حفلة خيرية لحمزة نمرة يقيمها صناع الحياة في اسكندرية

[a7madramadan]

أولاً شكرا للأستاذ كريم منير على موافقته لاضافة الموضوع ده وهو اعلاني في شكله :)

مؤسسة صناع الحياة في الاسكندرية هتقيم حفل لحمزة نمرة هتروح كل ايراداته لمشروعات المؤسسة الخيرية على رأسها مشروع انسان (لمكافحة الفقر والتسرب من التعليم ولي الشرف كوني جزء منه) ومشروع العلم قوة (لمحو الأمية من سن 35 و طــالع ) ومشروعي حماة المستقبل و دماغ ولكن (لمكافحة الادمان للشباب وعلاج المدمنين) و مشروع صحتنا الي بدأ من أشهر في القاهرة كأول محافظة وهدفه علاج خيري للفقراء و محاولة حل مشاكل الصرف الصحي و تكوم القمامة في العشوائيات والمناطق الفقيرة

الحفلة هتكون في كلية الهندسة في الاسكندرية يوم 16 مـــارس والتذاكر موجوده مع ليدر كل فرق مشاريع صناع الحياة و موجوده معايا و أقدر أتصرف في أي عدد ان شاء الله

الي مهتم بحضور الحفلة دي يقدر يتواصل معايا شخصيا سواء برسالة خاصة او على تليفوني الموجود في صفحتي هنا وهاجيبله التذكرة ان شاء الله في أي مكان في الاسكندرية وسعرها 30 جنيه وهتروح كاملة لتمويل مشاريع صناع الحياة فالاسكندرية والحفلة مصاريفها كلها تحمل أعبائها حمزة نمرة و شركة أخرى لن أذكر اسمها لان ده مش موضوع اعلاني وعائداتها كلها للمؤسسة

دي صورة للإيفنت المعمول ليها على الفيسبوك


و شكرا كمان مرة للأستاذ كريم منير :)

[Sehsss]

جزاك الله خيرا

[فتح الباب]

ياريت رقم تليفون حضرتك حيث انه غير واضح فى البوستر وماذا عن مدى امكانية الانضمام الى المؤسسه كعضو

[MEKAWY2000]

مبرووووووك من الاعماق والى الامام وبالتوفيق يارب

[a7madramadan]

الله يبارك فيكم جميعا :)

وبالنسبة لرقم تليفوني 01066544775 وهو موجود في بياناتي فالمنتدى هنا ....... والرقم الي فالصور دول مسؤولي تسويق في مشروع انسان اسكندرية .. وعن انضمام حضرتك أكيد يشرفنا انضمام حضرتك معانا ابعتلي تفاصيل عنوانك عشان والنشاط الي حابب تشترك فيه

[a7madramadan]

يعني ماحدش من شباب نايل موتورز هينورنا فالحفلة الخيرية ؟؟ :(

[ahmedkhairy]

شىء ممتاز ربنا يوفقكم

[a7madramadan]

ربنا يكرمك يـــا أحمد :)

[original]

ألف شكر وإنشاء الله أكلمك..

[a7madramadan]

العفو يـا افندم :) وفي انتظار تليفون حضرتك في أي وقت ان شاء الله

[a7madramadan]

شباب التذاكر خلاص خلصت الحمد لله من المؤسسة وفاضل عدد بسيط خــالص لأعضاء مشروع انسان نفسه وممكن نطلع منهم 3-4 بالكتير قوي لو حد حابب يحضر الحفلة وعاوز تذكرة يكلمني خلال اليومين دول بالكتير و بعدها نبقى خلصنا بحمد لله :)