‘إعادة أمتحانات جميع رخص القيادة قريباً ؟؟؟

[me_medoo]

أكد مصدر غير مسؤول عن أعادة أمتحان جميع رخص القيادة الخاصة والنقل والموتسيكلات والخاصة والعامة ...

هذا الخبر هو كدبت أبريل الشهر الي جي ... كتير مننا بيشتكي وجود كمية كبيرة من الحمير في الشارع والناس الي مبتعرفش تسوق ... لكن عندما نبحث في الموضوع ... نكتشف ان نسبة كبيرة من الناس مرحوش أمتحنوو أساساً ... لكن الي كان بيحصل ان خالو في المرور ولا باباه ولا ابن عمو ولا حتى عمو ولا صاحبو ... فيقوم يساعدو في أستخراج رخصة ...

طيب والي ميعرفش حد في المرور ... بيروح عند اي أمين شرطة ويديلو 500 جنية وصورتين وشهادت بطنة ونظر ... وهو عليه الباقي .

حتى مع الاسف مع الاسف كتير من الناس بتروح مدرسة خاصة لتعليم القيادة علشان هما ليهم سككهم في استخراج الرخص ولا امتحان ولا ديولوو .

طيب والغلبان بأه بيعمل أيه ... الغلبان باه ياسيدي بيروح يمتحن ... ويخوفوه من الامتحان ويقلو كده هيسقطوك .... حتى لو كنت بتعرف تسوق ويقلولك تعالة بعد شهر في السمر كورس ههههههههههههه

وقلك ياسيدي هيعملو امتحنات كتيرة واسئلة نظري
ومن ضمن الاسئلة لو انتا ماشي في الصحراوي والاستيبن فسا هتعمل ايه هههههههههههههههه
الي يقولك هركن على جنب واغيرو يسقطوه على طول
لأن الاستبن اساساً في الشنطة هتغيرو باي اذا هو استيبن

وشوية أسئلة دمها خفيف كده ... زي ماتعودنا على خفت دم الشعب المصري ، قال أيه يسئلو الي هيمتحن لو انتا راكن بالعربية وجيه واحد وراك زمرلك هتعمل ايه ؟؟؟
لو قال هوسعلو واركن على جنب ... برضو يسقطوة لأنك كده ولاكده ياحمار أنتا راكن واقفل العربية ههههههههه .

يعني حبت اشتغلات حلوة لكن انهم يعلموه أو يمتحنوه في المكانيكا ... ولا في الاشارات ولا يشفهوه شمام ولا مسطول أبداً ... ولا يختبروه في كيفية تغير الكوتش او الاسعفات الاولية أبداً ، وكانت النتيجة الناس كلها الي سايقة ... تعتبر ممعهاش رخص ... لكن الحياة والشوارع والتجارب هيا الي علمتهم ازاي يسوقوا ، علشان كده بنشوف حمير كتير بيجيلك من اقصى اليمين عاوز يلف ويرجع يوتيرن في الشمال ... والي يخشلك مرة وحده والي يكسر عليك بدون مايبص في المرايا ... ده اذا في مرايا أصلاً واذا كانت موجودة يكون قفلها علشان متتكسرش ههههههههه تقلش دي حليه للعربية مش حاجة مهمة .

فالمفروض يعيدوو كل أمتحنات رخص السواقين من جديد
بأمتحنات بحق وحقيقي وبجد ... مش ب 500 جنية .

[youtube]http://youtu.be/9dVI80ULC7s[/youtube]

[youtube]http://www.youtube.com/watch?v=PEdJ-veLcvg[/youtube]

[me_medoo]

السؤال هنا : هل تؤيد فكرة أعادة أصدار الرخص لجميع قائدي المركبات والميكروبصات وسواقين النقل والموتسيكلات ؟ أم لا تأيد الفكرة ؟ وهيا كده كده خربانة ؟

وتحياتي ....

[dr_radioooooo]

للاسف طلعتها بواسطة من مرور مدينة نصر

[amrelsaqqa]

المشكلة مش مشكلة جهل بس
في ناس بتعرف تسوق وعارفة القواعد ولكن بتبلطج ودول ساعات بيبقى الضرر منهم اشد

يعنى مثلا سواق الميكروباص لما يكسر عليك ، ده مش معناه انه مش عارف ، هو عارف ان السواقة بحق ربنا مش كدة وبيبقى قاصد يبلطج




الشارع هو اللى بيعلم كل حاجة سيئة ، بيعلمك تكسر على الناس ، ترشق في اي مكان لما تكون الدنيا زحمة وتخلى الطريق 8 حارات ال يعنى كدة هتعدى اسرع ، لما تكون سواق ميكروباص تبقى ماشي عامل ارهاب للشارع كله ، و تعب اعصاب للركاب اللى راكبين معاك ، كل شوية تدوس بنزين وتنطر رجلك مرة واحدة على غيار 1 و 2 و وتصدع الناس كلها ...

ده اللى الشارع بيعلمه واللى الناس بتعمله

انما الامتحان للاسف عقيم جدا مش هيعلمك تغير حارتك ازاى ولا هيعلمك تمشى على الطرق السريعة وتمشى في وسط البلد ازاى وفي الزحمة ازاى وتاخد اليوتيرن ازاى وتطلع الكبارى ازاى
ولا حتى بيعلمك تقف في الاشارة اازاى ولا بيعلمك تحترم الطريق والناس اللى ماشية عليه ازاى ،

الامتحان اختصر السواقة كلها في الركنة الزجزاج وهى اساسا حاجة من اتنين يا واحد متمكن فعلا في السواقة و بيعرف يعملها بسبب درجة تمكنه
يا اما اي واحد ما يعرفش اي حاجة قعد يتدرب عليها لحد ما حفظها من غير ما يكون اتقن السواقة كلها .. وياريته بيطلع يعرف يركن بين عربيتين حتى ..


فحل المشكلة يكون من شقين :

حل مشكلة الجهل وحل مشكلة البلطجة وده عن طريق :

استئصال الفساد والرشوة من جهاز المرور و تطوير الامتحان للرخص الجديدة وعمل دورات للناس اللى معاهم رخص حالية بما فيهم رخص الملاكى و سواقين الاجرة بأنوعها والنقل بأنواعه ، واصدار قانون صارم عادل محترم لا يسعى لجنى الاموال وانما يسعى فعلا لتحقيق النظام والامان بعد تدريب السائقين عشان يبقوا اتعلموا وعارفين بيتحاسبوا على ايه وتكون البداية بالنقل والاجرة في الدورات والمخالفات وبعدها الملاكى تدريجيا ..

ساعتها الجاهل هيكون اتعلم
والمحترم هيفضل محترم ومعاناته هتقل
والمحترم بس بدأ يفقد اعصابه ويكتسب سلوكيات سواقين الميكروباص هيرجع محترم تانى
واللى مش محترم خالص هيبقى محترم غصب عنه ..

[me_medoo]

استئصال الفساد والرشوة من جهاز المرور و تطوير الامتحان للرخص الجديدة وعمل دورات للناس اللى معاهم رخص حالية بما فيهم رخص الملاكى و سواقين الاجرة بأنوعها والنقل بأنواعه ، واصدار قانون صارم عادل محترم لا يسعى لجنى الاموال وانما يسعى فعلا لتحقيق النظام والامان بعد تدريب السائقين عشان يبقوا اتعلموا وعارفين بيتحاسبوا على ايه وتكون البداية بالنقل والاجرة في الدورات والمخالفات وبعدها الملاكى تدريجيا ..

ساعتها الجاهل هيكون اتعلم
والمحترم هيفضل محترم ومعاناته هتقل
والمحترم بس بدأ يفقد اعصابه ويكتسب سلوكيات سواقين الميكروباص هيرجع محترم تانى
واللى مش محترم خالص هيبقى محترم غصب عنه ..

واللهي كلمتين زي العسل ... وحلوة فكرة الدورات التدريبية ...
وياريت تكون من ناس محرمة ومحترفة لأن في طبعنا كمصرين بنحب نفتي ... وبالذات لمن يكون الواحد واخد دورة تدريبية يبقى يتباهى بيها ويقعد ما أصاحبوو يفتي وقلهم لا علموني كذا كذا كذا ... وبالتالي شووية شوية هنحسن من نوعية السواقين وسلوكياتهم وتصرفاتهم ... فكرة حلوة ... ومينفعش يخلو الرخص 10 سنين (كأنهم بيقولوا ) مدى الحياة ... لازم نشوف السواق ده حشاش ولا شمام ولا ايه حكايتو ... وأذا تحليل الدم أثبت أنو بيتعطى حاجة يمنع من السواقه فوراً ... ههههههههه على كده نص سواقين مصر هيقعدو في البيت لأنهم حشاشين ... واشي تريمدول واشي بانجو ... واشي افيون ... بس المخدرات دي بتلحس الدماغ ... مينفعش اخلي واحد يقود مركبة ودماغوو ملحوسة هههههههههههه خطر على نفسو وعلى الناس ولا أيه .

[me_medoo]

انا عن نفسي ... أول رخصة قيادة أمتلكها كان بره مصر ... وخدت كورس مكثف ... قبل ماخود الرخصة أسبوع ونص ... ومن ضمن الكورس ... لازم أدرس مكانيكا ... لأنهم هيسئلوني في الامتحان عن كل أجزاء المتور ... لأن مينفعش واحد معاه عربية ومبيعرفش الفرق بين البطارية والدينمو وايه وظيفة كل واحد ... مينفعش تبقى سايق ومش عارف الفرق بين قربت المية وقربة مية المسحات .دي حاجة تكسف .

والاشارات بيسمعوهالك أشارة اشارة ... ده غير امتحان بيشوف شخصيتك سليمة ومتزنه ولا شب طايش ومهبول ومتهور .

بس لمن جيت مصر كان معايه رخصة دولية ... قالي بلها واشرب ميتها انتا مصري هههههههههههه ... رحت امتحن قالولي هيسقطوك ... رغم ان بقالي 10 سنين سويق ... المهم رحت متصل على قريبي ورحت اتصورت وصلى الله وبارك ... حتى افتكر انهم صوروني 3 مرات لأن كل مره مبتعجبنيش الصورة فقل للعسكري لا صور من جديد استنى لمن اسرح شعري ايام مكان عندي شعر هههههههههه وكانت مهزلة .

[Medicalist]

يا جدعان انا بشوف بنات وستات بالهبل بتسوق دلوقتى ده معناه ايه ؟

[aboharb]

الفكره جميله جداااا بس ير قابله للتطبيق اذن هى فكره خياليه اعتقد ان الافضل ان جزء من الاجرائات يكون عن طريق نيابة المرور قبل استلام الرخصه وان يكون هناك حزم مع سائقى الميكروباص والنقل

[SYD]

انا بصراحة امتحنت بالأمانة وعملت رخصتي بما يرضي الله بس بعد ماسقطوني اول مرة اشارات

والله المستعان
،
،

[amrelsaqqa]

يا جدعان انا بشوف بنات وستات بالهبل بتسوق دلوقتى ده معناه ايه ؟

هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههه

[Amr Axel]

الحمد الله بمجرد ما تميت 18 سنة سميت و توكلت ع الله و دخلت الامتحان النظري و العملي في مرور مدينة نصر

النظري الظابط امتحني في علامات كتيير و رديت عليها و زي ما انتوا عارفين منزل هنا جزء من السلسلة فيه علامات المرور كلها لو شخص يحب يطلع عليها

http://www.nilemotors.net/Nile/238043-a.html

حتي قبلها كنت داخل و عامل حسابي ع الآتي :

http://www.nilemotors.net/Nile/222278-a.html

http://www.nilemotors.net/Nile/222390-a.html

و بعدها طلعت ع العملي و ربطت الحزام و يمين او شمال ادي اشارة يعني منا لاخر السواقة اللي المفروض نمشي بيها
و كل اللي دفعته تقريبا 80-88 جنيه الملف و محتوياته كلها الاستمارات و الصور ..ألخ..ألخ
و طلعتلي في اقل من نص ساعة الليلة كلها اخدت حوالي ساعة و نص - ساعتين عشان الزحمة في الامتحان العملي مش اكتر لكن باقي الاجراءات خلصت بسرعة الحمد الله

و اللي اتمناه فعلا يتم اعادة كل الرخص و خاصة السيدات اللي منهم كتيير بيطلعوا الرخص من غير ما يعرفوا يسوقوا اساسا و الميكروباصات و التاكسيات و النقل تكون أصعب ما يكون و يكون من ضمن الامتحانات كيفية التعامل في حالة ان الارض فيها مية و هو ع سرعة عالية و الامتحان ده مطبق برة بس مش فاكر فين عشان النهاية يكون عندنا سواقين تمام مش اللي بحتة الاصطباحة و يطلع

و بالاضافة لاعادة الرخص اي شخص يتم امتحانه في الاسعافات الاولية و الدفاع المدني و كيفية التعامل مع اغلب المشاكل الشائعة اللي تواجهنا و احنا ماشيين زي العجل و السخونية و هكذا
و يكون من ضمن ما يقدم غير الشهادات الطبية شهادة اجتياز دورة الاسعافات الأولية و دورة في الدفاع المدني و دورة يعملوها لتعلم مواجهة المشاكل الشائعة اللي ممكن تواجه الشخص و هو سايق زي ما ذكرت فوق
كده نطلع اشخاص قادرين ع القيادة و في نفس الوقت مواجهة الكوارث اللي ممكن تحصل في اي لحظة

و لا ايه رأيكم ؟؟

[lanos2004]

من الاخر الى بيعرف يسوق بيسقط والى مبيعرفش بينجح--ولو بتعرف تسوق ومحترف هات معاك وسطه او ظبط الى حواليك

[tutankhamoun]

بأختصار طبعا أؤيد و بشدة اعادة أمتحان كل المصريين

بس للآسف ........ السواقة أخلاق ........ و أحنا معدومين الأخلاق (النظام و الأنتظار مش في الجينات بتاعتنا خالص )
أحنا الشعب اللي خالي جينات النظام و الانتظار و معاهم النظافة )

أنا شايف أن أحنا ملناش حل غير القوة و قلة الأدب من الشرطة (هي دي اللي ممكن تمشي مع البهايم اللي عايشة على أرض مصر) .

لسة النهاردة الطريق واقف وورايا واحد عمال يروح يمين و شمال و يمين و شمال و كل ده و الطريق واقف و الله العظيم تلاتة
هو كل اللي عمله أنه عمال يبلطج على اللي جنبه
بس لما جه يعمل معايا كدا قفلت عليه و قال أيه بيزمرلي

دي بلد مفيش فيها فايدة و ناس مش عايز تتغير ........... و أبقى سلملي على الثورة
لو عملت 1000 ثورة و لا هاتغير حاجة لأن الناس من جواها معفن و فسد خلاص ........ صلاحيتنا أنتهت من زمان .
أحنا ملناش غير قوانين الطوارئ و العادلي و المخلوع
حاجة تقرف و عيشة تقرف .

[Land_Cruiser]

فى ناس كتير الواحد بيشوفها سايقه و لو فى امتحان بجد هيمنعوهم مش من السواقه بس لكن حتى يمشوا على رجليهم .

[tutankhamoun]

بمناسبة الأستطلاع
رحت أمتحنت بأمانة ....... و الراجل (المهندس) كان عايز مني فلوس و مكنش عايز يمضي ........ و كلمت ظابط في أمن الدولة
الظابط قاله هو بيعرف يسوق ........ قاله آه .......... قاله أمضي على الورق حالا .

ملحوظة
المهندس أصلا مش بيبص على الناس اللي بتمتحن الأمتحان الأهبل بتاعهم أساسا
هو حتى الأمتحان لا يصلح أنه يخرج سواق .

وفي نفس اليوم ........ واحدة شالت كوزين (البتاع البرتقالي ) و دخلت في الرصيف و عمل التأشيرة على ورقها أنها بتعرف تسوق .