العربية بتاخد على رجل صاحيها

[Veroman]

عايز اعرف اية رايكو فى الموضوع دة ان العربية بتاخد على رجل صاحبها و لما حد تانى بسوقها ممكن يقصر من عمرها ياريت كل واحد يقول راية اية فى الموضوع دة و هل بتخلى عربيتك حد بسوقها غيرك او بيسوقها معاك و هل بتحس بفرق اصلا ولا لا دى حاجة بس بياثر فى العربية ولا لا دة اللى يهمنى اعرفة

ياريت كل واحد يقول اية راى فى الموضوع دة

[AhMeD MeTwAlY]

معتقدش يا فندم
لان دي مش انسان بيتعود علي رتم معين
يعني انا مثلا من هوات الحرق علي الغيارات (رجل تقيله شوية) لما بركب عربية ولدي عادي جدا وهو من النوع الي مش بيزود عن 80 في المشي

[bido600]

انا مع الحكاية دي وبلاحظها كتيييييييييييييييير
وخصوصا لما حد بياخدها مني شوية واجي اركبها احس انها متغيرة قوي في سحبها وفي كل حاجة

[dr_abooody]

الموضوع دة مش ان العربية تتعود عليك

بس لما انت تكون بتاخدها لوحدك هتبقى عارف كل حاجة حصلت ممكن مثلا اخوك ياخدها و يلبس مطب او يحصل اى حاجة و هو مايقولش

انا شوفت عربية اوبيل فكترا 2007 عربية جامدة جدااا بس لقيتها عند الميكانيكي فاكك الموتور بقولةلية كدة قالي عشان صحابها مهملين فيها بيمشوا على الزيت كتير و مفيش اهتمام بالمية

طبعا لما واحد بيستعمل العربية لوحدة احسن و الاهتمام هيكون احسن و مع الوقت هتلاقي ان في تالف بينكو بين العربية دبرياج و فرامل و بنزين و بقيت عارف و حاسس بالعربية

[KHALED AYMAN]

انا مبخليش حد يحط رجله على الكرسى بتاعى اصلا !
فقط انا ووالدى ..و كل واحد بيركب عربيته بس فى بعض الظروف بنبدل مع بعض

[Mostafa.Mahran]

ده بيبقى احساس اكتر منه واقع

بمجرد ما تلاقى حد ركب عربيتك و غير عدلة المرايات و الكرسى هتحس ان العربية متغيرة

[moh19227]

الكلام ده بيقوله والدي ودا كان من ضمن الاسباب علشان ميدينيش العربيه :)
بس الموضوع فيه جزء من الحقيقه وجزء وهمي
وهوا ان من كتر استخدامك للعربيه فتقدر تحفظها كويس والعربيه بردو الي حد ما بتتعود علي ماشيه معينه سواء بتمشي علي مهلك او بتمشي بسرعه
ثم ان العربيات الجديده اجهزة ال ecu اللي فيها بالفعل بتقدر تعرف شخصيه اللي سايقها وهل هوا بيحب يجري ولا يمشي علي مهله وبتظبطله العربيه علي طريقة استخدامه يعني الكلام فيه شئ منطقي
لكن الخلاصة العربيه مش هتخرب لو واحد بيسوق علي مهله وجاه واحد صاحبه مثلا ساق العربيه وداس فيها او العكس عادي يعني العربيه مش هتعترض :)

[aboharb]

مش بالتاكيد هذا الكلام كمثال عندى العربيه كانت فيه مشكله فى الغيار الاول فقط بحس انه لازم تهدى جامد او اقف علشان اخده والميكانيكى عايز يقنعنى انه طقم دبرياج المهم خليت واحد صحبى يركب العربيه وقولته يلا نجرب علشان كذا وكذا المهم جربنا ولقيته بيقولى العربيه زى الفل المشكله اللى انت بتكلم فيها مش حاسس بيها حاول تغير طريقة المعامله مع الدبرياج الشاهد من هذا الموضوع ان احيانا انت بتعيش مشكله وقد تكلفك كثيرا وهى ليس لها وجود اصلا مع ان العربيه واخده على رجلك

[MaZaGAngeE]

لو حد ركب مكاني العربية بتتبرجل
و لما اركبها تاني بتاخد وقت على تتظبط

[Veroman]

ده بيبقى احساس اكتر منه واقع

بمجرد ما تلاقى حد ركب عربيتك و غير عدلة المرايات و الكرسى هتحس ان العربية متغيرة

انا معاك فى موضوع المريات و الكرسى لكن مبتفرقش معايا اوى الحاجات دى بس سبحان الله بلاقى العربية بحسها هديت شوية ازاى معرفش

[Ahmed Amin]

ثم ان العربيات الجديده اجهزة ال ecu اللي فيها بالفعل بتقدر تعرف شخصيه اللي سايقها وهل هوا بيحب يجري ولا يمشي علي مهله وبتظبطله العربيه علي طريقة استخدامه يعني الكلام فيه شئ منطقي

هههههههههههههههههههههههه
أعذرني بس مقدرتش أمسك نفسي من الضحك أما قريت الكلام دا,
هوا حد قالك كدا ولا دا أستنتاج؟
أولاً ال ECU هيا أختصار ل Engine control unit وبيسموها عندنا في مصر الكنترول.

وبأختصارهيا اللي بتتحكم في معدل دخول وحرق البنزين للموتور والهواء وأوقات فتح وغلق الصمامات والأشتعال علي أساس نسب معينة Ratios ومتسجلة عليها ووهيا اللي اللي بتاخد قرايات السينسورز من باقي الأجزاء بالعربية.

لكن مهياش معمولة عشان تتعرف علي شخصية السواق وهل بيحب يجري ولا لأ.
حبيت بس أوضحك النقطة دي عشان تفهمها صح.

[EslamMahran]

هههههههههههههههههههههههه
أعذرني بس مقدرتش أمسك نفسي من الضحك أما قريت الكلام دا,
هوا حد قالك كدا ولا دا أستنتاج؟
أولاً ال ecu هيا أختصار ل engine control unit وبيسموها عندنا في مصر الكنترول.

وبأختصارهيا اللي بتتحكم في معدل دخول وحرق البنزين للموتور والهواء وأوقات فتح وغلق الصمامات والأشتعال علي أساس نسب معينة ratios ومتسجلة عليها ووهيا اللي اللي بتاخد قرايات السينسورز من باقي الأجزاء بالعربية.

لكن مهياش معمولة عشان تتعرف علي شخصية السواق وهل بيحب يجري ولا لأ.
حبيت بس أوضحك النقطة دي عشان تفهمها صح.

+111111111111111111111111111111

[hosar]

انا بحس بأختلاف لو حد غيرى ركبها بمعنى انا معودها على الحرق لو والدى نزل بيها مشوار بلاقى العربية السحب راح خالص
و الموضوع من نفسى انا مجربة على 3 عربيات لحد دلوقتى

[me_medoo]

بص يا باشا ... انتا لو حتى سريرك حد غريب نام فيه هتحس بأختلاف وهتحس أن ريحتو أتغيرت ... فما بالك بعربيتك ... سواقتك بتختلف عن سواقة غيرك ... وحتى لو بتطحن انتا العربية بس هيا متعودة عليك بمجرد مايجي واحد يسوقها بشويش وبراحة ... تلاقيها عطلت منوووووو ... والي سبقونا والاكبر مننا قالو زمان العربية كالزوجة ، متخليش حد يقربلها .

وانا أأمن أن العربية بتحس بصاحبها رغم أنها ألة لكن بتحس بصاحبها الي بيعتني بيها من الي راكبها يخشتعها .

وحتى لمن تكون أنتا قاسي عليها ويجي واحد حنين عليها ويسوقها بلطف ... فتبتدي تتمرع العربية وتدلع أأأأأأأأأأه طب غيرلي الزيت طب غيرلي البوجيهات مفصلي بتوجعني مساعديني بتحرقني ... عبشتي بتنقح عليا .... وهكذا .

فلذالك متخليش حد ياخود عربيتك خالص حتى لو كان الميكانيكي .الي هو الدكتور الي هيعالجها ...

[Elawany13]

بص يا باشا ... انتا لو حتى سريرك حد غريب نام فيه هتحس بأختلاف وهتحس أن ريحتو أتغيرت ... فما بالك بعربيتك ... سواقتك بتختلف عن سواقة غيرك ... وحتى لو بتطحن انتا العربية بس هيا متعودة عليك بمجرد مايجي واحد يسوقها بشويش وبراحة ... تلاقيها عطلت منوووووو ... والي سبقونا والاكبر مننا قالو زمان العربية كالزوجة ، متخليش حد يقربلها .

وانا أأمن أن العربية بتحس بصاحبها رغم أنها ألة لكن بتحس بصاحبها الي بيعتني بيها من الي راكبها يخشتعها .

وحتى لمن تكون أنتا قاسي عليها ويجي واحد حنين عليها ويسوقها بلطف ... فتبتدي تتمرع العربية وتدلع أأأأأأأأأأه طب غيرلي الزيت طب غيرلي البوجيهات مفصلي بتوجعني مساعديني بتحرقني ... عبشتي بتنقح عليا .... وهكذا .

فلذالك متخليش حد ياخود عربيتك خالص حتى لو كان الميكانيكي .الي هو الدكتور الي هيعالجها ...

هههههههههههههههه
انت ملكش حل