محتاج نصيحه

[ah_shawki_74]

السلام عليكم ورحمة الله و بركاته ..
انا بعمل بالسعودية و انشاء الله عزمت على شراء عربية انزلها مصر و محتار بين عربيتين ثمنهم مناسب ليا هنا أوى و هما الفلوينس(2012 half full) ) أتوماتيك -زجاج كهرباء -جنوط- سي دى -بلوتوث -2اير باج ولكن مفتاح عادى مش (كارت)و اللأنترا 2012 (half full) نفس الكماليات على ما اظن (بدون جنوط). مع العلم ان الرينو هنا فى السعودية غير مرغوبه والكل نصحنى هنا بالهيونداى مع انى من محبى الرينو نظرا لتجربتى بأقتناء الميجان 2008 بمصر قبل سفرى وجميع اصدقائى قالوا لى ان هناك فرق كبير لصالح الميجان عن الفلوينس الرجاء الأفاده والنصح واسف على التطويل ...

[walidzakzok]

بص ياباشا اولا فكرة انك تنزل عربية من الخليج فكرة من وجهة نظري فاشلة جدا ولما تيجي تنزلها هتدفع فلوس كتير فى عربية موديلها قديم دة يعني لو نزلتها بعد مدة حوالى 5 سنين اما لونزلتها بعد سنتين هتلاقيها اغلى من الزيرو.

انت راجل فى الخليج ليه تحرم نفسك من انك تركب عربية 2000 سيسي او اكتر او حتى فور باي فور ولما تحب تنزل ابقى بيعها مش هتخسر كتير خصوصا لو اشتريتها هوندا او تويوتا او نيسان خصوصا ان اسعار العربيات فى الخليج مش عالية يعني ممكن ب 40 الف ريال تجيب حاجة استعمال نضيفة جدا واكشف عليها قبل ما تشتريها.

لكن تدبس نفسك فى عربية 1600 سيسي لو اضطريت تبيعها فى الخليج قبل ما تنزل مش هتجيب تعريفة وانت شايف الظروف فى مصر يعني ممكن متعرفش تنزل بيها لاي سبب وتضطر تبيعا قبل ماتنزل.

ولو عندك اصرار على انك تشتري فبلاش الرينو الفلونس الموتور والجير مختلف عن اللي فى مصر لان اللي فى الخليج تبع شركة سامسونج التابعة لتحالف رينو نيسان اما اللي فى مصر تركي فممكن لو عايز تنزل عربية عندك الالنترا كويسة وهتمشي فى مصر لان مصر فيها منها خليجي كتير.

ونصيحة مني كواحد شغال فى الخليج متغلطش غلطة تنزيل عربية لانك هتندم واسال اي حد نزل عربية قبل كدة وهو يقولك.

[tamerosman]

انا كان معايا النتر 2005 فى السعودية ، ركبتها هناك 5 سنين و يوم ما حبيت اقول يا بيع ، عملت اعلان على النت و اتباعت فى 3 ساعات !!!! كنت شاريها ب 32 الف ريال و بعتها بعد 5 سنين ب 19 الف ريال .... لو صبرت كان ممكن تجيب اكتر .... نصيحة هات عربية 1600 تكون لها سوق فى البلد الى انت عايش فيها بحيث لما يكون قدامك الاختيارين يتبعها بسعر معقول و فى و قت قصير لو اتزنقت و حبيت تنزل مصر بسرعة او تنزلها مصر

اوعى تجيب رينو فى الخليج .... ملهاش سوق خالص و محدش هناك يعرف اصلا ان فى عربيات فرنساوى

لو انت فى الامارات : 1- نيسان 2- تويوتا 3- هوندا - 4-مازدا ( الهيونداى سوقها واقع فى الامارات)

لو فى السعودية : 1- هيونداى 2- تويوتا ( النيسان سوقها واقع فى السعودية مع اتها سوقها اعلى من التويوتا فى الامارات)

[walidzakzok]

انا كان معايا النتر 2005 فى السعودية ، ركبتها هناك 5 سنين و يوم ما حبيت اقول يا بيع ، عملت اعلان على النت و اتباعت فى 3 ساعات !!!! كنت شاريها ب 32 الف ريال و بعتها بعد 5 سنين ب 19 الف ريال .... لو صبرت كان ممكن تجيب اكتر .... نصيحة هات عربية 1600 تكون لها سوق فى البلد الى انت عايش فيها بحيث لما يكون قدامك الاختيارين يتبعها بسعر معقول و فى و قت قصير لو اتزنقت و حبيت تنزل مصر بسرعة او تنزلها مصر

اوعى تجيب رينو فى الخليج .... ملهاش سوق خالص و محدش هناك يعرف اصلا ان فى عربيات فرنساوى

لو انت فى الامارات : 1- نيسان 2- تويوتا 3- هوندا - 4-مازدا ( الهيونداى سوقها واقع فى الامارات)

لو فى السعودية : 1- هيونداى 2- تويوتا ( النيسان سوقها واقع فى السعودية مع اتها سوقها اعلى من التويوتا فى الامارات)

التويوتا اعلى حاجة فى الامارات

[tamerosman]

التويوتا اعلى حاجة فى الامارات

انا ايام ما كنت فى الامارات فى 2004 كان كل زمايلى فى الشغل الاماراتيين راكبين نيسان باترول ( ما فيش بيت مواطن اماراتى يخلو من حتة: Patrol ) و كان زمايلى فى الشغل الهنود كلهم راكبين نيسان صنى ( لو سئلت اى واحد هندى فى الامارت : ايه احسن عربية فى العالم : تلاقيه بيهز راسه و يقولك نيسان صنى - الهنود يمثلو 90% من سكان الامارات )

النيسان متفوقة فى الامارات لانها ارخص من تويوتا فى سعر العربية و فى قطع الغيار ( سعر الكورولا دلوقتى بقى اغلى من الصنى بكتير ( مش بتكلم عن مقارنة الكورولا المستوردة بالنيسان المصرى طبعا قصدى سعر الاتنين فى الخليج )

انا مش من هواة النيسان ، بس مجرد توضيح .

[moh19227]

بص ياباشا اولا فكرة انك تنزل عربية من الخليج فكرة من وجهة نظري فاشلة جدا ولما تيجي تنزلها هتدفع فلوس كتير فى عربية موديلها قديم دة يعني لو نزلتها بعد مدة حوالى 5 سنين اما لونزلتها بعد سنتين هتلاقيها اغلى من الزيرو.

علي فكره انا معنديش خلفيه اوي عن الموضوع ده بس اعتقد ان العربيه لو بعد سنة واحدة بس نزلتها هتبقي اقل من تمنها هنا والله اعلم
لان اول سنة بتنزل 10% من الجمرك وبعد كده 5% عن كل سنة استعمال وسعرها بره بيبقي اقل من هنا بكتير -- يخرب بيت الجمارك -- ولازم تكون المالك الاول ليها
فاعقتد انك لونزلتها في نفس السنه او السنه اللي بعديها بالكتير هتلاقيها ارخص من تمنها هنا
والهيونداي في مصر ماشي زي الحلاوة :) ومن كلام باقي الاعضاء انه ماشي كمان في السعوديه
يبقي توكل علي الله وهات الافانتي

[ah_shawki_74]

بص ياباشا اولا فكرة انك تنزل عربية من الخليج فكرة من وجهة نظري فاشلة جدا ولما تيجي تنزلها هتدفع فلوس كتير فى عربية موديلها قديم دة يعني لو نزلتها بعد مدة حوالى 5 سنين اما لونزلتها بعد سنتين هتلاقيها اغلى من الزيرو.

انت راجل فى الخليج ليه تحرم نفسك من انك تركب عربية 2000 سيسي او اكتر او حتى فور باي فور ولما تحب تنزل ابقى بيعها مش هتخسر كتير خصوصا لو اشتريتها هوندا او تويوتا او نيسان خصوصا ان اسعار العربيات فى الخليج مش عالية يعني ممكن ب 40 الف ريال تجيب حاجة استعمال نضيفة جدا واكشف عليها قبل ما تشتريها.

لكن تدبس نفسك فى عربية 1600 سيسي لو اضطريت تبيعها فى الخليج قبل ما تنزل مش هتجيب تعريفة وانت شايف الظروف فى مصر يعني ممكن متعرفش تنزل بيها لاي سبب وتضطر تبيعا قبل ماتنزل.

ولو عندك اصرار على انك تشتري فبلاش الرينو الفلونس الموتور والجير مختلف عن اللي فى مصر لان اللي فى الخليج تبع شركة سامسونج التابعة لتحالف رينو نيسان اما اللي فى مصر تركي فممكن لو عايز تنزل عربية عندك الالنترا كويسة وهتمشي فى مصر لان مصر فيها منها خليجي كتير.

ونصيحة مني كواحد شغال فى الخليج متغلطش غلطة تنزيل عربية لانك هتندم واسال اي حد نزل عربية قبل كدة وهو يقولك.

شكرا على النصح و الأفاده وانا فعلا راكب هنا لومينا 2004 وهى طبعا عربية فوق الجبارة ولو ينفع طبعا اخدها معايا كنت خلصت بس انت اكيد عارف هى كام سى سى بس الفكرة انى بعت سيارتى بمصر اخر اجازة وطبعا الواحد عشان يحوش ثمن العربية بتبقى تقيله غير لما الزم نفسى بقسط شهرى والفكرة جت من هنا هقسط على 3 -4 سنوات وطبعا الفايده هنا ولا حاجه بالمقارنه بمصر فسعر العربية هيكون بعد الأقساط و الجمارك مقارب ويمكن اقل من سعر العربية نفسها كاش بمصر ودى ميزه ، وفكرة الرينو طبعا هنا صعبه بس سعرها منافس جدا خصوصا لو قارنته بمصر ، غير الهيونداى لأنها فعلا محبوبه جدا و لا يملكون مالك أول( طبعا للمصرين فقط - حسبى الله ونعم الوكيل ) غير لما تدفعلك رسوم اعلى وتروح لشركه غير الوكيل تضمنك وده بفلوس طبعا ...ومن هنا تخسر معاك وتبقى زيها زى مصر ... أنا بنسبه 70% مع الألنترا لكن الرينو اللى اعرفه وسمعته انها عامله شغل حلو أوى فى مصر . واظن العربية بعد 4 سنوات هتكون لسه موديل جديد وخصوصا انى مش هاستخدمها كتير .
واشكرك و تقبل احترامى ..

[ah_shawki_74]

علي فكره انا معنديش خلفيه اوي عن الموضوع ده بس اعتقد ان العربيه لو بعد سنة واحدة بس نزلتها هتبقي اقل من تمنها هنا والله اعلم
لان اول سنة بتنزل 10% من الجمرك وبعد كده 5% عن كل سنة استعمال وسعرها بره بيبقي اقل من هنا بكتير -- يخرب بيت الجمارك -- ولازم تكون المالك الاول ليها
فاعقتد انك لونزلتها في نفس السنه او السنه اللي بعديها بالكتير هتلاقيها ارخص من تمنها هنا
والهيونداي في مصر ماشي زي الحلاوة :) ومن كلام باقي الاعضاء انه ماشي كمان في السعوديه
يبقي توكل علي الله وهات الافانتي

كلامك صحيح والثمن بيبقى مقارب ويمكن أقل من ثمن العربية بمصر كاش والمكسب بيكون انك قسط براحتك بس .
والمشكله هنا ان مش كل الوكالات بتملك مالك اول (اختراع لينا احنا بس )
اشكرك

[HISHAM80]

حضرتك أنا مقيم في السعوديه ومن رأيي تخليك في هيونداي منتشره هنا وفي مصر ممكن تتصلح بسهوله وبعدين الصراحه مش عارف الرينو أخبار المكيف بتعها ايه هنا وطبعا حضرتك عارف ان الحر هنا عمل ازاي بس ليه حضرتك مشفتش سبورتاج شكلها بدأت تنتشر في السعوديه ممكن تكون نزلت 1600 وطبعا هتلاقي كل ملاكها هنا مصريين:)

[ah_shawki_74]

[QUOTE=HISHAM80;3874137682]حضرتك أنا مقيم في السعوديه ومن رأيي تخليك في هيونداي منتشره هنا وفي مصر ممكن تتصلح بسهوله وبعدين الصراحه مش عارف الرينو أخبار المكيف بتعها ايه هنا وطبعا حضرتك عارف ان الحر هنا عمل ازاي بس ليه حضرتك مشفتش سبورتاج شكلها بدأت تنتشر في السعوديه ممكن تكون نزلت 1600 وطبعا هتلاقي كل ملاكها هنا مصريين:)[/QUOT

هو بالنسبة للمكيف الرينو هو يبانى من نيسان عشان طبعا الجو الجميل اللى هنا ومن ناحيه السبورتاج طبعا شوفتها وهى تحفة بس مفيش 1600 cc من 2000 ccوطالع ... وانت عارف الجمارك فوق205% جمارك و ضريبة والذى منه .. و الهيونداى طلعوا مش بيملكوا مالك أول للمصريين لازم تروح شركة اليسر وهما يملكوهالك بس بفايده ضعف الفايده البنكية ألغاز والله لكن رينو عارفه ان المصرين بيحبوا العربية دى فمسهلين الأمور و كمان من غير مصاريف ادارية للمالك الأول .
ربنا يعمل اللى فيه الخير وشاكر تعليقك ...