يسيئوا و يعتقدوا أنهم احسنوا

[lanos_power]

السبب الوحيد لكل ده هو ان مفيش تعليم لسلوكيات القياده و ادابها او حتى قوانينها
يعنى مثلا انا كل يوم ببقى على طريق السويس عشان الجامعه بتعتى فى الشروق و الاقى واحده ست ماسكه الشمال و حالفه ما تسيبه و تتلذذ بانها تمشى جنب مقطوره سواقها محترم السرعه القانونيه (حاله نادره جدا جدا جدا على فكره) و توقف الطريق وراها و خد بقا بعد كده تلاقى الطريق وقف لحد الرحاب رغم انها قرب مدينتى و تزمر و تقلب نور ولا هى هنا او راجل كبير تلاقيه ماشى فىنص الطريق تزمرله تلاقيه بيشوحلك و هو لسان حاله يقولك هى الدنيا طارت ولا ايه و دا غريب بحس ان اللى عنده ذوق و ادب بعيدا عن السواقه قليل جدا
كان اللى اللى بيجرى دا لازم يكون شاب طائش مش واحد مراته حامل او بنى ادم معاه حاله او ليه واحد فى مصيبه و عاوز يلحقه او حتى عربيه اسعاف تلاقى الناس بتناحه مصره متفتحلوش السكه و دى شفتها فعلا مع سواق تاكسى

[Medo.Malek]

ماهو ده يا جماعة ال butterfly effect برده ...

بمعنى .. انت في عباس العقاد مثلا هديت 10 ثواني تشوف اليافطة بتاعة تامر حسني حبيب قلبك !
ال 10 ثواني دي وقفت 5 وراك مثلا .. ال 5 الي وراك دول كان وراهم 10 ال 10 وراهم 100

في بقى واحد وقف 5 دقائق كامل في طريق النصر ... علشان حضرتك وقفت 10 ثواني !

حضرتك بتنزلي ولادك ادام النادي ... لازم طبعا قدام البااااااااب بالظبط علشان الولاد ميتعبوش ( وهما داخلين يلعبوا رياضة اصلا) .. طبعا حضرتك لو تكرمتي و ضرتبي الانتظار ده في حد ذاته معجزة ! تقفي بقى تزعقي لاحمد و محمد و هبة ! و خد السانداوتش ... و خد المضرب ! دقيقيتين موقفة الشارع الي مركون فيه يمين و شمال و بقى حارة واحدة .. حضرتك طبعا بتقولي ... دول دقيقتين يعني ! هي الدنيا طارت !

النتيجة ان في واحد في اخر الشارع بقاله 15 دقيقة متحركش بسبب الدقيقيتين بتوع حضرتك !

ربنا يهدينا !

الله على المشاركة دى
نفس اللى فى دماغى من قديم الازل بس مش عارف اقوله

[MIGOS]

ثقافة الحارات والإلتزام بسرعاتها موجود في القانون بس مين ينفذ ومين يراقب ومين يعاقب؟؟؟؟؟

[mohdamin18]

الحارة الشمال للتجاوز و اللي يمشي فيها بدلع من غير ما يوسغ لغيره يستاهل ضرب الــــــــــــــ

[Sehsss]

عندك حق الناس بقت غريبة بتهدي في الشمال وتجري في اليمين، ولما تزعق لحد يقولك وانت مالك أو يديك إشارة شمال يعني مش هايعديك فتروح انت معدي منه من اليمين ودا بيتسبب في أغلب الحوادث

[Donzi]

لا حول ولا قوة الا بالله

طيب الواحد يحتفظ بسارينة اسعاف معاه في العربية عشان لما يبقى عندو طوارىء يحطها و الناس تفهم ولا ايه بالظبط ؟

[Kareem Fawzy]

خير الامور الوسط يا استاذنا
جزاك الله خيراً على النصيحة

[moh19227]

فعلا تحذير مهم وانا الحمدلله علي الرغم من اني بمشي بسرعه لكن لما بكون ماشي علي مهلي واشوف حد جاي بسرعه في المرايه من قبل الكلاكس او النور بوسعله علشان يعدي مع اشارة يمين صغيره حتي لو الطريق اتجاه واحد وحاره واحده بس

[SYD]

جزاك الله خيرا
الصور السلبية كثيرة...و لكن ما اردت أن اطرحه هنا في هذه الصورة هي رضا صاحبها عما يفعله
هو يعتقد أن عدم افساح الطريق لمن نبهه بصورة متكرره سواء بآلة التنبيه او بالنور هو جزاء له لرعونته... و أن عدم افساح الطريق له هو تصرف جدير بأن يحكيه لاصدقائه على الفيس بوك!!!! فهو لا يعلم ما هي الحالة التي يمكن أن يكون عليها هذا الانسان و التي دفعته للعجله...و هذه ليست دعوة للتسرع في القيادة...و لكنها دعوة لمراعاة ظروف الآخرين و الا تأخذ الانسان العزة بالاثم ...و انا اعزو الصور السلبية المتعددة في جميع مناحي حياتنا الى قصور دور الاعلام و الذي لا يضطلع بتنمية المجتمع و تسليط الضوء على الصور السلبية في الحياة الاجتماعية بغية اصلاحها...و انما اكتفى بالحديث السياسي الانفعالي الذي لا يبغي منه الا الاثارة و جمع الاعلانات

والله هي المشكلة كمان في حاجتين مرتبطين ببعض
1- الطرق عندنا مش حلوة
2- ثقافة السائقين

يعني لو افترضنا انهم المفروض يوسعوا الطرق ويعملوها حارات بسرعات مختلفة
فلازما عليهم يثقفوا الناس بالألتزام بالحارة المرورية بناء علي سرعتك

وهي فعلا بردو ليها جانب للدور الأعلامي

بس عموما احنا تعودنا علي كدة ان لو واحد بيجري وراك بتشك انه بيلعب وعايز يتهور والسلام ومش بيحط فاعتباره انه مستعجل

طب انا هحكيلك موقف انا رزلت فيه علي واحد بس والله عشان مصلحته ومصلحة الأخرين
عارف حضرتك طريق الخيالة ؟؟؟؟
طريق الخيالة للقادم من صلاح سالم متجه للمعادي عبر طريق مساكن الفسطاط

اخر الطريق دة كوبري بينزلك علي كورنيش المعادي

وانا علي الكوبري وفي الملف بالظبط

لمحت في المراية واحد جي جري بعربية 132 وواخد يمينه وطاير

وانا شايف قدامي عربية كارو طبعا بطيئة وفي اليمين

هو طبعا مش شايفها عشان الملف وهو لسة في اول الكوبري

ماكان مني الا اني روحت مسنتر نفسي ومغلس عليه

طبعا عشان يهدي ومايخدش يمينه لأنه لو كان خد يمينه كان هيخبط الكارو ويودي نفسه ويودي الكارو في داهية

معرفش فهم الحركة بتاعتي ولا لاء وشتمني

بس انا عملت الي يرضي ضميري ساعتها

والله المستعان
،
،

[SYD]

بعد اذن صاحب الموضوع اذا سمحلي

بمناسبة الموضوع دة اهديكم هذه الوصية او ما يسمي سلوك من سلوكيات القيادة

http://www.nilemotors.net/Nile/236188-a.html#post3873695189

وعلي فكرة هي سلسلة من 12 موضوع كل موضوع يتحدث عن سلوك من سلوكيات القيادة

والله المستعان
،
،

[samyyousef]

بعد اذن صاحب الموضوع اذا سمحلي

بمناسبة الموضوع دة اهديكم هذه الوصية او ما يسمي سلوك من سلوكيات القيادة

http://www.nilemotors.net/Nile/236188-a.html#post3873695189

وعلي فكرة هي سلسلة من 12 موضوع كل موضوع يتحدث عن سلوك من سلوكيات القيادة

والله المستعان
،
،

شكرا

[tarek_2005]

يا جماعة الموضوع كله يتلخص في الجهل بقانون المرور وعدم تطبيقه من القائمين عليه ومن قائدي السيارات

[el_nahal2004]

مووضع غاية فى الاهمية
ولازم الناس تكون عندها وعى بيه فعلا

[smsm_cato]

اولا انا حصل معايا موقف شبيه بس فى البلد مش على طريق سريع كان ابنى وقع على حديدة ودماغة اتفتحت جامد تحس انه اتضرب ببلطة على دماغة وكان بينزف كتير خدتة بالعربية وطلعت جرى علشان اروح للدكتور ومراتى وحمايا بيحاولوا يكتموا الدم وصادفت زفة قعدت اديهم فى كلاكسات ونور ولا هما هنا بل وقفوا ونزلوا يرقصوا ووقفوا العربيات فى نص الشارع مش على جنب نزلت بستفت كرامة اللى جابوهم وقولتلهم عايزين تزفوا وترقصوا ده حقكوا لكن على جانب الطريق مش فى النص وتعطل الناس وفتحوا الطريق واتحركت ثانيا اللى انا متبعة فى حياتى ودى مش حاجة شخصية دى قاعدة فى المرور وانا ملتزم بيها لما بحب امشى براحتى يعنى90-100 او اقل بلتزم باليمين دايما حتى لو حبيت اعدى حد ابطأ منى بدى اشارة شمال واعدية وارجع ادى اشارة يمين تانى والزم اليمين واللى جاى بسرعة حارتة الشمال والله بيجرى علشان يروش براحتة بيجرى علشان ظرف انسانى يبقى انا موقفتش فى سكتة او عطلتة

[Formulator]

الصراحة أنا لى رأى فـ الموضوع ده,
قد يتفق مع كتييييييييير من اللى اتقال.. وقد يختلف بعض الأخوة معايا فيه:

فيه حاجة اسمها "حق الطريق",
- طبعا ماينفعش واحد يمشى بطىء فـ الشمال على طريق Highway, ياعم انت جاى تموت هنا..؟؟!!!
- ماينفعش برضه عربيتين أو 3 يمشوا جنب بعد, ويقفلوا الطريق.. لااااااااااازم يبقى فيه حارة (على الأقل) مفتوحة للى جاى من ورا..!!
نفس الكلام, لو أنت بتعدى عربية (أو 2).. Overtake بسرعة عشان ماتقفلش الطريق لو حد جاى سريع.
- ماينفعش تمشى على حارتين مع بعض, أمشى فـ حارة واحدة.. وسيب التانية (والثالثة والرابعة كمان) للى يعدى, حتى لو الطريق 4 حارات..

الجزئية بقى اللى ممكن الناس تختلف معايا فيها:
- حتى لو اللى جاى وراك بيقلبلك نور أو كلاكسات ده.. واحد (أو أكثر) بيجرى شد وحرق وكده, برضه لااااااااااااااازم توسعله..؟؟!!!
أيوه, مفيش حاجة بتقول انك تقفل عليه الطريق.. ليـــــــــــــه أصلا؟؟؟!!
يعنى: حتى لو أنت ماشى 200, ماينفعش تاخد الطريق كله لوحدك.. لأن ممكن واحد يبقى جاى من وراك أسرع منك, لاااااااااازم تفتحله يعدى..؟؟!!!

شكرا للموضوع المفيد
وربنا يستر طريقنا جميعا isA,