مليونية تطبيق التامين الاجبارى على الحوادث

[lada2010]

عايزين نعمل مليونية لتطبيق التامين اللى احنا بندفعوا كل سنة ومش بنستفيد منة علشان اية ياخدوا من كل عربية 100 وانت طالع ومش نستفيد منة وشرط علشان تجديد الرخصة تدفع التامين

[moh19227]

انا اصلا معرفش فلوس التامين دي بتدفع ليه اصلا ؟!
وبالمره عاوزين نضيف ف المليونيه دي -- كبدايه -- ال ABS و ال Airbags ميدفعش عليهم جمارك ويكونوا standard في كل عربيه تدخل مصر

[dolly13]

والله انا من زمان نفسى افهم موضوع التامين الاجبارى ده . يعنى ايه فايدته بالظبط

[Ralliart]

المفروض نبقى زي اي بلد في العالم ياخدو تأمين محترم إجباري على كل الناس علشان لما واحد يخبطني تأمينه يدفعلي ومينزلش يبجح وميدفعش ولا ملليم وهو غلطان

[MEKAWY2000]

لو حد عرف ياريت يقول

[mazher_m]

التامين الاجباري ده علشان لا قدر الله لوصدمت شخص ما بسيارتك واتصاب او توفي تدفع شركه التامين التعويض (الشق المدني في قضايا الحوادث)
صديق ليا صدم شخص بسيارته وكانت رخصه سيارته منتهيه يعني مكنش في تامين التزم هو بدفع التعويض انما لوكان جدد رخصته في معادها كانت شركه التامين هي الملزمه بدفع التعويض
ملحوظه
مفيش حاجه اسمها شهر مهله بعد انتهاء تاريخ الرخصه

[Ahmed_Ramadan]

ملحوظه
مفيش حاجه اسمها شهر مهله بعد انتهاء تاريخ الرخصه

إيه الموضوع ده ؟؟!!

[Kareem Fawzy]

فى طبعاً شهر مهله بعد انتهاء صلاحية الرخصة
بدليل انك ما بتدفعش غرامة تأخير واللى هى تلت ضريبة

[moumen_hs]

فى طبعاً شهر مهله بعد انتهاء صلاحية الرخصة
بدليل انك ما بتدفعش غرامة تأخير واللى هى تلت ضريبة

الشهر دة يافندم مهلة للسداد فقط وليس لسير السيارة بعد أنتهاء الترخيص وأنا رخصة السيارة أتسحبت منى بعد نهاية الترخيص بيوم واحد فقط وهو دة الى عرفتو من الضابط

[Elawany13]

التامين الاجباري ده علشان لا قدر الله لوصدمت شخص ما بسيارتك واتصاب او توفي تدفع شركه التامين التعويض (الشق المدني في قضايا الحوادث)
صديق ليا صدم شخص بسيارته وكانت رخصه سيارته منتهيه يعني مكنش في تامين التزم هو بدفع التعويض انما لوكان جدد رخصته في معادها كانت شركه التامين هي الملزمه بدفع التعويض
ملحوظه
مفيش حاجه اسمها شهر مهله بعد انتهاء تاريخ الرخصه

هل الكلام ده بيحصل فعلاً ؟؟؟
طبعا لا