سيارة يابانيه مصنعه بالكامل فى مصر

[saadelden]

الموتور الديزل اللى بينزل فى الهاى لوكس ممتاز وصوته هادى وتربو
وطبعا السولار ارخص من انواع البنزين ما عدا ال80
فطبعا هيكون ميزه

والعربيات الكبيره ( العائليه ) مطلوبه لقطاع كبير من الاسر - لكن السعر بياثر على توزيعها
والدليل على انتشار السيارات العائليه -هو انتشار الماتركس والكيا كارنز والتيجو

عموما السعر هيحدد انتشار وتوزيع العربيه مع مراعاة اسم --تيوتا --

الحاجة التانيه هى الاستثمار اليابانى فى مجال صناعةالسيارات
وقابليه ان تستفاد مصر ماديا وتقنيا من ذلك

ويمكن يبقي عندنا مصنع زى جنوب افريقيا

مهما كان ف هي هتبقى مجمعه محليا و المفروض دا ينزل سعرها كتير
العربيه دي ف السعوديه ب 90 الف ريال يعني 130 الف جنيه بسعر السيراتو و الكارينز !
اما تتجمع في مصر المفروض يعني لو بيفكرو صح يبقى سعرها مايزيدش عن 200 الف علي اقصى تقدير
و لو عايزين ينافسو صح يبقى سعرها تحت 170 الف!

350الف !!! ومالوا

انا لو معايا 350 الف هاروح اجيب Volvo S80 مش هجيب عربيه ياباني!

[Land_Cruiser]

والله اعتقد ان الميزه هتكون ان المصنع هيشغل ناس و ده اللى هتستفيد بيه فقط لان ما اعتقدش ان هيبقى فيه إقبال فى الشراء طبعا خاصه و فى مليون حاجه كويسه و ارخص منها بكتير

[Screenplays]

هتبقي كنبه طبعا و كلنا شفنا عيوب الصني اللي بتتقفل في مصر و عيوب الكورولا اللي بتتقفل في جنوب افريقيا

[MEKAWY2000]

مشكوووووور والله يعطيك الف عافيه

[MEKAWY2000]

سبحانك اللهم وبحمدك ، أشهد أن لا إله إلا أنت أستغفرك وأتوب إليك

[ecybrarian]

هي مش البي ام برضه بتتصنع (تتجمع) في مصر..والمرسيدس كمان..والجيب رانجلر...حد يبلغ الوزير فايزة إني مش لاقي انبوبة..

[MEKAWY2000]

اسمح لي ابدي اعجابي بقلمك وتميزك واسلوبك الراقي وتالقك

[abokoko]

طاب سؤال
هو خط تجميع للعربيه
ولا مصنع مستقل للتجميع
اعتقد لو مصنع مستقل ولو مستقبلا - فالاستفادة عتبقي اكيده وممكن فى المستقبل تتجمع عربيات ( شعبيه )
بسبب سعر التجميع ( تخيلوا وقتها - كرولا - هتبقي شعبيه )

[aly_hosny]

طاب سؤال
هو خط تجميع للعربيه
ولا مصنع مستقل للتجميع
اعتقد لو مصنع مستقل ولو مستقبلا - فالاستفادة عتبقي اكيده وممكن فى المستقبل تتجمع عربيات ( شعبيه )
بسبب سعر التجميع ( تخيلوا وقتها - كرولا - هتبقي شعبيه )

لا دي و لا دي
هتتجمع في الهيئة العربية للتصنيع

[kisho55555]

اول ما قريت الموضوع فرحت ... لانى فكرت ان تويوتا سحبت التوكيل من جنوب افريقيا واديته لمصر عشان تجمع الكرولا ...
وقولت هتبقى زيها زى ال لانوس والفيرنا ..

[مصراوي جدا]

في خبر عاجل :

تويوتا تنفي تصريحات وزيرة التعاون الدولي بتصنيع فورتشنر بمكون محلي 100%

كتب – اسامة محمد عبد التواب

نفي محمد ايهاب مساعد مدير تسويق تويوتا الانباء التي ترددت مؤخرا عن قيام تويوتا بانتاج سيارة جديدة بمكونات محلية 100% موضحا أنهم أعلنوا منذ فترة في مختلف وسائل الاعلام عن قيامهم بتجميع سيارة الدفع الرباعي فورتشنر محليا لاول مرة بمكون محلي يماثل باقي السيارات التي تجمع في مصر وهو 45% .

وأكد ايهاب أن السيارة ستظهر خلال شهرين مشيرا الي أن عمليات التجميع تتم في الشركة العربية الامريكية للسيارات AAV وأوضح أن الشركة ليس لها علاقة بالمنحة التي أعلنت الحكومة المصرية عن تلقيها من الحكومة اليابانية مؤكدا ان هذه المنحة مقدمة من حكومة لحكومة ولا يقدم منها دعم للشركات.

وكانت فايزة أبو النجا وزيرة التخطيط والتعاون الدولي اعلنت أنه سيتم إطلاق أول سيارة تويوتا تصنع بالكامل في مصر بالتعاون مع الشركة اليابانية المصنعة لهذا النوع من السيارات خلال الأشهر المقبلة وأشارت الي أن اليابان قدمت منحة بقيمة 6.4 مليون دولار أي ما يعادل38.5 مليون جنيه لمصر, من أجل دعم جهود الحكومة المصرية في الإصلاح الاقتصادي وقد رددت العديد من وسائل الاعلام أن السيارة المتوقع انتاجها ستأتي بمكون محلي 100% وهو الأمر الذي أثار الدهشة والجدل في قطاع السيارات لصعوبة تحقيقه.

تويوتا تنفي تصريحات وزيرة التعاون الدولي بتصنيع فورتشنر بمكون محلي 100%

[houseiny]

انا قريت الخبر اتبسطت

قريت مشاركتك عملت زي هاني رمزي في مسرحية وجهة نظر ..... مفيش فايدة مفيش فايدة

ههههههههههههه ، الفكرة بس ان احنا نفسنا نركب عربية كويسة وبتمن معقول في بلدنا دي عربية تجميع مصري وهي هي نفس العربية النص نقل اللي بتيجي مصر من تايلاند وتقريباً ضعف التمن كل ده عشان اتقفلت بدل ما هي نص نقل ، يبقى أكيد خبر ميدعوش للأنبساط خالص، إلا إذا قالوا تمنها 150 الف مثلاً

[abokoko]

في خبر عاجل :

تويوتا تنفي تصريحات وزيرة التعاون الدولي بتصنيع فورتشنر بمكون محلي 100%

كتب – اسامة محمد عبد التواب

نفي محمد ايهاب مساعد مدير تسويق تويوتا الانباء التي ترددت مؤخرا عن قيام تويوتا بانتاج سيارة جديدة بمكونات محلية 100% موضحا أنهم أعلنوا منذ فترة في مختلف وسائل الاعلام عن قيامهم بتجميع سيارة الدفع الرباعي فورتشنر محليا لاول مرة بمكون محلي يماثل باقي السيارات التي تجمع في مصر وهو 45% .

وأكد ايهاب أن السيارة ستظهر خلال شهرين مشيرا الي أن عمليات التجميع تتم في الشركة العربية الامريكية للسيارات aav وأوضح أن الشركة ليس لها علاقة بالمنحة التي أعلنت الحكومة المصرية عن تلقيها من الحكومة اليابانية مؤكدا ان هذه المنحة مقدمة من حكومة لحكومة ولا يقدم منها دعم للشركات.

وكانت فايزة أبو النجا وزيرة التخطيط والتعاون الدولي اعلنت أنه سيتم إطلاق أول سيارة تويوتا تصنع بالكامل في مصر بالتعاون مع الشركة اليابانية المصنعة لهذا النوع من السيارات خلال الأشهر المقبلة وأشارت الي أن اليابان قدمت منحة بقيمة 6.4 مليون دولار أي ما يعادل38.5 مليون جنيه لمصر, من أجل دعم جهود الحكومة المصرية في الإصلاح الاقتصادي وقد رددت العديد من وسائل الاعلام أن السيارة المتوقع انتاجها ستأتي بمكون محلي 100% وهو الأمر الذي أثار الدهشة والجدل في قطاع السيارات لصعوبة تحقيقه.

تويوتا تنفي تصريحات وزيرة التعاون الدولي بتصنيع فورتشنر بمكون محلي 100%

زى ما بيتقال

خيرها فى غيرها

[MaZaGAngeE]

امال فايزة جابت الكلام ده منين ؟