إعـــــــلان

Collapse

.

,
See more
See less

لا للكلاكسات.. ينفع تطبق في القاهرة؟

Collapse
X
 
  • Filter
  • الوقت
  • Show
Clear All
new posts

  • لا للكلاكسات.. ينفع تطبق في القاهرة؟

    من كام سنة في اسكندرية بدأ تطبيق نظام منع استعمال الكلاكسات أيام المحافظ المحجوب .. النظام ده طبعا ليه فوايده و مساوؤه.. بس مش عارفة ليه حاسة انه محتاج يتطبق في القاهرة عشان يخرس عشاق استعمال الكلاكس على الفاضية و المليانة و اللي بيعلقوا الكلاكسات للناس بدون ضرورة و يربكوهم

    يا ترى ينفع يتطبق في القاهرة؟ طيب هل الفكرة لاقية قبول عندكوا و لا مرفوضة تماما؟

    انا مش عارفة لسه في اسكندرية متطبقة و لا خلاص. يا ريت اللي من اسكندرية يفيدونا في هذا الأمر و يحكوا التجربة السكندرية في الموضوع ده :)

  • #2
    صعب جدا يطبق فى القاهرة

    بل يكاد يكون مستحيل

    تخيلى نفسك ماشية جنب واحد و من طريقة مشيته شكله كدة نايم.....فطبيعى انك تصحيه بكلاكس حلو كده

    انا عن نفسى بعدى جنب على الاقل 15-20 سيارة نقل (من الكبار اوى اوى دول)يوميا فمقدرش امشى من جنبه من غير مافوقه او اتاكد انو فايق
    عشان الناس دى ما شاء الله عليهم(يعزو النوم و هما سايقين)

    غير كدة بقى احنا هنا كشعب مش مسئولين مش بنحب نبقى محكومين و نعشق اوى كسر اللوائح

    يعنى مثلا عندك الصحراوى فيه سرعات محددة لكل حارة كل ما كان اسرع يمسك شمال اكتر
    ممكن تلاقى واحد ماشى على 60 كم و ماسك الشمال او 120 و ماسك اخر اليمين و يستعجلاللى ماشى على مهله

    و لو في يفطة عليها حظر استخدام الات التنبيه هتلاقى الناس تيجى جنبها و تديها كلاكسات بطريقة مستفزة

    للاسف العيب مش بس فى المسئولين

    احنا اللى معندناش استعداد للالتزام والدليل حال الاسكندرية بعد رحيل المحجوب

    Comment


    • #3
      الموضوع فى إسكندريه مش شغال حاليا
      لكن الناس تعودت على عدم إستخدام الكلاكمس فى إسكندريه فأصبح إستخدامه محدود
      وأنا كنت فاكر إن الناس مش حتستجيب له
      لكن الحقيقه إن الناس كانت ملتزمه بشده بعدم إستخدامه إلا قليلا
      وأنا أعتقد أن من الممكن النجاح لذلك فى القاهره على شرط أن تنشط الشرطه لضبط المخالفين وتوقيع غرامات فوريه عليهم مما سوف يدفع الناس الى الالتزام
      مين اللى يستحمل كل ده
      [URL="http://www.0zz0.com"][/URL]

      Comment


      • #4
        المرور باظ خالص في اسكندرية
        بس موضوع الكلاكسات لسة الناس متعودة علي عدم استخدامه
        بس واحده واحده حنبقي زي القاهرة

        أما إمكانية تطبيقه ، ممكن طبعا بس القانون يسري علي الكل و الدليل ما قد حصل و انتهي للأسف في اسكندرية

        Comment


        • #5
          المشاركة الأصلية كتبت بواسطة Islam_galal مشاهدة المشاركة
          المرور باظ خالص في اسكندرية


          بس واحده واحده حنبقي زي القاهرة
          هههههههههههههههههههههههههههههههههههههههههه
          نحفة:)

          Comment


          • #6
            هوه لو ممكن يلغوه خالص من الميكروباصات بالذات الموضوع يتحجم شوية ...
            ده بيسلموا على بعض بكلاكس !
            غير كده مفيش فايدة
            [CENTER][FONT=Comic Sans MS][SIZE=4]لا اله الا الله * محمد رسول الله[/SIZE][/FONT][/CENTER]
            [CENTER] وَبَشِّرِ الصَّابِرِينَ..[/CENTER]
            [CENTER][FONT=Comic Sans MS][SIZE=3][URL="http://www.youtube.com/watch?v=nYAgpstGD0U&feature=related"]علاء الدمرداش[/URL][/SIZE][/FONT][/CENTER]

            Comment


            • #7
              كل شيء ممكن يتطبق ....
              لكن لازم حد يطبقة ... ويتابع الالتزام بالتطبيق
              والمرور هو اللي متكفل بتطبيق القوانين بتاعته
              والمرور مش فاضي للكلام التافه ده ...
              الظباط..... مشغولين بالعمل الادري ... مثل استقبال الناس اللي معاهم واسطة عشان يعملو رخص او ياخدو لوحات ..الخ .. الخ
              اما الامناء والمندوبين ... طبعا مش فاضيين لأنهم اصلا بيشتغلو مناديين و ساسة لركن السيارات في الممنوع و خاصة عند البنوك والمصالح الحكومية ... والواحد من دول بيدفع كام الف جنية عشان يتحط في المكان ده ... فلازم يستفيد من كل دقيقة عشان يقدر يعوض اللي دفعه ويكسب ... بعد التقسيم مع الرؤساء طبعا
              اما العساكر ... فهم اصلا طالع عينهم و مرزوعين في الشمس كل يوم عشان التشريفات والخدمات عند بيوت وطرق مرور السادة اللي مسؤلين عن البلد ... وفي الآخر الأكل التعبان اللي بيأكلهوله ( اللي هو اقل من اكل الحيوانات في الغرب ) بيتسرق ومايلاقيش ياكل ... ويضطر يشتغل منادي خلسة في الاوقات اللي الامين او المندوب يكون فيها مش موجود لأي سبب
              عاوزة مين اللي يطبق الكلام ده بقي يا علا ؟؟؟؟؟؟؟
              لو يرضيكي اسيب الشغل واطلع اولادي من المدرسة و المدام تيجي معانا وكل واحد ياخدله شارع ينظمه ويمنع الكلاكسات فيه .
              انتي بس شوفي لكل واحد منا بيجامة يلبسها ... بس تكون صفرا ....وكرافاته وكل شيء ح يبقي تمام
              ..طبعا ... ما أنا ساكن في العباسية بقي
              يا علا ...... اللي يعيش ياما يشوف ... واللي يسوق يشوف اكتر
              انتي كل ما تسوقي اكتر في العاصمة .... ح تشوفي حاجات غريبة جدا ...
              المدام عندي .. بتقوللي انا قبل ما اسوق كنت باركب العربيه وابص من الشباك وابقي مستمتعة ومش حاسة بحاجة .... دلوقتي بقيت اقعد جنبك وانا متعصبة وعمالة ادوس برجلي علي الارض كأني انا اللي سايقة ... وده كسر علينا ... ودة مش عاوز يعدينا ... وده ماشي بالعكس .. وده مش بيدي اشارة
              ......
              يا علا انتي بتيجي علي الجروح اللي عند الناس كلها وتضغطي ...خلينا ساكتين ومستحملين
              لو كانت الكلاكسات رجلا .... لخنقته وذبحته ورميته تحت كوبري الجيزة .... ثم أكلته
              [SIZE=5][COLOR=blue]يظن الناس بي خيرا وإني ... لأشقى الناس إن لم ترض عني[/COLOR][/SIZE]
              [SIZE=5][COLOR=blue]ومالي حيــلة إلا رجــائي ... وعفوك إن عفوت وحسن ظني [/COLOR][/SIZE]
              [SIZE=5][SIZE=3][COLOR=black]محاسب / احمد ابراهيم [/COLOR][/SIZE][/SIZE]

              Comment


              • #8
                المشاركة الأصلية كتبت بواسطة aif مشاهدة المشاركة
                لو كانت الكلاكسات رجلا .... لخنقته وذبحته ورميته تحت كوبري الجيزة .... ثم أكلته
                لو رميتة تحت الكوبرى حينزل قدام اللى جاى من كوبرى عباس و حيضربة كلاكس برضة عشان يوسع

                MMamdouh
                [CENTER]What is the difference between ignorance and apathy?...I don't know & I don't care[/CENTER]

                [CENTER][SIGPIC][/SIGPIC][/CENTER]


                [SIZE=6][marq="3;right;3;scroll"]اللى ميعرفش... يقول هجس[/marq][/SIZE]

                [marq="Error"]what goes around... comes around[/marq]


                [CENTER][URL="http://www.cardomain.com/ride/567267"]MMamdouh's Lanos on CarDomain
                [/URL][/CENTER]

                [URL="http://www.nilemotors.net/Nile/showthread.php?t=85421"]
                [/URL]

                Comment


                • #9
                  الواحد فى بلدنا يستغنى عن العربية و ميستغناش عن الكلاكس، يعنى قريب قوى هيبقى فى كلاكس محمول للى ماشى على رجله من كتر العشوائية اللى احنا فيها
                  [RIGHT]أخوكم حسام حسن {أبو ليليا و سيليا}[/RIGHT]
                  [SIGPIC][/SIGPIC]

                  Comment


                  • #10
                    المشاركة الأصلية كتبت بواسطة Hossam_Hassan مشاهدة المشاركة
                    الواحد فى بلدنا يستغنى عن العربية و ميستغناش عن الكلاكس، يعنى قريب قوى هيبقى فى كلاكس محمول للى ماشى على رجله من كتر العشوائية اللى احنا فيها
                    حلوة
                    ساعات بلاقى ورايا صوت كلاكس مرعب( زى بتاع السوبر جيت ) يخضنى و افتكر نفسى معطل المرور او حاجة , ابص الاقى موتوسيكل جاى من ورايا
                    [CENTER][SIGPIC][/SIGPIC][/CENTER]

                    Comment


                    • #11
                      بصراحة ما ينفعش استغني عن الكلاكس في المحروسة ...ديه وسيلة التواصل مع الكائنات الغريبة اللي في الشوارع
                      على فكرة أنا بقالي ٣ سنين في كندا منهم سنتين و نص سواقة استخدمت الكلاكس أقل من أصابع إليد الواحدة ...لدرجة اني لما بحتاج استعمله ما بفتكرش هو فين
                      [CENTER] [/CENTER]

                      Comment


                      • #12

                        الكلاكس ليه عيوب وليه مميزات

                        وماينفعش تمشى من غير كلاكس استحـــالة

                        لانك بتحتاجه كتير بالذات فى الشوارع المزدحمة علشان تنبه الناس اللى ماشية

                        لان اغلبية الناس بل كلهم بيبقو ماشين ماسطولين بيطوحو من الشمال لليمين

                        مع نفسهم فلازم تصحيهم بكلاكس انا عادتا بستعمل الكلاكس فى الشوارع

                        الزحمة اكثر من الشوارع العادية لان الشوارع العادية بتحتاج تنبه اللى طالع من

                        ملف او من شارع جانبى داخل الشارع الرئيسى اللى ماشى فيه لانه بيطلع

                        بسرعة ساعات ومش بيشوف ولا يدى نور او كلاكس ان حد طالع بالتالى بتنبهو

                        بكلاكس

                        عموما لا يمكن الاستغناء عن الكلاس فى الشوارع المصرية التصادمية ابـــــدا
                        [CENTER]
                        [FONT=Comic Sans MS][SIZE=4][COLOR=Blue]Omar[/COLOR][/SIZE][/FONT]

                        [img2]http://www8.0zz0.com/thumbs/2009/10/06/18/187809311.jpg[/img2]
                        [/CENTER]

                        Comment


                        • #13
                          يا جماعة اسمعوا الاغنية دي

                          دي بتاعة شكوكو .. اسمها الكلاكس


                          ممنوع ضرب الكلاكس .. اوتوبيس ملاكي تاكس
                          نرتاح مالدوشة ديا .. و نوفر بطارية .. ممنوع ممنوع ممنوع

                          يا جميل و ذوق و رقة .. و ماشي يمين بدقة
                          و انا قلبي عالشمال

                          ما بلاش يا جميل مناوشة .. و بيب بيب و دوشة
                          تتعب قلبي اللي مال

                          دي اشارة الشارع حمرة و اشارة الحب خضرة
                          حاجة في غاية الجمال

                          ممنوع ممنوع ممنوع .. ممنوع ضرب الكلاكس
                          اوتوبيس ملاكس تاكس




                          http://rapidshare.com/files/119600486/klaks.rm.html


                          واضح انها مشكلة عتيقة في القاهرة
                          [COLOR="gray"]
                          [CENTER]Leadership is based on inspiration, not domination[/CENTER][/COLOR]

                          Comment


                          • #14
                            واضح يا جماعة انكوا مبؤوئين من الاستعمال العشوائي للكلاكس زيي بالظبط.. خصوصا أحمد إبراهيم

                            طبعا هو ليه أهميته و صعب الاستغناء عنه تماما.. و إلا كانوا اخترعوه ليه؟ :)

                            بس زي ما هو واضح من اسمه هو آلة تنبيه.. يعني تنبه اللي انت ماشي على الطريق معاه لأي خطأ أو زي ما وضح sakasoon لو طالع من مفرق طرق مثلا.. انما مش لإنه يقرف بيه الناس و يبقى كله هدفه في الطريق ان الناس توسع له

                            شكرا جزيلا للجميع على المشاركة :)

                            Comment


                            • #15
                              الكلاكس اهم من العربية ياجماعة فى مدينة الملاهى اللى احنا عايشين فيها اللى اسمها القاهرة الكبرى كمان حاجة كده بتفرح العيال برضوه فى الفسحة ( وحسبى الله ونعم الوكيل )
                              [B][SIZE=4][COLOR=magenta][SIGPIC][/SIGPIC][/COLOR][/SIZE][/B]

                              Comment

                              Working...
                              X