إعـــــــلان

Collapse

.

,
See more
See less

الياريس اتخبطت ! الحمد لله

Collapse
X
 
  • Filter
  • الوقت
  • Show
Clear All
new posts

  • الياريس اتخبطت ! الحمد لله

    السلام عليكم ورحمة الله وبركاته

    النهارده كان يوم جميل بصراحة من اول اليوم الواحد كان بيستعد لمقابلة احلى واغلى الناس اعضاء تويوتا وبقية اعضاء الاقسام التانية اللى كانو هينورنا

    المقابلة كانت جميلة بصراحة واتجمعنا كلنا ونورها طبعا وجود ضيوفنا من اقسام "هيونداي - هوندا - نيسان "

    لكن للاسف الحلو مابيكملش !

    بعد ماخلصنا المقابلة وانا راجع بعد ميدان الساعة في اتجاهي لكوبري اكتوبر

    كنت واخد الشمال ودايس وفجاءة بدون اي سابق انذار واحد راكب ماروتي تطلب معاه يغير حارته من الحارة الوسطى للحارة الشمال بدون اشارة وبدون مايبص في المرايا

    انا جاي مجمع طبعا الفرامل ماجبتنيش خاصا انه كان ماشي براحة جدا يكاد يكون واقف !

    لبست فيه مع الاسف

    ركنت على جمب بعدها لقيته جاي

    كان معاه زوجته واولاده وقف جمبي اول حاجة عملتها رحت مشاورله على المرايا الشمال وقلتله هي دي اخترعوها ليه ؟ ؟

    قالي انت جاي قارص وانت يعني مش عارف ان فيه مطب ؟؟

    قلتله حضرتك انا ماشي في حارتي وانت اللى رميت عليا فجاءة وحتى مادتنيش اشارة ومابصتش في المرايا

    قالي انت راكب عربية فراملها توقفك بس انت اللى قارص وعارف ان فيه مطب !

    قلتله بس انا ماشي في حارتي وانت اللى كاسر عليا

    فجاءة وبدون اسباب لقيته نزل من العربية بتاعته واتعصب وقعد يزعق حسيت انه هيتخانق

    وبيقول لو واحد من عيالي دول كان هصلحه حاجة الدنيا ومافيها ماكنتش هتعوضني عنهم واتنرفز جامد وبيزعق وصوته علي !

    قلتله ربنا يخليهملك بس انت اللى رامي عليا حتى مادتنيش اشارة ولا حتى بصيت في المرايا

    انت لو بصيت في المرايا كنت شفتني !

    فضل مستمر في الزعيق ! انت جاي قارص وانت مش عارف ان فيه مطب ! يظهر انه لما لاقى المطب حب يتفادى المطب راح محول على الحارة بتاعتي ! وانا طبعا حارتي مكنش فيها مطب ولا حاجة هو مجرد الحارة اللى هو كان ماشي فيها كان الطريق مكسر !

    بعد كدة لما لاقى انه بيزعق وانا مش برد عليه وبتكلم براحة اكني صعبت عليه راح قالي المهم انت كويس ؟ وراح مسلم عليا وقالي ابقى خد بالك بعد كدة وركب عربيته ومشي !

    مش فاهم مين اللى المفروض ياخد باله ؟

    الحمد لله على كل شئ

    الخسائر عندي : الاكصدام اطبق وبعض الاجزاء اتقطعت ! ربنا يسهل وينفع تترد على البارد ولو ان القطع مش عارف هعمل فيه ايه !

    الخسائر عنده : مركزتش مع عربيته بصراحة بس تقريبا الفانوس اتكسر ! او جايز كان مكسور من الاول الله واعلم !

    الحمد لله على كل شئ وقدر الله ماشاء فعل
    ..

  • #2
    فداك يا ابو حميد انته لو كنت استنيت واتعشينا سوا مكنش دة حصل عموما الحمد لله على كل شىء

    Comment


    • #3
      فدااااك والحمدلله على كل حال وانشاء الله تتظبط وترجع احسن من الاول .. المفروض هو اللى ياخد باله مش انت خالص

      Comment


      • #4
        واللهِ إنت محترم يا ahmod .. احسن حاجة إنك مردتش عليه بقلة قيمة ..

        أنا متأسف اويييييييي إني مجتش النهرده .. اتمنى إنك تقبل اسفي ..

        متزعلش من الخبطة .. قدر الله و ما شاء فعل ...........

        Comment


        • #5
          شوف صلحه واديوله كاربون علشان الشرخ

          Comment


          • #6
            الحمد لله على كل شىء يا احمد ماهو عيب السرعة انك مابتلحقش تتفادى اخطاء الاخرين

            قدر الله و ما شاء فعل و فداك
            [CENTER][COLOR="DarkSlateGray"][SIZE="4"]"لا إله إلا انت سبحانك إني كنت من الظالمين"[/SIZE][/COLOR][/CENTER]

            Comment


            • #7
              قدر الله وما شاء فعل والحمد الله ع كل حال
              ربنا يأجرك فى مصيبتك ويخلفك خيرا منها
              [CENTER][COLOR=blue]استغفر الله عدد خلقة وزنة عرشة ومداد كلماتة ورضاء نفسة [/COLOR][/CENTER]
              [CENTER][SIGPIC][/SIGPIC][/CENTER]

              Comment


              • #8
                قدر الله و ما شاء فعل الحمد لله يا احمد انا عضو جديد و حابب اتعرف عليكم و اقابلكم و شكرا

                Comment


                • #9
                  مش عارف يا باشا انت محسود ولا ايه اكيد دى عين منسق قسم تويوتا معلش قدر الله و ما شاء فعل و ان شاء الله تتعمل و ترجع احسن من الاول
                  When i burn speed shifts to reach the top speed, at this second, i don't care about anything, and i am free as a bird

                  Comment


                  • #10
                    أولا حمدالله ع السلامة
                    ثانيا لازم تعذر الراجل قدام المدام وولاده كان لازم يعمل منظر مش عاوز يكسف نفسه.. سي السيد بقي
                    ثالثا وده الأهم.. حركة حاعملها لو أنا منك.. حاطلع علي حد نضيف بتاع فايبر يظبطلي اكصدام جديد علي ذوقه.. وأهو "رب ضارة نافعة" بالمرة جدد شكل العربية شوية.

                    Comment


                    • #11
                      فداك يا ابو حمييييييييييد
                      وقدر الله وما شاء فعل
                      والله نفس اللى حصل معايا بس على انيل
                      كنت انا ماشي 40 فى الجامعة وبصيت ورايا ومكنش فى اى حد
                      ولقيت واحد صاحبي فوقفتله مره واحدة مع حته هاند بريك ((كانت اول مرة ارفعها فيها وانا ماشي))
                      وهوب لقيت واحد لبس فى على 40 وظبطلى الدنيا ورا
                      والحمد لله جت سليمة الى حدا ما بالرغم انه كان راكب سبيرنزا والعربية بتعته اتشنيرت ..
                      معلش انا دخلت فى موضوع تانى
                      الف سلامة يا باشا

                      Comment


                      • #12
                        اولا حمدله علي سلامة حضرتك وربنا يعوضك خير
                        ثانيا دي تتعلم منها حاجه لو انت بتعدي اي عربيه ايدك علي النور العالي مرتين والكلاكس مرتين حصلت معايا كنت بعدي نقل ومره واحده رمي علي الحاره الي كنت ماشي فيها قمت دايس فرامل ورامي يمين
                        ثالثا بصراحه حضرتك محترم جدا جدا جدا انك مش رديت عليه انا لو مكانك ونازل بكلمه كدا وعلي صوته مره في التانيه كنت هحطه في الموتور بتاع عربيتي

                        Comment


                        • #13
                          فداك سبتو يزعق ليه كنت قفشت عليه
                          كولو بالحنيه بيفك مع تجيات جمعيه حنينها قبل متحلبها

                          Comment


                          • #14
                            والله يا احمد زعلتنى جداً
                            بس قدر الله وما شاء فعل
                            وربنا يعوض عليك
                            ومبسوط انى شوفتك النهاردة

                            Comment


                            • #15
                              قدر الله وماشاء فعل
                              احمد ربنا دا الواحد بيشوف حاجات !!
                              انا انهارده والله رايح ازور صاحبي كان في الحادثه اللي كانت موقفه الدائري من يومين
                              [SIGPIC][/SIGPIC]
                              Amr Gamal
                              [COLOR=Blue][COLOR=Orange]Opel[/COLOR] [COLOR=Black]:[/COLOR] wir leben autos[/COLOR]

                              Comment

                              Working...
                              X