مساعده في نوع الكوتش

[morg]

يا جماعه انا معايا هيونداي نيو أكسنت و عايز أغير ال 4 فرد ممكن تنصاحوني أجيب ايه و فين أرخص أسعار !!!! و هل ال maxis أحلا ولا kumho و لا الاثنين مش حلوين أصلا !!! مقاس الكوتش عندي r14/185/65

[mazagngi2010]

شوف gt champiro

[alawizo]

كونتينينتال او بيريللي الفرده ناعمه جدا جدا .. وسعرها 400 جنيه وطريه و بتديك اقل احساس بالمطبات .. عند أشرفكو في مدينه نصر ..

[morg]

ده نوووع حلو يعني !!! طيب أسأل عند مييين

[_hema]

انا جربت الـ بريجستون اليابانى الفرده ناعمه وطريه ع الطريق وخصوصاً لما بأملاها نتروجين

ومكن تسأل عليها ف اقرب مكان لسكنك بيبيع فرد كاوتش او محلات بريجستون الموجوده فى بعض محطات توتال

اما عن سعرها فانا اسف معرفش السعر الحالى كام

والتايلاندى منها حلو برضوا وشغال زى الفل الاختلاف الوحيد بينهم النقشه فقط وهما الاثنين على نفس الجوده وفرق السعر بيكون راجع لرخص العماله فى تايلاند عن اليابان


غير كدا مفيش فرق بين الاثنين وزى ماقلت الجوده واحده واختلاف النقشه بس

وشكرا

[Kareem Fawzy]

انا برشحلك ميشلان بس الفرده غالية شوية
الفردة ب 525 جنيه او ممكن تكون زادت شوية
بس بجد فرده محترمة جداً بالتوفيق

[Amr Axel]

طب ممكن تقولنا حدودك في الفلوس كام ؟؟ عشان نقدر نحددلك الافضل في حدود المبلغ اللي معاك
و عامة الانواع الكويسة و سعرها يعتبر رخيص و مجربه فولدا و جوود يير و هانكوك ثم كومهو و نيكسن
اما بريدجستون و ميشلان مثلا فسعرهم غالي يعني الفردة مش هتقل عن 500-600 جنيه اقل حاجة

و قبل ما تشتري الكاوتش عامة خلي بالك من تاريخ الانتاج و مواصفاته متجيبش مثلا كاوتش انتاج قبل 2011 دلوقتي لأن الكاوتش صلاحيته بدون استخدام 5-6 سنين كحد اقصي من تاريخ الانتاج و ممكن اقل حتي لو متمش استخدامه و يكون بسبب سوء التخزين و اللي بيبعوا الكاوتش دايما بيحبوا يقلبوا الانتاج القديم اللي عندهم لأني زبون مش فاهم فانت اطلب انتاج حديث او روح عند غيرهم لأن قبل كده كانوا عايزين يدوني كاوتش انتاج 2009-2010 و يقولك ده احدث حاجة عندنا دخلت المخزن عندهم طلعت انتاج شهر 6-2011 :)

و اتمني الموضوع ده يفيدك

http://www.nilemotors.net/Nile/232923-a.html

بالتوفيق ان شاء الله

[morg]

شكرا ليكو كلكو علي المشاركه..... انا أصلا مركب في العربيه بريدجستون بس انا بعيييد عنوكو من النوع البفروك كتير و ممكن أدرفت كمان فالكوتش عندي بيعمل عالي و واطي فقولت مالوش لازما الغالي طالما كده أو كده بيبوظو بسرعه فقررت أجيب كوتش حلو و نقشتو حلوا و سعرو معقول !!! انا رينجي 350-400 كده و لاقيت الماركات ديه فيل رانج ده :
1- فيتنامي kumho
2-تيلاندي maxis
3-تيواني sonar
4-تيواني nanking
5- ماركه أندونيسي
فا يارييت لو تقولولي أنه أحسن نوع و صناعه فيهم...و اسف علي الاطاله

[_hema]

بسم الله الرحمن الرحيم



احبائى

فى هذا الموضوع ستجدو كل مايجب ملاحظته عن الكاوتش فى هذا الرابط

http://www.nilemotors.net/Nile/272562-a.html

لكم كل الود

[Amr Axel]

شكرا ليكو كلكو علي المشاركه..... انا أصلا مركب في العربيه بريدجستون بس انا بعيييد عنوكو من النوع البفروك كتير و ممكن أدرفت كمان فالكوتش عندي بيعمل عالي و واطي فقولت مالوش لازما الغالي طالما كده أو كده بيبوظو بسرعه فقررت أجيب كوتش حلو و نقشتو حلوا و سعرو معقول !!! انا رينجي 350-400 كده و لاقيت الماركات ديه فيل رانج ده :
1- فيتنامي kumho
2-تيلاندي maxis
3-تيواني sonar
4-تيواني nanking
5- ماركه أندونيسي
فا يارييت لو تقولولي أنه أحسن نوع و صناعه فيهم...و اسف علي الاطاله

الـmaxxies فيه ناس اشتكت منها و انها مش بتستحمل
و اعتقد الماركة الاندونيسي اللي قصدك عليها هي امبريام بالنسبة الباقي معنديش فكرة عنه و لا جربته
فالمجرب و الكل شكر فيه الكومهو
و فيه نوع اسمه فولدا برده كويس للفصول الاربعة و انا جربته و بسم الله ما شاء الله بيعيش و بيستحمل و سعره في حدود سعر الجوود يير او اقل كمان
و المبلغ اللي معاك ممكن يجيب في الانواع اللي قولتلك عليها فوق و هي كلها انواع كويسة طبعا ماعدا البريدجستون و الميشلان عشان اسعارهم اعلي

و الموضوع ده ان شاء الله هتلاقيه فيه اغلب النقشات بتاعت معظم انواع الكاوتش المعروفة ( زي بريدجستون - ميشلان - كومهو - نيسكن - فولدا - تويو - هانكوك - جي تي ) و منها فولدا اللي بقولك عليها عشان لو حبيت تشوفها بنفسك و في نفس الوقت اهو تشوف النقشة اللي تعجبك :)

http://www.nilemotors.net/Nile/255913-a.html

بالتوفيق ان شاء الله

[Sehsss]

بريدجستون، بس غالي شوية لو مش هاتقدر عليه، الهانكوك ممتاز

[morg]

الـmaxxies فيه ناس اشتكت منها و انها مش بتستحمل
و اعتقد الماركة الاندونيسي اللي قصدك عليها هي امبريام بالنسبة الباقي معنديش فكرة عنه و لا جربته
فالمجرب و الكل شكر فيه الكومهو
و فيه نوع اسمه فولدا برده كويس للفصول الاربعة و انا جربته و بسم الله ما شاء الله بيعيش و بيستحمل و سعره في حدود سعر الجوود يير او اقل كمان
و المبلغ اللي معاك ممكن يجيب في الانواع اللي قولتلك عليها فوق و هي كلها انواع كويسة طبعا ماعدا البريدجستون و الميشلان عشان اسعارهم اعلي

و الموضوع ده ان شاء الله هتلاقيه فيه اغلب النقشات بتاعت معظم انواع الكاوتش المعروفة ( زي بريدجستون - ميشلان - كومهو - نيسكن - فولدا - تويو - هانكوك - جي تي ) و منها فولدا اللي بقولك عليها عشان لو حبيت تشوفها بنفسك و في نفس الوقت اهو تشوف النقشة اللي تعجبك :)

http://www.nilemotors.net/Nile/255913-a.html

بالتوفيق ان شاء الله

طيب الانواع ده فين مكانها أو فين المحلات ده عشان أروح أسأل !!!!!
و maxis فعلا وحشه !!مع ان كلو بيوشكر فيها !! ال kumho حلوه بس انا قلقان من حوار انها فيتنامي !!!
و شكراا لردوداك

[morg]

بريدجستون، بس غالي شوية لو مش هاتقدر عليه، الهانكوك ممتاز

الاثنين فوق ال 400 :) انا لسه سائل علي الهانكوك النهارده شكرا لردك :)

[MEKAWY2000]

متابع

[Amr Axel]

طيب الانواع ده فين مكانها أو فين المحلات ده عشان أروح أسأل !!!!!
و maxis فعلا وحشه !!مع ان كلو بيوشكر فيها !! ال kumho حلوه بس انا قلقان من حوار انها فيتنامي !!!
و شكراا لردوداك

بصراحة انا مجربتش ماكسس عشان احكم لكن ده اللي وصلي من اللي اعرفهم و الكومهو طبعا مجربة و فيه هانكوك كوري و فيه جوود يير هندي حتي لما تنزل و تسأل هتشوف بنفسك

و فيه اماكن كتيير عندهم زي شارع احمد سعيد او الحي السادس او السواح

بس لو هتروح عند اشرفكو خلي بالك لقيت سعره عالي و قبل كده طلعلي عجلة 2008 و مرضتش اشتري من عنده غير المعاملة السيئة خاصة الفرع اللي في المطرية
بالنسبة الحي السادس فيه محل بعد القسم عالطول واخد ناصية برده مش تمام في معاملة

و بالتوفيق ان شاء الله