حدث امام سيتي ستارز -مدينه نصر

[dramir1]

ربنا يعوض عليك
ولاتنسى ان تقول"انا لله وانا اليه راجعون .....الهم اجرني في مصيبتي واخلف لي خيرا منها"

[medo_sirion]

انت بتحكى بالتفصيل اللى حصلى بالظبط قدام ستى استار
بس الفرق انهم سابولى القطة والبيت بتعها واخدوا الباقى واللاب
كنت زمان بفكر اعملهم كمين

[Sehsss]

قدر الله وما شاء فعل، وبعد كده ما تسيبش أي حاجة ثمينة جوه العربية حتى لو نضارة شمس

[Kareem Fawzy]

ربنا يعوض عليك ان شاء الله
والواحد ما بيتعلمش بسهولة

[tiger76]

ده شىء متوقع جدا اليومين دول .. ده أنا حتى لما بسيب شنطتى فى شنطة العربية بقف فى حته تانية و انقلها و بعد كده أمشى فى العربية و أركن.

الكلام دة متوقع اليومين دول و كل الأيام اللى فاتت و اللى جاية

[tiger76]

يا جماعة الموضوع ده منتشر فوق ما تتخيلوا, حصل قدام سيتى سنتر مكرم عبيد, ديه اساسا موقف ميكروباص و زحمة جدا, الخلاصة:

1-النوع ده من السرقة بيعمله اى حد مبرشم او شحات مش لازم حرامى متخصص, بيعتمد ان الموضوع مياخدش ثوانى و لو اتزنق هيقوم جارى طيران.

2- متسيبش اى حاجة على الكنبة تغرى حتا لو شنطة فاضية لأن الموضوع بالنسبة ليهم مفهوش مخاطرة كبيرة هيكسر و يخطف و يجرى, فاى حاجة هتغريه انه يكسر (الحالة الوحيدة لما كنت حاطط ستائر قاتمة تماما يستحيل معاها النظر جوا العربية كان ممكن اسيب الأنا عاوزو فى بعض الظروف).

3- متحوطش حاجة فى الشنطة فى المكان الأنت بتركن فيه, عاوز تحط حاجة يبقى حطها قبل المكان الهتوصلو, يا كده يا تاخدها معاك و متكسلش.

4- متسيبش تليفونك قدامك على التابلوه هيتخطف منك فى ثانية و ممكن متلاحظ اساس, عشان ممكن تلاقى حد شغلك من اليمين ساعت الخطف.

5- متسيبش حاجة مهمة على الكرسى الجنبك و تسيب الشباك مفتوح او نص مفتوح.

6- متتكلمش فى التليفون على ودنك الشمال و انتا سايب الشباك مفتوح, هيتخطف منك فى ثانية, يا توديه على الأذن اليمين, يا تقفل الشباك بتاعك.

7- اساسا فى الأيام ديه متمشيش غير و لوك العربية مقفول, و لو فى حوار جنبك و اضريط تنزل, اتأكد انك قفلت الشبابيك و خدت المفتاح كمان من العربية.

8- اخر خبر وصلى فى سرقة السيارات ان حد يزنق عليك يخبط فيك او يجرحك, تنزل تتخانق هيثبتوك و يقلبوا العربية (حصلت فى عين شمس فى وقت ذروة و شارع حيوى).

معظم التحظيرات ديه بناء على مواقف شفتها بعينى او لأفراد اعرفهم, متستهرش خصوصا فى الأيام الأحنا فيها ديه.

و ربنا يستر

+11111

[agwaa]

أولا وبادئ ذي بدء ..
أحب أعزي حضرتك وفعلاً حاجة فدى حاجة .. دة أكيد

ياراجل فى حد يسيب حجات زى كده فى عربيه
دو لو فى 300 جنيه الواحد بيخاف عليهم
يلا الحمد لله انكم بخير احسن من اى فلوس

والله لو 30 جنيه ما أسيبهاش في العربية

ده شىء متوقع جدا اليومين دول .. ده أنا حتى لما بسيب شنطتى فى شنطة العربية بقف فى حته تانية و انقلها و بعد كده أمشى فى العربية و أركن.

سيادتك كدة صح بي 50 % بس
لأني بعمل نفس الإحتياط إللي سيادتك بتعمله ... وبالرغم من كدة شنطة العربية إتفتحت وإتاخد كل إللي فيها

[Hikayat]

كويس انها جت علي قد كده وربنا يعوض عليك

دي ميزه كمان من مميزات الفاميه ... انا لما ببقي مفيم بسيب حاجات كتير في العربيه مبشغلش بالي بيها ... انما لما بشيل الفاميه مبسبش اي حاجه في صالون العربيه مهما كانت قيمتها

[A_H_M_A_D]

ربنا يعوض عليك
وانا قبل كدا اتكسر الزجاج علشان ½ كج جبنة بيضاء ورغفين عيش وكانوا في كيس شفاف يعني الي كسر كان شايفهم
لو كان طلبهم مني كنت ادتهمله

تصدق أنا صعب عليا الحرامي اللي عمل كده , أكيد كان بايت من غير عشا , كنت سيبتهمله على كبوت العربية أحسن عشان توفر تمن الزجاج

[_hema]

السلام عليكم ورحمة الله وبركاته



المهم انك وصاحبك بخير


وربنا يعوض عليكو

[tarek_2005]

تصدق أنا صعب عليا الحرامي اللي عمل كده , أكيد كان بايت من غير عشا , كنت سيبتهمله على كبوت العربية أحسن عشان توفر تمن الزجاج

لوكان طلبهم لن اتردد لجزء من الثانية اني ادهمله بدل مدورت الساعة 11 بليل علي واحد بتاع زجاج يغيرلي الزجاج

[ahmedkhairy]

قدر الله وما شاء فعل
وربنا يعوض عليك
وربنا يسترها معانا كلنا

[K!ShO]

قدر الله وما شاء فعل
والحمد لله علي كل شيء
والف شكر للجميع