اسئلة عن تغيير السيور و الفلاتر و شوية حاجات

[koko616]

اما غيرت كل السيور و تيل الفرامل و فلتر الهوا و فلتر التكييف

و البوجيهات عند 45 الف كيلو


سؤالي دلوقتي ... هو الحاجات دي هتتغير بعد اد ايه تاني ؟؟؟


ياريت تقولولي كل حاجة هتتغير بعد كام كيلو ؟؟؟

[motoxp]

بعد 40 الف كيلو كمان

وممكن البوجيهات قبل كده يعنى ممكن عند 20 الف كيلو تتغير

[shenoo]

في كتالوج السيارة بيكون مكتوب التغييرات بالمظبوط

[koko616]

كل الحاجات بعد 40 الف ماعدا البوجيهات بعد 20 الف ؟؟

طيب و فلتر البنزين ... علما بأني اصلا شاري العربية مستعملة و كانت عاملة 44 الف كيلو و مغيرتوش خالص

[Kareem Fawzy]

كان لازم تغير فلتر البنزين معاهم يا باشا

[koko616]

يعني كل الحاجات 40 ألف ماعدا البوجيهات 20 الف ولا ايه ؟

و فلتر البنزين بيتغير كل اد ايه يعني ؟

[Ahmod]

يعني كل الحاجات 40 ألف ماعدا البوجيهات 20 الف ولا ايه ؟

و فلتر البنزين بيتغير كل اد ايه يعني ؟

فلتر الهوا والبنزين والفلاتر عموما يفضل تتغير كل 10 الاف كيلو

وطبعا فلتر الزيت مع كل تغييرة زيت

البوجيهات على حسب اللى انت مركبها لو مركب الاصلية في التوكيل اعتقد دي بتطول وبتقعدلها بتاع 40 الف كيلو ولا حاجة

انت تقدر تسال في التوكيل عنها عشان تتاكد

تيل الفرامل على حسب استهلاكك وعموما اللى بيتغير غالبا التيل الامامي

كل 30 الف تقريبا لو استهلاكك معقول وكويس

[koko616]

طب انا مركب بوجيهات كوري

[eslamsubaru]

تغيير سيور عند 40000 كم؟؟ مش قليل الرقم ده؟
انا معرفش كويس فى الانسر بس هى يابانى و انا من تجربتى للكورولا و الامبريزا السيور بتتغير على 75000 الى 90000 حسب الاستخدام.

[SYD]

بص حضرتك

سير الكاتينة في معظم العربيات بيتغير علي 45,000
انا شخصيا عربيتي بتغير كل 60,000 (هو قايل 90,000 بس recommend كل 60,000 او اقل)
فلتر البنزين كل 30,000 بس عشان بنزين مصر محترم بيتغير ممكن كل 15 او 10 كمان
سير الدينمو كل 30,000
فلتر الزيت المفروض كل 30,000 بس عشان الزيت عندنا محترم هتخليه مع كل غيار
فلتر الهوا المفروض كل سنتين او 60,000 بس عشان الجو عندنا صافي هتخليه كل 15 او اقل يعني ممكن كل 10

وانصحك تعمل موضوعك دة في القسم الخاص بعربيتك وهما هيفيدوك اكتر بجدول الصيانات بتاع عربيتك

والله المستعان
،
،