ياجماعة ارجو الافادة

[fundays]

[overline]السلام عليكم ورحمة الله وبركاته
الاخوة الكرام

عندي مشكلتين بخصوص العربية الخاصة بي
اولا من اسبوع لاحظت ان العربية بتسخن من عند الكابوت لدرجة اني بقيت احس بصهد العربية بيدخلي في الصالون مع العلم ان مؤشر الحرارة طبيعي جدا والمروحة شغالة كويس وقربة المية فيها مية
انا مش عارف اية سبب الصهد اللي بحس بية
وكمان ياريت تنصحوني اروح اشيك علي دورة التبريد والا اعمل اية ولو هروح هروح لمين يعني لميكانيكي والا بتاع رادياتير والا اية

المشكلة التانية
اول ما بدور العربية الصبح لازم ادوس بنزين حوالي 7او8 مرات عشان العربية تدور لاني لو دورت من اول مرة وشلت رجلي من علي البنزين بلاقي مؤشر الار بي ام بينزل والعربية بتبطل برضة مش عارف اية سبب المشكلة دي

ياجماعة ياريت تساعدوني وجزاكم الله خيرا
العربية اوبترا اتوماتيك خارج الضمان
وفي انتظار مقتراحاتكم بالحلول[/overline]

[حماده المصري]

عربيه ايه بالضبط حضرتك

بالنسبه للصهد والحاجات دي اعتقد مفيهاش مشكله بتحصل مع كل العربيات انك تحس ان في صهد او سخونه

مادام القربه طبيعي والمؤشر طبيعي ومحصلش حاجه خلاص

لو كان في حاجه بقالها اسبوع كان زمان المتور ودع

[hosar]

الموضوع التانى دا إلى بيبطل العربية ممكن يكون الأيدل عايز يتعملة صيانة أو يتغير تقريبا

[fundays]

جزاكم الله خيرا

[Amrgamal1]

الصهد دا يبقي اكيد الموتور مش معزول كويس والصالون بردو عايز يتعزل
لو معزولين كويس مش هتحس ولا بحراره ولا بصوت عالي ولا تراب يخش الصالون

[fundays]

الصهد دا يبقي اكيد الموتور مش معزول كويس والصالون بردو عايز يتعزل
لو معزولين كويس مش هتحس ولا بحراره ولا بصوت عالي ولا تراب يخش الصالون

جزاك الله خيرا اخي
طب عشان اعزلهم كويس اروح لمين وياتري العزل بيكون غالي والا سعره في المتوسط ؟

[kisho55555]

العزل ده يا باشا بيكون عن طريق فك التابلوة بالكامل ومعاه القنصلة .... وبتشترى لباد قطن بالمتر ... ولباد الومنيوم .... وبتغطى بيه صدر العربية من جوه بالكامل .... وبعد كدا تحط فرشالارضية الجلد ...

النتيجة انك هتلاقى ان صوت الموتور بقى اقل والصهد اتمنع خالص ....

لو انت عايز تزود العزل اكتر واكتر ... يبقى تفك فرش السقف وتحط معاه لباد حرارى قطنى ....

[Sehsss]

زي ما قاللك الأعضاء، العزل

[fundays]

جزاكم الله خيرا