خبطنا الكلب

[abokoko]

اثناء العودة من ماموريه عمل وقبل الوصول بكيلومترات بسيطه
خبطا كلب ظهر لنا على الطريق فجا - ورغم محاوله تفاديه -
الخبطه جت فى جنب عربيه الشغل ( نيسان 2 كابينه )
الكلب مات والفبره اتكسرت من الجنب
الغريب
لما لفينا ورجعنا لقينا الكلب ميت على جنب الطريق
مش عارف هو مشي وزحف لحد ما جه على جنب ولا ايه ومش معقوله الخبطه طيرته
لانها وبعد ما ضربنا فرامل مكانتشي سرعه عاليه -
وكمان لقينا الفبره بجوار الكلب !!

الحمد لله .قدر الله وما شاء فعل

المهم السواق اخد الفبره وقال هيدور على حد يركبها تانى
ينفع ؟؟؟
وتتكلف كام ؟؟؟

[mailo]

بتتلحم عادي

[abokoko]

ممكن اعرف بتكلف كام تقريبا

[HeMa_LanCeR]

الحمد لله
انا صاحبي خبط كلب كلفة تصليح العربيه 24000 :)

[abokoko]

الحمد لله
انا صاحبي خبط كلب كلفة تصليح العربيه 24000 :)

معقوله 24 الف
ايه اللى حصل

[M.Radwan]

أنا خبطت كلب الأسبوع اللى فات بس كنت دست فرامل جامدة قبلها، الكلب طار بعيد في قلب حقل للبرسيم
وقام زي العفريت الحمد لله :))

[abokoko]

أنا خبطت كلب الأسبوع اللى فات بس كنت دست فرامل جامدة قبلها، الكلب طار بعيد في قلب حقل للبرسيم
وقام زي العفريت الحمد لله :))

حمدا لله على سلامتك
وكويس انك لحقت ودست الفرامل

[HeMa_LanCeR]

معقوله 24 الف
ايه اللى حصل

مافيش شوية حاجات بسيطة
اكصدام
رداتير
سربنتينة تكييف
شبكة
وكبوت

[OussamaShaaban]

تصدق انا زعلان على الكلب

[rompo10]

لو هاتخبط كلب حاول تفاديه حتي لو هاتدخل في عامود ولا حيطه ارحم من خبطه الكلب

[abokoko]

بالفعل زعلنا على الكلب
وكان السؤال انه مات ولا مخبوط ولو مخبوط هنعمل ايه
وانا بصيت عليه كانت عينيه مفتوحه لكن كان شكله ميت والله اعلم
ومرضيتشي ادقق النظر - علشان لو كان لسه فيه الروح -كنت هسال نفسي 100 مره اعمل ايه
؟؟؟؟؟؟؟؟؟؟؟؟؟؟؟؟؟؟؟؟؟؟؟

وعلى فكره اللى كان سايق حاول فعلا يتفاداه
اولا لف بالعربيه شمال -- وده اللى خلاه يخبط بجنب العربيه الامامى
ثانيا ضرب فرامل

[Sehsss]

إيه حكاية الكلاب اليومين دول، بس هما اللي غلطانيين كل ما يلاقوا عربية خاصة بالليل يفضلوا يهوهوو ويجروا وراها مش عارف ليه

[abokoko]

حضرتك -- اللى حصل ده كان على الدائرى
ومش فى شوارع ولا جوه البلد

[SASA3]

امام تعمل ايه بقا فى عربيه كورولا 2009 لسه تقريباا بورقها

خبط كلب اتكلف
فانوس امامى
فانوس شبوره
اكصدام
شبكه
رادياتير اتعوج
نقر الكبوت
و كسر الزجاج الامامى

و بعد كل ده جه يبص وراه لقا الكلب بيعرج و داخل غيط
الراجل كان هاين عليه يلف يخلص عليه يفرمه

[windofchange]

احنا ذنبنا ايه ؟ والكلب برضه ذنبه ايه(روح ولا تقتل الا بحق)؟ ربنا يعوضنا خير فبلدنا الجميلة دي