شراء تاكسي من معرض سيارات. شوية استفسارات من فضلكم؟

[abdelaziz-waleed]

السلام عليكم ورحمة الله وبركاته.
ان شاء الله ابن خالتي ناوي يشتري تاكسي من معرض سيارات
اولا احنا محتارين جدا جدا ما بين الفيرنا وال byd ولكن انا برشحله ال byd . انت رأيكم ايه؟
السعر byd ب 108 بالنمر والعداد بنزين والفيرنا ب 107 بنزين بالنمر والعداد.
كنت عاوز اسأل ايه اللي اخلي بالي منه. وايه هي الاجراءات المفروض اتبعها واكشف على ايه في العربية رغم انها زيرو (بس بيكون فيه عربيات زيرو ومخبوطة ومتسمكرة ومش باينة). واعرف منين الحاجات اللي بتيجي مع العربية (عدة مثلا). امتى ادفع الفلوس؟
بصراحة دي اول مرة نتعامل مع معرض وقريبي اول مرة يشتري تاكسي وعاوزين نصايحكم جدا بجد
جزاكم الله كل خير على المساعدة وجعلها في ميزان حسناتكم ان شاء الله
وهل السعر كدة مناسب

[abdelaziz-waleed]

من فضلكم يا جماعة اي نصايح هتفرق معانا جدا.
الموضوع بالنسبة لينا جديد تماما

[أبو صلاح]

انا شخصيا شايف الفيرنا افضل

موتور اقوى
قطع غيار متوافرة اكتر


عيبها في وجهة نظري هي انها واطية شوية على الارض

بالنسبة للاستلام ادخل قسم هيونداي واعرف ايه اللي بييجي مع العربية

وبص على الموضوع ده

http://www.nilemotors.net/Nile/212403-a.html

وبعد كده لازم يركب غاز لان البنزين في التاكسيات غير اقتصادي


اخيرا هو عمل دراسة جدوى للمشروع ده كويس ؟
لاني عايز اوضح ان كان في واحد معرفة لي جايب تاكسي شاهين 2005 وكان عليه قسط شهري 1500
باع التاكسي بعد سنتين وكان دائم الشكوى انه مش بيدخل ايرادا كافي
جايز العيب منه انا معرفش

[Sehsss]

b y d أفضل بالنسبة للتاكسي، واسعة وعالية عن الأرض، وموتور متسوبيشي وشاسيه تويوتا وقطع غيارها موجودة في التوكيل وبره يمكن تبديلها مع الوقت بقطع تويوتا خاصة العفشة

[abdelaziz-waleed]

انا شخصيا شايف الفيرنا افضل

موتور اقوى
قطع غيار متوافرة اكتر


عيبها في وجهة نظري هي انها واطية شوية على الارض

بالنسبة للاستلام ادخل قسم هيونداي واعرف ايه اللي بييجي مع العربية

وبص على الموضوع ده

http://www.nilemotors.net/nile/212403-a.html

وبعد كده لازم يركب غاز لان البنزين في التاكسيات غير اقتصادي


اخيرا هو عمل دراسة جدوى للمشروع ده كويس ؟
لاني عايز اوضح ان كان في واحد معرفة لي جايب تاكسي شاهين 2005 وكان عليه قسط شهري 1500
باع التاكسي بعد سنتين وكان دائم الشكوى انه مش بيدخل ايرادا كافي
جايز العيب منه انا معرفش

اخيرا حد رد عليا.
جزاك الله كل خير يابو صلاح
بالنسبة لدراسة الجدوى. هو كان شغال على تاكسي بس مش بتاعه وهو طول عمره سواق وكان شغال في شركات سياحة. وما شاء الله حافظ البلد متر متر وان شاء الله هو عارف كويس جدا الاماكن والمواعيد اللي ممكن يشتغل كويس فيها. غير انه ما شاء الله عنده ضمير جدا في شغله وانا متأكد ان شاء الله ان ربنا هيكرمه.
طب احنا هندفع الفلوس كاش. ايه الاجراءات اللي المفروض نعملها مع صاحب المعرض قبل ما ندفع اي فلوس. وندفع الفلوس امتى؟
انا بصيت في كذا موقع على مقارنات بين الفينا وال byd وبصراحة معظمها كانت في صالح ال byd ولما شفناهم امبارح على الطبيعة. بصراحة ال byd افخم كتير من الفيرنا واعلى واكبر واشيك.
وهل السعر كدة مناسب ولا غالي؟

الف شكر لمساعدة حضرتك

[abdelaziz-waleed]

b y d أفضل بالنسبة للتاكسي، واسعة وعالية عن الأرض، وموتور متسوبيشي وشاسيه تويوتا وقطع غيارها موجودة في التوكيل وبره يمكن تبديلها مع الوقت بقطع تويوتا خاصة العفشة

هو بالفعل انا برشحله ال byd بقوة بس هو خايف من موضوع انها لسة جديدة في السوق وخايف من قطع الغيال وقوة التحمل او الاعتمادية. بس ان شاء الله كدة يتوكل على الله ويجيبها
بس احنا عمرنا ما اتعاملنا مع معرض وعاوزين نعرف ايه الاجراءات بس

[Sehsss]

هو بالفعل انا برشحله ال byd بقوة بس هو خايف من موضوع انها لسة جديدة في السوق وخايف من قطع الغيال وقوة التحمل او الاعتمادية. بس ان شاء الله كدة يتوكل على الله ويجيبها
بس احنا عمرنا ما اتعاملنا مع معرض وعاوزين نعرف ايه الاجراءات بس

أنا سألت أكثر من سائق تاكسي على مدار سنة تقريبا ما اشتكاش منها غير 1 % من اللي سألتهم، والعربية محترمة وبدأت في الانتشار وغطت على اللانوس والفيرنا والاسبرانزا، وبالنسبة للإجراءات ما عنديش فكرة الصراحة، وربنا يوفقك للخير

[Kareem Fawzy]

انا برشحلك الbyd افضل من الفيرنا زى ما اخواتنا الاعضاء قالوا فوق فى الردود
بالنسبة للاجراءات كان نفسى اساعدك بس بجد معنديش اى خلفية عن الموضوع دة
تحياتى وربنا يوفقكم ان شاء الله!!!

[أبو صلاح]

هو بالفعل انا برشحله ال byd بقوة بس هو خايف من موضوع انها لسة جديدة في السوق وخايف من قطع الغيال وقوة التحمل او الاعتمادية. بس ان شاء الله كدة يتوكل على الله ويجيبها
بس احنا عمرنا ما اتعاملنا مع معرض وعاوزين نعرف ايه الاجراءات بس

هو ده اللي انا بكلمك فيه
الفيرنا مش محتاجة اثبات لانها اثبتت نفسها
ال بي واي دي فيها نسبة مخاطرة قد تكون افضل من الفيرنا
لكن عن تجربة في عربيتي الكيا الريو لو ربنا اراد وغيرتها لازم اغير لحاجة منتشرة علشان موضوع قطع الغيار ده بالذات

الاجراءات صراحة معرفش

[tananybasha]

Byd
من رأيي احسن
الأجراءات
هتشترى
و ترخص مؤقت
و تفتح ملف ضريبى
و تاخد جواب تجديد و ترخيص
و تفتح ملف تأمينات
و تاخد شهاده تأمينات
و طبعاً من المرور هتاخد جواب للضرايب و التأمينات

[caboo_1]

برده انا من رايى byd

[abdelaziz-waleed]

أنا سألت أكثر من سائق تاكسي على مدار سنة تقريبا ما اشتكاش منها غير 1 % من اللي سألتهم، والعربية محترمة وبدأت في الانتشار وغطت على اللانوس والفيرنا والاسبرانزا، وبالنسبة للإجراءات ما عنديش فكرة الصراحة، وربنا يوفقك للخير

انا برشحلك الbyd افضل من الفيرنا زى ما اخواتنا الاعضاء قالوا فوق فى الردود
بالنسبة للاجراءات كان نفسى اساعدك بس بجد معنديش اى خلفية عن الموضوع دة
تحياتى وربنا يوفقكم ان شاء الله!!!

هو ده اللي انا بكلمك فيه
الفيرنا مش محتاجة اثبات لانها اثبتت نفسها
ال بي واي دي فيها نسبة مخاطرة قد تكون افضل من الفيرنا
لكن عن تجربة في عربيتي الكيا الريو لو ربنا اراد وغيرتها لازم اغير لحاجة منتشرة علشان موضوع قطع الغيار ده بالذات

الاجراءات صراحة معرفش

byd
من رأيي احسن
الأجراءات
هتشترى
و ترخص مؤقت
و تفتح ملف ضريبى
و تاخد جواب تجديد و ترخيص
و تفتح ملف تأمينات
و تاخد شهاده تأمينات
و طبعاً من المرور هتاخد جواب للضرايب و التأمينات

برده انا من رايى byd

الف شكر ليكم يا جماعة. جزاكم الله كل خير
احنا رحنا انهاردة وخلصنا في ال byd وبسم الله ما شاء الله راجعين بيها وعربية جميلة جدا جدا ما شاء الله. انا ماكنتش متوقع عربية صيني تكون كدة
بس بصراحة التقفيل المصري محتاج وقفة كبيرة. لأن الفينيش بتاع العربية بردوباين عليه الشغل المصري اتمنى ان العمال في المصانع يراجعو ضميرهم شوية.
الف الف شكر مرة تانية على المساعدة الغالية وربنا يجعلها في ميزان حسناتكم