تعرفوا حد الحم عنده قواعد الردياتير

[Ahmed A Rahman]

السلام عليكم

من فترة دخلت في حجر كبير على الدائري وعرفت آخده بين العجل

والحمد لله لو ستر ربنا وعلو الرينو لوجان كان دمر لي العربية

المشكلة انه خبط الاكصدام من قدام وعشان الاكصدام فيبر اترد ثاني بسرعة ومحستش بحاجه


شوية صوت تخبيط في المطبات وطلعت عين بتوع العفشة في جمهورية مصر العربية وكله يقولي العفشة سليمة

روحت التوكيل عرفت ان الردياتير هو السبب وان قاعدته هي اللي اتكسرت
الردياتير لازم يتغير كله ب 1700 جنيه

طبعا انا بحاول اصلح القواعد بقدر الامكان
هل فيه حد ممكن يبيعهم مستعملين ؟؟؟
حد فيه حد ممكن يلحمه ؟؟؟؟
حد مر بالمشكلة دي قبل كده ؟؟؟؟

[SASA3]

كان حصلى نفس الكلام بالضبط طوبه كبييره خبطتى العربيه من تحت بعد ما صلحت الردياتير اما اتخرم

القواعد مش مظبوطه كانت واحده اعلى من التانيه

ممكن تروح لسمكرى بس يكون استااااااااااذ و يعليهالك يخبطلك عليها كده يعنى

لا اما يحاول يلحمها بس طبعاا لحام فى الحوض ممكن يعملك مشكله بعد كده

او ممكن لحام من الى هو الامبوبتين دول

و خير ان شاء الله

[Ahmed A Rahman]

تسلم يا باشا الف شكر
هل حضرتك تعرف حد معين يعرف يعمل كده

[SASA3]

تسلم يا باشا الف شكر
هل حضرتك تعرف حد معين يعرف يعمل كده

لا استنى بقا حد من الرجاله المنتدى يدخل ممكن يفيدك بمعلومات اكتر او حتى بمكان الى ممكن يعملك كده

علشان انا من المنصورة

ولا اقولك تعالى شرفنا و احنا نعمل معاك الواجب هنا

[kar!m]

هى القواعد دى مصنوعة من ايه؟

[sheko_2000eg]

في واحد بتاع رادياتيرات بيعمل الموضوع ده
بجوار ورشة طنطاوي امام كافيه سي عمر

[Ahmed A Rahman]

لا استنى بقا حد من الرجاله المنتدى يدخل ممكن يفيدك بمعلومات اكتر او حتى بمكان الى ممكن يعملك كده

علشان انا من المنصورة

ولا اقولك تعالى شرفنا و احنا نعمل معاك الواجب هنا

تسلم يا باشا دانا اخرم لك كل يوم ردياتير
فين ايام المنصورة وشارع البحر

هى القواعد دى مصنوعة من ايه؟

لسه مشفتهاش بس إن شاء الله حعملها

في واحد بتاع رادياتيرات بيعمل الموضوع ده
بجوار ورشة طنطاوي امام كافيه سي عمر

كافيه سي عمر اللي في طريق مصر اسكندرية الصحراوي ؟؟؟؟
مش معقول

[ahmed_mido1889]

المقصود هي فايبر والا معدن؟

[Ahmed A Rahman]

فيبر يا باشا

[ahmed_mido1889]

في واحد في المعادي كنت لحمت عنده خرم في علبه ريارتير

في صقر قريش عند المباحث الجنائيه

[Ahmed A Rahman]

في واحد في المعادي كنت لحمت عنده خرم في علبه ريارتير

في صقر قريش عند المباحث الجنائيه

ابعت لي نمرتك يا باشا على الخاص عشان اكلمك