هل فية ضرر من بيع العربية بتوكيل مفتوح

[atamim]

السلام عليكم ورحمه الله و بركاته

انا بعت عربيتى ال 504 بتوكيل مفتوح (لتاجر عربيات )يعنى توكيل للبايع و انه هوة كمان يقدر يبيعها لحد تانى بنفس التوكيل

يا ترى اى الاضرار الى ممكن تحصل؟ كمان الرخصة لحد اخر شهر 11-2008

انا قولت اسيب فترة شهرين او 3 و اتاكد فى المرور اتنقلت باسم واحد تانى ولا لسة

طيب لو متنقلتش اى العمل ؟؟؟؟؟؟؟؟

[SEATLOVER]

ايمن باشا
مفيش ضرر ان شاء الله ..وخصوصاً ان الرخصة هاتنتهى خلال خمس شهور بس

بس فى الحالات دى مفروض بتخلى صورة معاك من
1-صورة التوكيل
2-نسخة او صورة من العقد الابتدائى بتاع البيع و مكتوب فية ميعاد الاستلام و المشترى موقع علية
3-صورة من البطاقة الشخصية للمشترى

زيادة اطمئنان و ضمان فقط

طبعاً خلال الخمس شهور اللى جايين ممكن العربية تتباع لى اكتر من وا حد و مش هاينقل ملكية لنفسة ..وانت مالكش سيطرة فى الموضوع دة
لو انت اشتريت عربية و روحت ترخص باسمك هاتدفع ضريبة رفاهية لو العربية اللى انت بعتها لسة موجودة باسمك فى المرور

[Islam_galal]

يستحسن تعمل اقرار استلام للعربية بعد كدة

[atamim]

ايمن باشا
مفيش ضرر ان شاء الله ..وخصوصاً ان الرخصة هاتنتهى خلال خمس شهور بس

بس فى الحالات دى مفروض بتخلى صورة معاك من
1-صورة التوكيل
2-نسخة او صورة من العقد الابتدائى بتاع البيع و مكتوب فية ميعاد الاستلام و المشترى موقع علية
3-صورة من البطاقة الشخصية للمشترى

زيادة اطمئنان و ضمان فقط

طبعاً خلال الخمس شهور اللى جايين ممكن العربية تتباع لى اكتر من وا حد و مش هاينقل ملكية لنفسة ..وانت مالكش سيطرة فى الموضوع دة
لو انت اشتريت عربية و روحت ترخص باسمك هاتدفع ضريبة رفاهية لو العربية اللى انت بعتها لسة موجودة باسمك فى المرور

انا فعلا محتفظ بنسخ من الاوراق دية

المهم انا اشتريت فرنا 2008 بعديها بشهر و رخصتها فى نفس المرور

و محدش دفعنى ضريبة رفاهية

هل البيانات مش متسجلة عندهم انى كان على (زمتى عربية تانية) ولا اتنقلت خلاص لمالك تانى ولا ماخدوش بالهم من الموضوع ؟

لو رحت بصورة الرخصة قبل ما تتباع العربية ممكن اسئل البيانات اتغيرت ولا لقى ؟ انا واحد اقترح عليا اصور الاوراق كلها و تتحط فى الدوسية بتاع العربية

[atamim]

يستحسن تعمل اقرار استلام للعربية بعد كدة

ما العقد الابتدائى مكتوب فية انى سلمته العربية

[SEATLOVER]

انت روحت ترخص الفيرنا بعد بيع العربية الاولانية بى قد اية ؟
ممكن العربية اترخصت خلاص باسم جديد
وباقى الاحتمالات ضعيف
وعلى العموم ماتقلقش ..انت قلقان لية كدة
ما كل البلد ماشية توكيلات ..عادى

[Ah.Farid]

http://www.egypt.gov.eg/arabic/

اللينك دة ممكن تشوف فية العربية لسة بأسمك ولا لسة ولو فية مخالفات ولا لا

المهم تدخل البيانات بتاعة العربية زى رقم الشاسية والموتور

بس دة للقاهرة والجيزة فقط

[hazem_khidr]

نفس كلام الباشمهندس عمرو:)
............
بالنسبه بقي لضريبه الرفاهيه فحتلاقيهم ما اخدوش بالهم ان في عربيه تانيه باسمك.
و دي بتحصل كتير و بتعدي عادي مافيهاش مشاكل.
بيركزوا بس عليها في عربيات النقل و الاجره لان معظم الملاك للنوع دا عندهم بدل العربيه اتنين و تلاته و عشره.
واحد قريبي مره شاري عربيه زيرو و عربيته القديمه كانت لسه معاه
فيوم ما راح المرور اخدني معاه علشان انقل له النمر من العربيه القديمه للجديده لانها كانت نمر مميزه و كنا ماجلين بيع العربيه لحد ما ناخد النمر بدل ما تضيع.
المهم بعد ما خلصت الاوراق و بسلم الرخص بتاع العربيه القديمه الموظف قالي كده حناخد ضريبه رفاهيه
قولتله دا العربيه حتتباع السبوع دا اقصي حاجه مش حنخليها .
قالي خلاص بس لو جيت ترخص السنه الجايه و العربيه لسه علي ملكيتك حندفعك ضريبه رفاهيه بس فعلا العربيه التانيه اتباعت.
خلاصه الكلام ما تشغلش دماغك و طنش