سؤال مش عارف له اجابه

[elnakshabandy]

هو ليه الكهرباءاللى فى البيوت 220 فولت 50 هرتز
يعنى هى ليه 220 مش250او210 مثلا
الهرتز ليه 50 مش60 هو40
انا عارف انه معظم دول اوربا وامريكا كهرباءالبيوت 110 فولت 60هرتز
وبرضه ليه

[grand hand]

سؤال حلو
متابع مع حضرتك

[rotanamasoud]

هو ليه الكهرباءاللى فى البيوت 220 فولت 50 هرتز
يعنى هى ليه 220 مش250او210 مثلا(طيب ليه بطاريه العربيه 12 مش 10 فولت اكيد فرق الجهد مدروس بعنايه )
الهرتز ليه 50 مش60 هو40(لازم لان سرعه دوران الدينمو هى اللى بتولد الهيرتز60-50 وهى غير ثابته 100%)
انا عارف انه معظم دول اوربا وامريكا كهرباءالبيوت 110 فولت 60هرتز
وبرضه ليه لان المهندسين استقرو على 3 فولتيات 110-200 و380للمصانع واحنا دماغنا استقرت على220

بصفه عامه كل لما زاد الفولت يكون نقل التيار لمسافات بعيده اوفر وبدون هدر يعنى تطلع الكهربا من السد العالى 2000 فولت ضغط عالى وتوصل اسكندريه 2000 بدون فقد ثم تخفض الى220
يعنى الفولتات كلها مدروسه لافضل النتائج

[MaZaGAngeE]

فيه نظامين للمقاييس النظام الامريكي و النظام الانجليزي
الامريكي 60 هيرتز و 110 و 220 فولت
الانجليزي 50 هيرتز و 220 فولت

و نتيجة الاحتلال الانجليزي لمصر بقينا زيهم في المقاييس و المواصفات

[titos_81]

الفولتات متفق عليها عالميا عشان اى جهاز بتشتريه يكون بيتشغل على حاجه منهم مش كل شركه تعمل حاجه على مزاجها و بعدين فييه حجات بتشتغل على 12 و 24 و 48 فولت و دى فى لوحات التحكم و حتى دى برضه الشركات اللى بتصنعها بتنتج بالفولتات دى و بعدين الكهرباء اللى بتنتج من محطات التوليد بتكون كبيره جدا 66000 فولت و بعدين تدخل محطات التوزيع المركزيه تطلع 33000 و بعدين محطات التوزيع الفرعيه 11000 و بعدين المحولات اللى فى الشوارع تطلع من 380 ل 400 فولت 3 فيز للمصانع و بيتاخد منهم فيز واحد + ارضى يطلع 220 المستخدم فى البيوت و المحلات

[ahmdmagdy]

فيه نظامين للمقاييس النظام الامريكي و النظام الانجليزي
الامريكي 60 هيرتز و 110 و 220 فولت
الانجليزي 50 هيرتز و 220 فولت

و نتيجة الاحتلال الانجليزي لمصر بقينا زيهم في المقاييس و المواصفات

الحمد لله ان احنا خدنا منهم نظام الكهربا بس مخدناش كمان نظام العربيات عندهم الدركسبون ف اليمين كانت بقت مشكله انا مش متخيل ان الواحد يسوق عربيه دركسيونها يمين

[sheko_2000eg]

فكرتوني بايام الكلية و الله

[caboo_1]

يا جدعان احتلال مين بس
ده استاندر عالمى .IEC standard 34.1 .
النظم كلها 220 فولت -50هرتز
بس انتو عارفين ان امريكا بتطلع بحاجات كالعادة عشان تقول انها متميزة فعملت 110فولت-60هرتز

[AirForces]

220 دا AC
لكن فى مصر لو قيستها فعليا هتلاقيها ساعات 210 وساعات 230 على حسب ظروف الضغط وكدا
110 دا النظام الأمريكى وهو الأكثر امان لأن لو حصل وحد اتكهرب منه هياخدله صدمة بس مش هتؤدى للموت
220 دا نظام اوروبى لكن هناك عندهم خط إيرث ودا بيتعمل عن طريق عمود حديد بيتزرع فى الأرض على عمق معين لكل عمارة وهتلاقى كل الفيش المستخدمة هناك ليها 3 سنون السن التالت دا الإيرث ودا للأمان اى شحنات هتتفرغ فى الأرضى علطول
هنا فى مصر 220 بس من غير إيرث وهنا الكارثة اللى هيتكهرب هيروح :D
واسمع انه فى دول بتستخدم 330 كمان بس دا بقا قبل ما يعرف انه اتكهرب هيكون اتبخر :D
كل الفولتات دى حاجة اسمها one phase
فى مصر فعلا للمصانع وكدا ممكن يستخدموا Three phase اللى هو 380 وبيتقسم ل one phase يبقا 220
الفرق فى الفولت دا كل ما تكبره كل ما يقدر يمشى مسافات اطول

[wael_power]

الجهد المنخفض في العالم نوعين اوروبي 220فولت او امريكي 110 فولت .
كل واحد له مميزات وعيوب لكن في الاخر الباور اللي الجهاز عايزه هايتاخد بالكامل يعنى لو الجهاز 500 وات والجهد 220 فولت هيكون التيار قليل في حدود 1.7 امبير
ولو الجهد 110 فولت لجهاز اخر 500 وات هيكون التيار الضعف اي 3.4 امبير
ولذلك فان الموضوع اقتصادي لان التيار الكبير هايحتاج كبل مقطعه كبير وده في حاله الجهد 110 مع زيادة الامان لانه مش هايضر الاشخاص نظرا لانخفاضه
لكن في حالة ال220 فولت هايكون التيار منخفض فالكبل هايكون مقطعه صغير لكن مشكلته انه بيؤدي الي صعق الاشخاص بشكل اسرع
وبالنسبة لمحطات التوليد هي بتولد 13.8 كيلو فولت من المولد مباشرة ثم يقوم محول قدرة برفعه الي 66 كيلو فولت لنقله الي الاحياء والقري الكبيرة وداخل الاحياء يتم خفضه مرة اخري الي 11 او 22 كيلو فولت(11ك فولت سابقا و22 ك فولت في المدن الجديدة ) ويتم توزيعه علي العمارات والشوارع كل مجموعة عمارات او شارع تاخد ال11 او 22ك فولت وتخفضهم عن طريق محول قدرة الي 380 فولت ثلاثة فاز و ارضي ،اي فاز مع الارضي بيكون الفرق بينهم 220فولت،واي فاز مع فاز اخر بيكون الفرق بينهم 380 فولت
وفي النقل الخارجي يحول الجهد الي110كيلو فولت او 220 كيلو فولت لنقله بين المحافظات القريبة و500كيلو فولت بين المحافظات البعيدة مثل اسوان القاهرة وخلافه واخيرا 750كيلو فولت للنقل بين الدول واحيانا يحول الي جهد مستمر للربط بين الدول .
وكلما زادت المسافة المقطوعة لنقل القدرة يتم زيادة جهد النقل حتي يقل التيار ويقل مساحة مقطع الكبل الناقل للتيار ويقل فقد الجهد.
بالنسبة للهرتز او التردد انسب ترددين 50 و60 هرتز لكن لو قل عن هذه الحدود هيكون التاثير للفيض المغناطيسي الناتج منهم غير كاف لتشغيل المحركات والمحولات بكفائة عاليه,ولو التردد زاد هيتطلب مولدات زات سرعات عالية علما بان المولدات ال50 هرتز تكون 1500 لفة في الدقيقة و 60 هرتز تكون 1800 لفة في الدقيقة وتكون المحركات ايضا سرعاتها اعلي وهذا له عيوب ميكانيكية وغير مرغوب

[ahma8]

الف شكر لصاحب الموضوع على الطرح
و الف شكر على كل من ساهم اجابة و لو بسيطة
جزاكم الله كل خير

[moh19227]

ايه شغل الهندسه الجامد ده انا توهت في السكه :)
بس اللي طلعت بيه من الموضوع ان احنا كمان بنقلد غلط :)
يا نمشي 110 يا 220 زي ماحنا بس يعملوا موضوع الارضي ده علشان الناس متتبخرش :)
وشكرااااا

[elnakshabandy]

الجهد المنخفض في العالم نوعين اوروبي 220فولت او امريكي 110 فولت . ليه220-ليه110-اصلهم ايه اشمعنا الرقمين دول
كل واحد له مميزات وعيوب لكن في الاخر الباور اللي الجهاز عايزه هايتاخد بالكامل يعنى لو الجهاز 500 وات والجهد 220 فولت هيكون التيار قليل في حدود 1.7 امبير
ولو الجهد 110 فولت لجهاز اخر 500 وات هيكون التيار الضعف اي 3.4 امبير
ولذلك فان الموضوع اقتصادي لان التيار الكبير هايحتاج كبل مقطعه كبير وده في حاله الجهد 110 مع زيادة الامان لانه مش هايضر الاشخاص نظرا لانخفاضه
لكن في حالة ال220 فولت هايكون التيار منخفض فالكبل هايكون مقطعه صغير لكن مشكلته انه بيؤدي الي صعق الاشخاص بشكل اسرع
وبالنسبة لمحطات التوليد هي بتولد 13.8 كيلو فولت من المولد مباشرة ثم يقوم محول قدرة برفعه الي 66 كيلو فولت لنقله الي الاحياء والقري الكبيرة وداخل الاحياء يتم خفضه مرة اخري الي 11 او 22 كيلو فولت(11ك فولت سابقا و22 ك فولت في المدن الجديدة ) ويتم توزيعه علي العمارات والشوارع كل مجموعة عمارات او شارع تاخد ال11 او 22ك فولت وتخفضهم عن طريق محول قدرة الي 380 فولت ثلاثة فاز و ارضي ،اي فاز مع الارضي بيكون الفرق بينهم 220فولت،واي فاز مع فاز اخر بيكون الفرق بينهم 380 فولت
وفي النقل الخارجي يحول الجهد الي110كيلو فولت او 220 كيلو فولت لنقله بين المحافظات القريبة و500كيلو فولت بين المحافظات البعيدة مثل اسوان القاهرة وخلافه واخيرا 750كيلو فولت للنقل بين الدول واحيانا يحول الي جهد مستمر للربط بين الدول .
وكلما زادت المسافة المقطوعة لنقل القدرة يتم زيادة جهد النقل حتي يقل التيار ويقل مساحة مقطع الكبل الناقل للتيار ويقل فقد الجهد.
بالنسبة للهرتز او التردد انسب ترددين 50 و60 هرتز لكن لو قل عن هذه الحدود هيكون التاثير للفيض المغناطيسي الناتج منهم غير كاف لتشغيل المحركات والمحولات بكفائة عاليه,ولو التردد زاد هيتطلب مولدات زات سرعات عالية علما بان المولدات ال50 هرتز تكون 1500 لفة في الدقيقة و 60 هرتز تكون 1800 لفة في الدقيقة وتكون المحركات ايضا سرعاتها اعلي وهذا له عيوب ميكانيكية وغير مرغوب

متشكر لرد حضرتك
بس برضه ليه
يعنى 380 -3فاز 4طرف بين كل فاز ووالثانى 380
وبين اى فاز والارضى 220 ليه
هو مش380/3=126.6

[elnakshabandy]

الف شكر لصاحب الموضوع على الطرح
و الف شكر على كل من ساهم اجابة و لو بسيطة
جزاكم الله كل خير

الشكر ليك ياباشا وهذا هو الهدف من المنتدى المحترم كل واحد يملك معلومة مشكورا لايبخل بها

[wael_power]

متشكر لرد حضرتك
بس برضه ليه
يعنى 380 -3فاز 4طرف بين كل فاز ووالثانى 380
وبين اى فاز والارضى 220 ليه
هو مش380/3=126.6

القسمة هنا مش لارقام حقيقية لان القيمة هنا اتجاهيا (مقدار وزاوية )وفي فرق في زاوية الوجه بين كل فاز 120 درجة مع ثبات القيمة وهو ده اللي بيؤدي لفرق الجهد بين كل فاز واخر والارضي والقيمة بين اي فاز والارضي بتكون بالقسمة علي جزر 3
380/3√ = 220 فولت