خناقة بسبب جادثة - من الجاني ومن المجني عليه

[SYD]

النهاردة وانا رايح الشغل الساعة 2:30 بالتمام علي الدائري للمتجه من المريوطية لميدان لبنان

لقيت الطريق وقف بعد بالظبط حوالي 500 او 600 متر من طلعة المريوطية

ولقيت الناحية التانية عربية نقل وواقف فوقها واحد ماسك شومة ونازل تكسير في الزجاج الأمامي (البربريز) انا في البداية افتكرتهم بلطجية ومحاولة سرقة بالأكراه (بس منين بيسرق ومنين بيكسر) لما قربت شوية الرؤية اتضحت اكتر

انها خابطة عربية نص نقل من الصندوق الخلفي ولفاها حوالين نفسها بحيث ان النص نقل بعرض الطريق واكصدام العربية النقل (مقطورة) داخل في نص العربية بالظبط

وواحد تاني واقف علي السلم بتاع السواق وماسك بردو شومة وبيكسر في الزجاج بردو والمرايات

طبعا انا كدة فهمت الوضع

العربية النقل خبطت العربية النص نقل

فما كان من سائق النصف نقل الا ان نزل وهات يا تكسير في العربية النقل (بياخد حقه بدراعه)

طبعا دة ادي الي توقف تام للطريق الراجع من ميدان لبنان متجه الي الرماية والمريوطية

نفسي افهم ليه ساد مبدأ الغابة
نفسي افهم ليه الموضوع اتطور للشكل دة
ليه الناس بقت عدوانية واسلوبها مش متحضر

ربنا يصلح الحال


والله المستعان
،
،

[فادى محمد]

احساس الناس ياباشمهندس ان مافيش امن ومفيش حكومه
ومفيش حد بياخد حقه ,هو اللي عمل كده .ثقافه القوه سواء
كنت الجاني او المجني عليه ,ربنا يصلح احوالنا.

[beautiful0mind]

يا استاذى ده النقل بيجرى وبياخد غرز أكتر من الملاكى والنص نقل ... متلمش الراجل اللى بيكسر تلاقى سواق النقل ده استفزر الراجل ده وكان هيموته .. لقدر الله لو كان طلع علية ولا حاجة

انا يوم الجمعه شوفت عربية نقل على الدائرى معادى .... داخل فى عربية أكسنت مخلاش نفعه تانى خالص ...

والله أعلم مين الغلطان لكن فى ناس فعلا مينفعش توقفها عند حدها غير بالدراع وتربى وتعلمه الادب

[opelawy]

احساس الناس ياباشمهندس ان مافيش امن ومفيش حكومه
ومفيش حد بياخد حقه ,هو اللي عمل كده .ثقافه القوه سواء
كنت الجاني او المجني عليه ,ربنا يصلح احوالنا.

+11

[aly_hosny]

سائق النص نقل عارف انه لو حاول ياخد حقه بالقانون مش هيعرف

ولو سواق النقل اعترف على نفسه برضو مش هيعرف ياخد حقه بالقانون

[Elawany13]

هيه ديه الموضه
كله بياخد حقه أو ساعات مبيكونش حقة وفاكر ان حقه
بالدرااااااااااااع وبشتيمة والبتكسير وبالضرب وبالبلطجه
يلعن ابو الجهل اللى بقينا عايشيين فيه

[dolly13]

قبل الثورة لم يستطع اى سائق ان ياخذ حقه بالقانون ولكن هيبة الداخلية كانت تمنع هذا السلوك من المجنى عليه لانه كان بيخاف
بعد الثورة بقى الوضع على ماهو عليه بالنسبة لتطبيق القانون مع غياب هيبة الداخلية والنتيجة كما نرى جميعا هذا السلوك العدوانى
كلنا نتمنى ان يتم تطبيق القانون ولا نعلم حتى الان من له مصلحة فى تعطيله
تقبل مرورى

[Ashraf_Ashraf]

عشان شئ بسيط جدا انه مافيش قانون يعطيك حقك فورا ولا يحمل اللى غلطان نتيجه غلطه وطبعا حط عليهم بقى لو واحد غلطان وسمج ورزل فى كلامه بدل مايعتذر يطول لسانه فتقوم الخناق وكل واحد وقوته للاسف الشديد
يوم مانلاقى زى اى بلد فى الدنيا الغلطان يتحمل الغلط ويجى البوليس المحترم يقدر مين اللى غلطان ويلزمه بالتعويض يبقى يومها بس مش هتشوف المناظر دى

[ahmed_mido1889]

الخلاصه ظبط سواقين الرخص المهنيه

واحد باوتوبيس تبع الجامعه البريطانيه او المدرسه البريطانيه ومعاه ركاب

و معاه مشرف الباص وماشي بيغرز ولزق في عربيتي من ورا علشان ماشي علي 90 وبطلع من تريلا

وبعدها ما عجبوش اني ما غيرتش حاره زنق عليا كان هيخليني البس في الحواجز الخرسانيه

وعمل حركه نابيه بايده

وبعد كده بعدي كان عايز يخبطني باي طريق بقيت اكل الغرز الضيقه علشان ابعد عنه بمقدار كويس احمي نفسي منه

والله لو كنت خدت رقم الاوتوبيس واتاكدت من الجامعه او المدرسه كنت هروح اشتكيه واخليه يتفصل من الشغل
وبصيت علي اي عربيه شرطه واقفه علي الدائري من التجمع للاوتوستراد للاسف مفيش

كنت هبلغ عنه واخليهم يوقفوه

[tutankhamoun]

لسببين
الأول من الأساس مفيش قانون ينظم طريقة السواقة أصلا
تلاقي واحد بهيم (لامؤخذة ) ماشي يبرطع في الطريق و هاتك يا غرز و قلة أدب و غرز كمان على الضيق
و في الآخر ممكن يخبط واحد تاني و في النهاية ممكن كمان ينزل يبجح و يقل أدبه
و بالتالي أستفزاز للمجني عليه

و كمان غياب تنفيذ القوانين أصلا و غياب الداخلية و غياب الأخلاق و آخر واحدة دي مهمة قوي
الناس يا سادة معندهاش صبر
النقل بيشد ...... و الميكروباظ بيشد ....... و النص نقل بيشد ....... و الملاكي بيشد
و محدش فاهم يعني أيه سلامة و أمان و محدش فاهم أو واعي لأي حاجة تتعلق بأي حاجة

و في الآخر مصر = سمك لبن تمر هندي من قبل الثورة و من بعد الثورة أصبحت كل حاجة سيئة بسبب أخلاق الناس

[Sehsss]

ربنا يعدي اليومين دول على خير

[SYD]

طبعا شكرا لكل الي شارك في الموضوع

بس دلوقتي المفترض ان الجاني هو سواق النقل التقيل
والمجني عليه هو سواق النص نقل

بعد الي حصل بقي سواق النقل التقيل هو المجني عليه
وسواق النص نقل هو الجاني

طب لو لا قدر الله الف بعد الشر كان حد محترم مننا جراله كدة كان هيعمل زي سواق النص نقل ويكسر عربية الي خبطه ؟؟؟؟؟

طب نعمل ايه ؟؟؟؟

يا جماعة السواقة بقت بالدراع
وبالعافية
وبقلة الذوق

انا ببقي ماشي وبتجنب دلوقتي الأحتكاك مع اي حد حتي لو ملاكي زيي

كدة كدة انا طبيعي في حالي من زمان بس دلوقتي بقي غصب عني
يعني لو زمان كنت محترم بمزاجي دلوقتي انا محترم غصب عني لحسن عربيتي تتكسر او انا شخصيا اتكسر

هي بقت كدة ؟؟؟؟؟؟؟؟؟؟؟

انا من يومين كنت ماشي وبهدي عشان مطب
مطب !!

الي ورايا مش عاجبه

عايزني بردو امشي بسرعة واكل المطب مش ممشكلة
المهم هو مايهديش

ربنا يرحمنا برحمته

والله المستعان
،
،

[memo823000]

لسببين
الأول من الأساس مفيش قانون ينظم طريقة السواقة أصلا
تلاقي واحد بهيم (لامؤخذة ) ماشي يبرطع في الطريق و هاتك يا غرز و قلة أدب و غرز كمان على الضيق
و في الآخر ممكن يخبط واحد تاني و في النهاية ممكن كمان ينزل يبجح و يقل أدبه
و بالتالي أستفزاز للمجني عليه

و كمان غياب تنفيذ القوانين أصلا و غياب الداخلية و غياب الأخلاق و آخر واحدة دي مهمة قوي
الناس يا سادة معندهاش صبر
النقل بيشد ...... و الميكروباظ بيشد ....... و النص نقل بيشد ....... و الملاكي بيشد
و محدش فاهم يعني أيه سلامة و أمان و محدش فاهم أو واعي لأي حاجة تتعلق بأي حاجة

و في الآخر مصر = سمك لبن تمر هندي من قبل الثورة و من بعد الثورة أصبحت كل حاجة سيئة بسبب أخلاق الناس

كلامك بيتلخص فى كلمتين ( غياب الدين ) اللهم رد المصريين الى دينهم ردا جميلا
لو كل واحد ربى وعلم ابنه الدين على اصوله كنت هتلاقى السماحه والعفو والضمير الصاحى والخوف على الغير اكتر من نفسك
والله المستعان

[graffittiii]

الجاني هو أهل مصر والمجني عليه هو مصر ...

[AhMeD MeTwAlY]

مفيش كلام بعد الاخوه الاعضاء قالوه بسبب غياب القانون
وحاليا فعلا نظام البلطجه هو الي ماشي ومش تقول دا سواق نقل ثقيل او ربع نقل او مكيروباصات او او او
عمي عنده مستودع عنده عربيه نقل كبيره بتاخد 1400 امبوبه وناس من قريه عندنا هنا في الشرقيه طلعو علي العربيه ضربو السواق بالسنجه في دراعه ودراعه متفرتك وكسرو ازاز العربيه واخر بهدله وده كله عشان عيزين انابيب
البلطجه بقيت في دم الشعب المصري كله حتي الناس الكبيره في السن تلاقي واحد كبير في السن قد ولدك
وبناء عليه قررنا مغادرت البلاد في اسرع وقت ممكن وشكرا