهميه ترموستات الكوعه - وعلى خلاف راى الكثيرين - اشتريت ترموستات الكوعه
وقلت اجرب المره دى بعد ما فشلت المره السابقه لاختلاف اقطار الخراطيم
لكن
1-- الكوعه ثلاثيه الاتجاهات -لكن يوجد اختلافات بسيطه فى الزوايا - فهل هتركب ؟
2-- يوجد اختلاف فى اقطار الخراطيم -لكنى نويت اغير الخراطيم لتتناسب مع الكوعه
ويا رب الاقى الخراطيم المناسبه
3-- اللى مكتوب عليها مش من ضمنها موديل عربيتى - فربنا يستر وتركب وتجيب نتيجة

اللى مكتوب عليها
tc-103a
83
2101-1306010-01
66
وانا عربيتى 2107

صور الترموستات

[abokoko]

[abokoko]

[MEKAWY2000]

ياسعاده الباشا الغيه افضل هترتاح اولا المياه فى مصر عليها املاح وانا متاكد 100 فى الميه انك هتيجى مره وتزود مياه عاديه وكده الترموستاد السسته هترجع تصدى تانى وتغلق معاك وحراره السياره ترتفع ودى اخطر حاجه فى الادا اقل تاثير لها تلف شمبر البساتم وده هتحس بيه بسرعه الترمستاد معمول لروسيا فقط لحفظ المياه الساخنه فى الموتور اكثر فتره وانت طبعا عارف البلاد الى اكثر شهور السنه بها جليد 99% من السيارات الادا فى مصر لاغيه الترموستاد فى كوعه جاهزه بتتباع فى السوق 15 جم جرب الخساره مش كتيره ولو مرتحتش بعد كده ارجع تانى اشترى الترموستا د
ودى نصيحه من واحد راكب لادا من 1992

[ahmedsrs]

ركب الترموستات احسن عشان البرودة الشديدة وتقلب درجات الحرارة جوة الموتور بيزود استهلاك البنزين وبيقلل العمر الافتراضى للموتور وبيقلل من كفائة الموتور وكمان مكانش الخواجة الى عمل الموتور ركبه فى العربية

[saadelden]

ركب الترموستات احسن عشان البرودة الشديدة وتقلب درجات الحرارة جوة الموتور بيزود استهلاك البنزين وبيقلل العمر الافتراضى للموتور وبيقلل من كفائة الموتور وكمان مكانش الخواجة الى عمل الموتور ركبه فى العربية

[Sehsss]

ركب الترموستات احسن عشان البرودة الشديدة وتقلب درجات الحرارة جوة الموتور بيزود استهلاك البنزين وبيقلل العمر الافتراضى للموتور وبيقلل من كفائة الموتور وكمان مكانش الخواجة الى عمل الموتور ركبه فى العربية

[MEKAWY2000]

متابع مع الاحتفاظ براييى الخواجه له بلده ولنزل مصر هيغير رايه

[saadelden]

متابع مع الاحتفاظ براييى الخواجه له بلده ولنزل مصر هيغير رايه

علي الاساس دا لو نزل السعوديه ولا الكويت الي درجات الحراره هناك الطبيعي بتاعها فوق ال 40 كان شال الترموستات علي هذا الاساس

الفكره من ترموستات الكوع انه يثبت درجه حراره تشغيل الماتور و مالوش اي علاقه بدرجه الحراره الخارجيه

طبعا يفضل استخدام الميه الخضرا عشان تمنع الصدأ في دوره التبريد و تحافظ عليها

[Sehsss]

فعلا موضوع المياه الخضراء ده مهم جدا، وكمان الأنواع بتفرق، يعني الأنواع المصري والصيني ولا ليها لازمة، الموبيل والتوتال أفضل بس بتبقى أغلى شويتين

[abokoko]

للاسف لم استطع تركيب ترموستات الكوع بسبب اختلاف الخراطيم - الكوعه -
الخرطوم اللى راكب مقاس واحد من الطرفين والكوعه مقاسها صغير
ولفيت لحد ما تعبت من فايده وانا بدور على خراطيم صغيره من ناحيه الكوعه وعاديه من الاتجاهات
اللى داخله على الموتور والرداتير ( 3 خراطيم )
ومش عارف ليه مش موجودين
او مش عارف ليه الكوعه الخاصه ب اللادا 2107 مش موجوده
والغريب انى اللى باع الكوعه قال - اخيرا لقيت حد يسال على الكوعه -

عن نفسي مقتنع باهميه الكوعه والا مكنشي الخواجه فكر فيها وركبها
ومقتنع انها بتحافظ على الموتور وبتقلل زمن تسخين العربيه وبتحسن استهلاك البنزين
يعنى كلها فوائد - وعيبها انها لو باظت ومخدتش بالك من ارتفاع الحراره الموتور هيجيب جوان

عموما هستمر فى البحث عن خراطيم او كوعه مناسبه

معلومه بسيطه -
حتى ال لادا المصري بتنزل بترموستات الكوعه ومش ملغى

[MEKAWY2000]

لا تعليق

[abokoko]

دى صور ترموستات الكوعه المصري والمفروض انها مش هتحتاج
خراطيم - كوع- مختلف المقاس - يعنى هتركب مباشرة