الستات قلبها جمد فى السواقه يا رجاله

[ahmedeihab]

يعنى انا مش لاقى كلام اقول لسيادتك!
بس البنت دى لوكانت مراتى او اختى وكلمتنى وحكتلى اللى حصل كنت اقلة هاجى اكسر عربية اللى عمل فيهم كدة ودة اقل واجب يعنى!

قلبك ابيض يا عم مصطفى مش اوى كده يعنى
ما كلها بتعرف تكسر بردو
بس انا اخدتها فى مسأله عند مش اكتر و ده اللى انا قلته فى الموضوع

غلط طبعا خليك انت الكبير ( الستات ناقصات عقل و دين ) و اولا انت نزلت من قدرك لما نزلت من العربية انت لما كنت عديت خلاص كنت سكت ولا نزلت ولا اتكلمت كدة اولا هي هاتشيط و هاتحتاج كولنت علشان تهدي هههههههههه ولما تفتح النور امشي عادي خالص ولا كأنها عاملة حاجة عادي خالص بس امشي علي مهلك الطريق واقف و انت مش مستعجل وماتحطهاش في دماغك هاتفاجأ مش هاتلاقيها حواليك و هتلاقي الطريق مشي
المكاسب : تجنبت قلت ادبها
تجنبت ان سواق مكروباص يقولك خلاص يا كابتن و اركب عربيتك
تجنبت انها كان ممكن يبقي معاها اليكتريك او سيلف دفنس و كان ممكن تؤذيك
و اخيرا مع احترامي لستات مصر امهاتنا و اخواتنا و زوجاتنا و بناتنا ( مفيش ست في مصر بتعرف تسوق لاسباب كتيييير )

برافو عليك بس هى كانت مسأله عند و انا بصراحه لما بركب دماغى مقولكش اللى فيها بيتعمل ^_^

هاعاكسهـــــــــــــــــــــــــــــــــــــــــــ ــــــــا طبعا و بس على كده :)

يا راجل حد يعمل كده ... و اكيد طبعا مادام راكبه bmw تبقى واخده بالها من نفسها و زى القمر .... بس يا راجل بس

ده انا مش هسيبها تعدى بس ... ده انا هروح اوصلها لحد بيتها كمان :)

ايه يا جماعة بالراحه علي الراجل شويه الدنيا مخربتش يعني علشان زنق علي واحده -- عادي بتحصل كتير -- وهوا قال انه غلطان بس حب ينقل التجربه
ومعلش الاخ مصطفى إسماعيل هدي اعصابك شويه ومش كل موقف هتاخده خناق وانا مش قصدي حاجه بس نصيحه علشان تتجنب مواقف وحشه كتير

[human]

الست ميه ميه

[Anxs111]

ا ا

المهم قمت نازلها و قلتلها ايه ده و مش ايه ده و عملت فيلم
المهم قالتلى هو حد بيدخل كده قلتلها انا مديكى اشاره المفروض تحترميها و تعدينى طالما مش هتحترميها يبقى تخبطينى هو علشان ربنا اداكوا هتدوسوا على الخلق المهم دخلت بقا فى قصه حقد طبقى و هى كان معاها بى ام الفئه التالته المهم عملت الفيلم و الناس طبعا تيييييييييت تيييييييييت تيييييييييييت تيييييييييت قمت قلتلها حصل خير و قمت ايه معدى بردو و عملت اللى فى دماغى
بنت ........ بقا تقوم عامله ايه
قامت مديانى النور العالى و انا معايا هوندا برليود فا العربيه واطيه على الارض وواخد النور فى التلات مرايات
ا ^_^

أنا من رايي تزود كمالة العنوان بتاع الموضوع ويكون كالآتي ....

الستات قلبها جمد في السواقة يا رجالة ....
والرجاله بقيت تعمل زي الولايا في السواقة ....

عشنا وشفنا راجل بيتبلي علي حرمة عشان ما عرفش يغلبها في السواقة ...هههه ....

[iaibrahim]

انا بعد الثوره لا احتك باى حد اطلاقا واللى عايز يعدى اهلا وسهلا وخصوصا سيارات المينى باص ( اللى بيسموها الجمعيات) والسيدات وهم اسوأ ناس بتسوق يعنى من قريب واحده ست راكبه مرسيدس قديم( بتاعة المعلمين) وفى تقاطع دخلت بالعربيه كابسه بشكل غبى جدا لولا انى فرملت كانت لبست فيه وطبعا لم اتكلم وحتى الناس اللى فى الشارع استغربت والحمد لله وربنا يسترها مع الجميع

[ahmedeihab]

أنا من رايي تزود كمالة العنوان بتاع الموضوع ويكون كالآتي ....

الستات قلبها جمد في السواقة يا رجالة ....
والرجاله بقيت تعمل زي الولايا في السواقة ....

عشنا وشفنا راجل بيتبلي علي حرمة عشان ما عرفش يغلبها في السواقة ...هههه ....

عدم احترام حضرتك ليا
هتخلينى اقولك شكرا على زوقك يا استاذ
و شكرا لمرورك

انا بعد الثوره لا احتك باى حد اطلاقا واللى عايز يعدى اهلا وسهلا وخصوصا سيارات المينى باص ( اللى بيسموها الجمعيات) والسيدات وهم اسوأ ناس بتسوق يعنى من قريب واحده ست راكبه مرسيدس قديم( بتاعة المعلمين) وفى تقاطع دخلت بالعربيه كابسه بشكل غبى جدا لولا انى فرملت كانت لبست فيه وطبعا لم اتكلم وحتى الناس اللى فى الشارع استغربت والحمد لله وربنا يسترها مع الجميع

ربنا يسترها علينا جميعا منهم

[MNabeih]

يا احمد ابقي كبر دماغك
و مش مستاهله تعمل موضوع يعني عشان الحوار دة

[ahmedeihab]

يا احمد ابقي كبر دماغك
و مش مستاهله تعمل موضوع يعني عشان الحوار دة

على فكره يا محمد انا اخدت الموضوع على سبيل الكوميديا مش اكتر
بس لقيت الناس داخله شمال و غلط و بتاع و ناس محترمه عماله تغلط
ما انت شايف الموضوع فوق اهو عمال اضحك فيه يعنى مش بقول انى صح فى اللى انا عملته
انا كل اللى عايز اوصله للناس ان الستات مبقتش زى زمان و قلبها جمد فى السواقه
^_^

[Anxs111]

وحضرتك ترضي اللي حصل دة لحد من أهل بيتك ....

وبعدين ييجي يهزر ويعمل كوميديا وإللي يوريله غلته تعمل نفسك أنت الضحية ...أنا كل ما في الموضوع استشهدت بكلامك .....وأهو إعتبر هزار وكوميديا لو عايز البنت بردو تفترض إن اللي أنت عملتو معاها هزارة وكوميديا ....

ويا تري يا بطل لو كان معاها راجل في العربيه كنت هتعمل ربع اللي عملته ....

احترمك ازاي وأنت فخور بأنك أتبليت علي سيت وجاي تضحك ....علي الأقل أنا ما إتبلتش عليك ولا قلت كلام أنت ما قلتوش

[AHMED1718]

لو ليك والدتك بتسوق او اختك او مراتك كان تصرفك اكيد هيختلف نك هتحس ان ده ممكن يحصل فيها

وكله كوم وكوم انك تقف وتشد الهاند وتنزل تهبب كده

بصراحة اوت منك دى يامان

[ahmedeihab]

يا جماعه واحده واحده بس
الاستاذ اللى بيقول انى اتبليت على ست ده غلطاااان
اتبليت عليها ازاى يا باشا ولو معاها راجل هعمل ضعف اللى انا عملته الحمد لله مش بخاف من اى حد غير من اللى خلقنى
و بعدين انا لا بعمل دور ضحيه ولا بتاع انا مش بتاع الكلام ده
و الناس عارفه كده كويس و الموضوع كنش قفش و صوت عالى و الجو ده زى ما انت فاكر
و الاستاذ اللى بيقول شديت الهند و نزلت هببت
انا شديت الهاند وفتحت الباب ووقفت جنب عربيتى يعنى مقربتش منها
و الموضوع كله كان مسأله عند
و انا وصلت الموضوع ده علشان اعرفهم ان الستات قلبها جمد فى السواقه
يعنى لا فخور ولا بتاع يا استاذ
^_^

[Mostafa.Ismail]

قلبك ابيض يا عم مصطفى مش اوى كده يعنى
ما كلها بتعرف تكسر بردو
بس انا اخدتها فى مسأله عند مش اكتر و ده اللى انا قلته فى الموضوع

انا مش فاهم يعنى اية "ما كلها بتعرف تكسر بردو"؟! بس انا مش فاهم انت عامل الموضوع علشان توضح عندك فى موقف ولا علشان توضح ان الستات سواقتهم بقت حلوة؟!!!

ايه يا جماعة بالراحه علي الراجل شويه الدنيا مخربتش يعني علشان زنق علي واحده -- عادي بتحصل كتير -- وهوا قال انه غلطان بس حب ينقل التجربه
ومعلش الاخ مصطفى إسماعيل هدي اعصابك شويه ومش كل موقف هتاخده خناق وانا مش قصدي حاجه بس نصيحه علشان تتجنب مواقف وحشه كتير

:s_thum1[1]::b4_388:

طيب اية الموقف اللى حضرتك بتتخانق فيها غير ان حد يرخم على واحد ست تخصك وهيا فى عربيتها؟!


والله الستات دول مظاليم نازلين عليهم على الفاضى والمليان. وعلشان بس محدش يقولى انت هتعمل فيها واعظ ان قولت ارد وخلاص ومش هرد تانى فى الموضوع دة.

[iwantes350]

ايه يا جماعة هدو نفسك شوية ........
الراجل كتب الموضوع من نوع كوميديا فمش مشكلة اوى
وبعد كده هو ((بدون تحيز)) هو غلطان وهى غلطانة
ايه اللى فيها لما تعديه وتخليها كويسة
الموضوع مش مستاهل كل الزعل ده
السطر ده للاستاذ احمد ...
..حلو اللى انت عملته عشان انا متعلم عليا كتير من بنات.. ههههههههههههههههههههههههههههههههه
بس والله انا اللى معلم على نفسي يعنى لو شفت بنت بتشد معايا باضطر اخليها تعدى عشان للاسف بيسوقوا بغشومية ((مش كل الستات كده فى ستات محترمة جدااا)) وسامحونا يا عضوات المنتدى ..

[raeddwik]

فعلا:
العند يورث الكفر

كويس ان ربنا ستر والاكصدام بتاعك ما اتهبدش جامد
كنت ساعتها هاتفكر كتير قبل ما ترخم على اى حد

:)

[l0new0lf]

القياده فن و ذوق و اخلاق (ده مش كلامى دة كلام المرور فى جميع دول العالم بما فيها مصر)
و القصه اللى حضرتك حكيتها بتوضح بشده موقفك من الثلاثه دول
و طبعا الزملاء وضحوا لحضرتك انك غلطان و غلطان ليه و باسلوب مهذب
بس واضح ان حضرتك واخد نفس النهج بتاعك فى السواقه فى الردود (واخد الموضوع عند فى عند, و صدرها للى يقدرها, من باب العند, ومن باب الكوميديا حسب كلامك)

كويس ان ربنا ستر والاكصدام بتاعك ما اتهبدش جامد
كنت ساعتها هاتفكر كتير قبل ما ترخم على اى حد
:)

حضرتك تقصد ان الاكصدام بتاعها ماتهبدش جامد, عشان لو كان ده حصل كنت هتتعلم مفهوم جديد خالص للعند المصحوب بكوميديا من نوع جديد عليك
النوع اللى فى الاخر يخليك تفكر ((انا ايه اللى كان خلانى انزل من بيتنا النهارده ))
نفس نوعية التهريج اللى انا باعمله مع اى حد يفكر يعمل معايا اللى حضرتك عملته ده و فى نفس المكان ده (على فكره انا ساكن هناك و فاهم بالضبط اللى حصل)

[Ahmed A Rahman]

ايوه ايوه علشان انا راجل
و الراجل مثل حظ الانثيين
و اظن مش انا اللى بقول الكلام ده من عندى
يعنى عندى الاولويه فى كل حاجه ^_^

ايه اللي حضرتك بتقوله ده ؟؟؟

انت بتهزر صح


لو بتتكلم بجد يبقى ربنا يكون في عونك

لو بتهزر فبلاش تهزر على احكام ربنا في المواريث

المفروض شرعا تفتكر قول الرسول صلى الله عليه وسلم

رفقا بالقوارير