تجربتى الرائعة مع بنزين 95

[yoko]

فتي ازاي


انا وضحت في مشاركة ان صاحبي "ال معوش عربية و مجربش لا يحط "80 و لا 90 ولا 95" قالي ان مفهومنا عن رقم الاوكتان غلط اصلا و انه مش نسبة و ممكن بنزين رقم الاوكتان بتاعه يعدي ال100 و شرحلي ازاي


و قالي ان كل ما رقم الاوكتان قل البنزين معدل احتراقه بتبقى ابطا و خصائصه اسوأ و بيخلي العربية تسقف كل ما زاد رقم الاوكتان معدل الاحتراق بيبقى اسرع و خصائص البنزين افضل


صاحبي ملوش في العربيات و في بكالويس هندسة بترول قسم تكرير

انا فاهم والله وقاري في الموضوع ده كتير
ومعدل إحتراقة أسرع لفظ مش سليم هو الطاقة الي بتخرج منه أقوى وأعلى
لإن إحتراق أسرع يعني مقاومته للضغط أقل وبينفجر قبل معاده يعني يخلي العربيه تسقف الي هو أوكتان قليل

[magid1010]

http://www.nilemotors.net/Nile/16758-gasoline-octane-number-engine-cr.html


أنواع البنزين المستخدم في السيارات والرقم الأكتاني وعلاقته بنسبة إنضغاط المحرك = Gasoline Octane number And Engine compression ratio


الحقيقة أن موضوع نوع البنزين والرقم الأكتيني أو الأوكتاني للبنزين ومدى ملائمة النوع للمحرك
وهو يعتمد على خاصية في المحرك تسمى بنسبة الإنضغاط وهي تقريباً من 7 إلى 12 في السيارات البنزين عموماً

تعريف نسبة الانضغاط:
نسبة الإنضغاط هي حاصل قسمة حجم الإسطوانة بالكامل (الحجم المحصور بين الحد السفلى الذي يصل له المكبس وحافة غطاء الاسطوانة(وش السلندر)) مقسوماً على حجم غرفة الإحتراق (المحصورة بين آخر نقطة يصل إليها المكبس وحافة غطاء الاسطوانة (وش السلندر))

نسبة الإنضغاط = حجم الإسطوانة / حجم غرفة الإحتراق
= تتراوح بين 7 إلى 12 وقد يصل إلى 15 في بعض محركات سيارات السباق ولكن على حساب عمر المحرك الذي يقصر بشدة في هذه الحالة

وكلما زادت نسبة إنضغاط المحرك كلما أصبح المحرك متأقلم مع نوع بنزين أعلى في رقم الأوكتان
وهذه بعض النسب التقريبية لكل محرك ونوع البنزين المناسب له:
بنزين 80 لمحرك ذو نسبةإنضغاط 8
بنزين 90 لمحرك ذو نسبة إنضغاط 9
بنزين 92 لمحرك ذو نسبة إنضغاط 10
بنزين95لمحرك ذو نسبة إنضغاط 11

لو أن نسبة الإنضغاط منخفضة مثل الشاهين وال 128 والادا فعليك أن تمونها بنزين 80 وأنت مطمئن أنها ستعطي آخر قدرة لها بدون مشاكل
بمعني أن السيارة ال 128 موتورها قديم وبالتالي نسبة إنضغاطه منخفضه إذن الأفضل أن تضع له بنزين ذو أقل رقم أوكتاني يعني 80
ولو وضعت بنزين برقم أوكتيني أعلى من 80 تصبح كأنك ترمي فلوسك في الهواء بدون مبالغة

لو نسبة الإنضغاط عالية زي المواتير الحديثة عموما وهذا يكون موضح في الكاتلوج وأعلى نسب إنضغاط تكون في السيارات الغالية مثل المرسيدس والبي إم والسيارات الرياضية أيضاً أو كل سيارة من مستواهم في هندسة المحركات الحديثة
ولو لم يحدد في الكتالوج الخاص بتلك النوعية من السيارات المتقدمة ذات نسب الإنضغاط المرتفعة نوع البنزين الموصى به (إحتمال ضعيف)
فعلينا أن نبحث بالكتالوج عن نسبة إنضغاط المحرك
ومن النسب التى وضعتها بالأعلى نختار نوع البنزين
أو نسأل التوكيل
أو نبحث عن موقع السيارة على شبكة المعلومات الدولية وننظر ما هو نوع البنزين المناسب للمحرك
ومن الطبيعي أن نضع في تلك السيارات رقم بنزين عالي لأن محركات هذه السيارات متقدمة ونسبة انضغاطها عالية ومصممه للبنزين ال 95 مثلا أو 92 على الأقل لكن لو وضعنا بها بنزين 80 مثلاً وإسترخصنا فكأننا نقوم بتدمير المحرك بدون مبالغة ولكن على المدى الطويل (ليس تدمير فوري)

أما لو كانت سيارة موديل قديم أو سيارة جديدة لكنها مركب بها موتور تصميم لم يتغير منذ زمن مثل اللادا 2107 أو ال128 وأمثالهم في هذه الحالة نضع بنزين 80 ولو لم نجد 80 نضع 90 (والفرق اللي مش كبير إنت أولى به) ولا تزيد عن ذلك حتى لا تكون مبدد للمال بدون فائدة

هناك إعلان بمحطات شركة موبيل يقول : الفرق يستاهل أو الفرق بسيط (مش فاكر بالضبط) وهذا الإعلان ما أسميه نصب وتضليل علني
والحق هو : فلوس البنزين اللي ميلزمش سيارتك وهي غير مصممة له أساساً أنت أولى بها


السؤال الأول: ماذا يحدث لو وضعت بنزين ذو رقم أوكتاني أقل من الموصى به لسيارتي أو أقل من المناسب لنسبة إنضغاط محرك سيارتي ؟؟
الجواب : يحدث الآتي:
1- لا تحصل على العزم وعدد الأحصنة المبين في الكتالوج بل أقل منه
2- صوت المحرك يرتفع ومن الممكن أن لا تحس بالفرق بنفسك لكن صوت المحرك سيرتفع بالتأكيد ولو بنسبة ضئيلة
3- قد يحدث في المحرك ظاهرة التصفيق والميكانيكي يقولك الموتور بيسقف وهذا صوت مثل الصوت الذي تسمعه لو أنت ماشي على الرابع على سرعة 20 كلم/ساعة وفجأة دست بنزين جامد تسمع صوت تكتكه هو ده التصفيق اللي يزيد عندك
وهذا التصفيق ليس صوت تصادمات كما يبدو ولكنه صوت اهتزاز وتذبذب شديد للمحرك وخاصة عمود الكرنك والمكابس وقد يصل في بعض الأحيان إلى كسر عمود الكرنك (حالة نادرة)
4- التصفيق الكتير يقصر عمر المحرك على المدى الطويل
5- زيادة في إستهلاك النزين لأن التصفيق والموجات الناتجة تزيد من فواقد القدرة داخل المحرك
وهذا السبب موجود في موضوع بعنوان (بعض أسباب زيادة إستهلاك البنزين):
(بعض أسباب زيادة إستهلاك البنزين=========Fuel consumption reasons)http://www.nilemotors.net/Nile/showthread.php?t=16498

السؤال الثاني: ماذا يحدث لو وضعت بنزين ذو رقم أوكتاني أعلى من الموصى به لسيارتي أو أعلى من المناسب لنسبة إنضغاط محرك سيارتي ؟؟
الجواب:
أما في حالة أن تضع بنزين أعلى من الموصى به:
قد يكون السيارة موصى لها بنزين 92 ولكن عندما تضع بنزين 95 فإن السيارة تعطيك أداء أفضل
وفي هذه الحالة فإن جيبك هو الذي سيحكم لأن بنزين ال 95 سيعطيك إحساس قوي بفلوس كثير والبنزين ال 92 سيعطيك القدرة القياسية من المحرك وسيوفر لك فلوسك بدون ضرر نهائي على المحرك
في هذه الحالة لك مطلق الحرية

ولكن لو وضعت بنزين 95 ولم تحس بفرق فاتركه فوراً وارجع لبنزين 92 الموصى به لسيارتك

أخيراً هناك معلومات أو إشاعات خاطئة:
الإشاعة الأولى:
أن البنزين ال 80 مضر بالبيئة أكثر من البنزين ال 90 أو البنزين ال 92 وهذا كلام فارغ وكذب ونصب
لأن البنزين كله حاليا خالي من الرصاص ومركباته واحدة مع اختلاف نسب المركبات في كل نوع

والإشاعة الثانية:
يقول لك البنزين ال 92 أنظف من البنزين ال 80 ولا يحتوي على شوائب تقوم بسد الفلاتر وغيره !!
والحقيقة أن مسألة النظافة تتعلق بنظافة خزانات المحطة وليس لها علاقة بنوع البنزين سواء بنزين 80 أو بنزين 98

ولكن يوجد حل جيد لطالبي التوفير والإقتصاد في مصاريف بنزين سياراتهم:
والذين يريدون وضع بنزين أوكتان 80 مثلا في سيارة ذات نسبة إنضغاط عالية
الحل أنك تؤخر توقيت الشرارة (تخفض كهربة السيارة) وتجربها حتى تجد أن التصفيق (التسقيف) تلاشى
وهذا الحل مجرب تجربة شخصية مع المواتير الكربراتير فقط.

بالطبع فإن هذا الحل سيقلل من كفائة السيارة وسحبها بنسبة بسيطة لكن مقبولة في سبيل التوفير
حيث أن الفقد في الإستفادة من البنزين الناتج عن تأخير توقيت الشرارة سيكون أقل من فرق السعر بين نوعي البنزين
مثلا أنا أضع في الجولف2 بنزين 92 لكن بعد فترة أصبحت أضع فيها بنزين 80 أيضا لأن الفرق في قدرة المحرك لا تذكر كما أني قمت بضبط توقيت الشرارة (خفضت الكهرباء) ليكون مناسباً للبنزين ال 80
هذا والله أعلم

[aly_hosny]

انا فاهم والله وقاري في الموضوع ده كتير
ومعدل إحتراقة أسرع لفظ مش سليم هو الطاقة الي بتخرج منه أقوى وأعلى
لإن إحتراق أسرع يعني مقاومته للضغط أقل وبينفجر قبل معاده يعني يخلي العربيه تسقف الي هو أوكتان قليل

انا دورت ولاقيت كلامك صح
و كمان قريت ان استخدام بنزين برقم اوكتان اعلى من المطلوب مش هيشكل فارق في الاداء

[moh19227]

والله يا استاذ شهدي انا استغربت من العنوان و قلت الاستاذ شهدي دا من الناس الفاهمين حيقول ايه في الموضوع اللي قتل بحثا دا والحمد لله لما قريت الموضوع مخيبتش ظني

الخلاصة يا جماعة بنزين 95 في اي محرك مش مطلوب له 95 ملوش اي لازمة و فلوس عالارض فعلا غير كده اوهاااااااام

زي بالظبت اللي بيبني عمارة و اخرها 4 ادوار و عايز يحط اساس يشيل 8 ادوار ولا حتفرق في حاجة حيكلف عالفاضي


لكن العكس مينفعش واحد حيبني 8 ادوار فا يحب يوفر في الاساس و حطه يشيل 6 بس حتتبني اه و كل حاجة لكن فيها خطورة و ممكن توقع و يروح كل اللي وفره

بالظبت كده البنزين و الموتور الزيادة في الاوكتان مبتفرقش لكن النقصان بيفرق

دي الخلاصه
+11111111111111111111111

[yoko]

انا دورت ولاقيت كلامك صح
و كمان قريت ان استخدام بنزين برقم اوكتان اعلى من المطلوب مش هيشكل فارق في الاداء

ولا يهمك وانا وكتير كانوا فاكرين كده لحد ما الواحد قعد يدور وعرف الصح فين
واقولك معلومة كمان ديه برده عكس الفتي بتاع الميكانيكيه الي مودينا في داهيه
بيقولوا إستهلاك ال95 أعلى ده ممكن في العربيات الكربيراتير
لكن في العربيات الإنجكشن وعشان ال95 إحتراقة بيدي طاقة أكبر ففي العربيات المصممة لل95 العربيه إستهلاكها بيبقى أحسن لكن لما بيتحطلها 92 الecu بيضطر يرمي بنزين أكتر عشان يطلع نفس الطاقة فالإستهلاك يعلى

[devil_storm]

انا كمان فولت بنزين 95 كذا مرة و محستش باى فرق نهائى بين 92 و 95 من حيث سحب او نعومة او صوت ماتور هادى و متفق معاك يا شهدى تماما
الموضوع كلة اوهام :)))
الخلاصة من تجاربى فى الموضوع ده مفيش اى فرق اطلاقا فى العربيات العادية... ممكن بقى يكون فى فرق فى المواتير التربو اللى بتحتاج 95 و الله اعلم.

[dr_darsh]

الله يبارك فيك انت كده وفرت على تمن تفويله 95 لأنى كنت ناوى افول مره حتى لو من باب الفضول

[Abo_Lina]

ميجان ٢٠٠٥
و بنزين ٩٥ بيفرق فقط في صوت المحرك بيصبح أكثر نعومة فوق ال 2.5 rpm

[Formulator]

تجارب مضروبة مين ياعم الحج ! الفرق تحسة على طول دى عربية 2011 عاملة 7 الاف كيلو مش 99 عاملة 300الف
ولسة حظبط الموتور من اول و جديد

تحس بالفرق لو تانك 60 لتر, يعنى لو التانك كان فاضى و فولت 50-60 لتر..!!
والعربية جديدة أو قديمة مش هو العامل الوحيد اللى بيتحدد عليه الكلام ده.
ممكن عربية ألمانى موديل 99 ماشية 300 ألف كم على بنزين 95, وصيانة تمام.. يبقى حالتها أفضل.

وبعدين دى صفيحة !
عايزنى افول 50 لتر بنزين 95 3 مرات عشان احس بفرق او محسش !!
لا ياعم متشكرين بس هو مفيش فرق لأن اصلا العربية هادية مكنتش كراكة مثلا !
و ولا عمل حاجة لا صوت اختلف ولا سحب ولا حاجة !

ماهى دى مشكلتك يا شهدى, انك فاكر ان الـ20 لتر دول حاجة..؟!!
يعنى أقولك أيه؟؟ تعالى نحسبها بالورقة والقلم (حسبة عيل فـ 3-ابتدائى):
- 20 لتر 95 + 40 لتر 92 = 60 لتر 92.75 (أو 93).. دى طريقة rough طبعا,
يبقى انت كده حاطط بنزين 93 وجاى تقول دى تجربة بنزين 95..؟؟؟!!

دى اوهام !
متحسش بية بس غير لو موتورك اصلا 11:1 يعنى عايز 95 !

مفيش الكلام ده يابرانس, قولنا قبل كده ان مش بس الـCompression Ratio هى اللى بتحدد نوع البنزين المستخدم..؟؟!!!
الأهم منها الـState of Tune بتاع الـECU.. الـMap أو خريطة البنزين والهواء والضغط اللى نازلة على الـECU.

الـBM 316 بتنزل أوروبا 122 حصان, وعندنا بيعملوا Remap عشان تشتغل ببنزين أقل.. لكن 115 حصان.
الـFocus 1.6 بتنزل أوروبا (والخليج) 115-120 حصان, فـ مصر بينزلوها 100-105 حصان عشان البنزين برضه..

مش مشكلتنا بقى ان الـECU بتاع العربيات الكيا غبية, ومقدرتش تستفيد بالأوكتان الأعلى, وتغير فى الـinjection/ ignition Timing عشان تطلع باور أعلى من البنزين.

الـChips المتطورة بتتحرك جوه Window تقلل الـTiming-Advance لو فيه knock, وتعلى الـAdvance لو فيه بنزين نظيف و طاقة أعلى فـ الحريق..!!

كل ما زاد رقم الاوكتان معدل الاحتراق بيبقى اسرع و خصائص البنزين افضل

هى دى الكلمة الخطأ, معدل احتراق البنزين الـHigh-Octane بيبقى أبطأ من البنزين الـ90/92
عشان بيقاوم الأحتراق (الأنفجار) نتيجة الـCompression,
لكن بيتحرق Homogenous, Complete لحظة الـSpark-ignition = باور أعلى.

لإن إحتراق أسرع يعني مقاومته للضغط أقل وبينفجر قبل معاده يعني يخلي العربيه تسقف الي هو أوكتان قليل

+999999

واقولك معلومة كمان ديه برده عكس الفتي بتاع الميكانيكيه الي مودينا في داهيه
بيقولوا إستهلاك ال95 أعلى ده ممكن في العربيات الكربيراتير
لكن في العربيات الإنجكشن وعشان ال95 إحتراقة بيدي طاقة أكبر ففي العربيات المصممة لل95 العربيه إستهلاكها بيبقى أحسن لكن لما بيتحطلها 92 الecu بيضطر يرمي بنزين أكتر عشان يطلع نفس الطاقة فالإستهلاك يعلى

لما حطيت 92 (مرات معدودة), الصفيحة كانت بتعمل 180-200 كم فـ الصفيحة Urban
مع الـ95 الصفيحة ممكن توصل 220-230 كم,
وعلى الـHighway الـ92 آخره 240-250 كم, الـ95 بيعدى 280-300 كم فـ الصفيحة (أو أكثر)..؟؟!!!

دا حتى كنا بنقول قبل كده: ان المسافات الأكبر (الكم) اللى بيحققها 95 بتعوض جزء من فرق الفلوس عن 92.

الخلاصة من تجاربى فى الموضوع ده مفيش اى فرق اطلاقا فى العربيات العادية... ممكن بقى يكون فى فرق فى المواتير التربو اللى بتحتاج 95 و الله اعلم.

مش بس العربيات التربو,
مواتير الـFSI بتاع الباسات كانت لازم تشتغل 95, (و أى موتور حقن مباشر).
وعشان محدش يقول دى مواتير direct-injection, خد عندك مواتير Port-injection عادى:
- مواتير الهوندا الـVTEC بتفرق جااااااااااامد فى الأداء والسحب لما تحطلها 95.
- مواتير الـBM اللى فيها Valve-Tronic, Double VANOS بتطير لما تحطلها 95, مهما كانت صغيرة 16i, 18i أو 20i

أعتقد دى مواتير Normal Aspirated مش تربو ولا سوبرتشارج..؟؟؟!!
تانى: هى مواتير الهيونداى-كيا اللى عيانة وبرمجتها سيئة, مش Tunable يافندم..

[ashouhdy]

مين قالك كدة ... شوفت انت الموتور و شوفت ال .ecu ! على العمومو هو نفس موور السيراتو و السول ... بعدين بقولك محستش بهدوء او تسارع لأن الموتور اصلا هادى ... ومستحيل يكون فى موتوؤ اوروبى عامل 300 للف أحسن من موتور كورى جديد عامل 7 الاف ! انت إربيتك تيربو فبتحس بالفرق ... ذى ماقولتلك بمت لنك مبتعترفش غير بالأوروبى .... اركب اى حاجة اوروبى مصممة لل 92 وحط فيها 95 وقولى حسيت بأية ...

[ashouhdy]

غير لنك بتتكلم على سرعات عتلية جدا 200 و 230 .... انا بقولك على مشى جوة البلد مفيش حاجة ... ولا الهوا .... مش حطلع اجرب التوب السبيد زادت قد اية عشان اتبسط واقول الفرق يستاهل !

[ashouhdy]

اصل ببساطة مش حتطلعلى العيب أن عربيتك كورى فبفهمتش البنزين ههههههههههه

[ashouhdy]

Engine manufacturer:
Hyundai Gamma-series
Engine type:
spark-ignition 4-stroke
Fuel type:
petrol (gasoline)
Fuel system:
indirect injection
Charge system:
naturally aspirated
Valves per cylinder:
4
Valves timing:
CVVT (continous variable valve timing)
Additional features:
Multi-point fuel injection

Emission control:
3-way cat, Lambda-Sensor
Emission standard:
Euro 5




Cylinders alignment:
Line 4
Displacement:
1591 cm3 / 96.9 cui
Bore:
77 mm / 3.03 in
Stroke:
85.4 mm / 3.36 in
Compression ratio:
10.5 : 1
Power net:
93 kW / 126 PS / 125 hp (ECE)

/ 6300
Torque:
157 Nm / 116 ft-lb

/ 4200

[ashouhdy]

ياعم موتور 100 100 اهو ومليان ارقام :)))


معلش المشاركات متقطعة عشان بكتب من الموبايل

[aly_hosny]

ياعم موتور 100 100 اهو ومليان ارقام :)))


معلش المشاركات متقطعة عشان بكتب من الموبايل

في الحبة ال انا قريتهم عشان اصحح مفاهيمي بالنسبة للموضوع دا قريت ان ملوش دعوة بموتور اوروبي او كوري
لو الموتور مصمم لبنزين 92 و انت حطيتله 95 مش هتفرق في اي حاجة
و زي ما يوكو قال لو 95 و انت حطيت 92 الاداء هيبقى اقل بكتير
زي كدا لما تحط 80 في عربية بتمشي ب 90 مع مراعاة الفرق طبعا