إعـــــــلان

Collapse

.

,
See more
See less

الياريس اتخبطت ! الحمد لله

Collapse
X
 
  • Filter
  • الوقت
  • Show
Clear All
new posts

  • #31
    المشاركة الأصلية كتبت بواسطة lanos2004 مشاهدة المشاركة
    شوف كنت ناوى اجدد العربيه اشتريت كبوت زيرو وقعت عليه طوبه --اشتريت رفرف كانت راكنه تحت البيت نزلت لقيته مطبق -قلت والله ما عامل فيكى حاجه وسايبها حتت زباله
    ربنا يكفينا شر العين

    المشاركة الأصلية كتبت بواسطة kareem.elaraby مشاهدة المشاركة
    +1+1+1+!
    انا ممكن أخد فيها موتوره و أحطه عندي في الشنطه !
    ربنا يحفظ طريقنا و يكفينا شر الغباوه و قله الذوق و الغشوميه و شر العين طبعا
    امين يارب

    المشاركة الأصلية كتبت بواسطة bor3ey مشاهدة المشاركة
    و الله يا اخى انا اتنرفزتلك ......... هى الناس بقت بجحه كده ليه ده كاسر عليك !!!! و كمان مغلطك سبحان الله و بيزعق كمان ههههههههههههههه !!!!
    انا مش عارف هو كان منتظر مني اعمل ايه ؟ هو كل اللى عليه انه بيقول انت مش عارف ان فيه مطب ؟ تقريبا هو لقى مطب في حارته فكان منتظر اني ابقى جي مهدي فرمى شمال من غير مايبص في المرايا

    الحمد لله

    المشاركة الأصلية كتبت بواسطة osama.m مشاهدة المشاركة
    فداك يا احمد و اهم حاجة انك بخير
    في ناس كتير مش بتقتنع انها بتغلط ف لازم يرمي غلطة على اللي قدامة
    الحمد لله انا والله ماكنتش منتظر منه حاجة ولا تعويض ولا اي حاجة مجرد بس كلمة معلش سعات بتريح الواحد ! ولو انها مش بتفيد بحاجة

    المشاركة الأصلية كتبت بواسطة matrix_it مشاهدة المشاركة
    انا لو مكانك معرفش هعمل ايه ممكن يحصلى زى ما حصلك و اتعامل بهدوء او كنت ممكن اتنرفز و طبعا حتى لو مش غلطان الناس هتغلطنى عشان معملتش حساب السن
    الحمد لله ان الموقف عدى بسلام
    الحمد لله على كل شئ وهو فرق السن مش كبير

    هو تقريبا سنه لا يتجاوز ال 27 باين عليه لسه شب مش كبير ! يعني كلها بيني وبينه فرق 5 سنين مش اكتر

    بس برضوا لازم نعمل احترام لوجود زوجته واطفاله معاه وانا بصراحة مش من الناس اللى بتحب المشاكل والخنيق والزعيق والكلام ده خالص

    المشاركة الأصلية كتبت بواسطة karim_monir مشاهدة المشاركة
    لا قوة الا بالله
    الحمد لله يا احمد انك بخير
    عدي عليا في الورشة نلحملك الاكصدام عند بتاع بلاستيك ونستعدلك الوش
    وخليها شوية من غير رش تاخد العين شوية
    الله يسلمك يا استاذ كريم

    والله انا نفسيتي تعبت جدا ومش عارف اعمل ايه

    العربية فضلت معايا 5 سنين فبريكة ولا فيها الهوا ! وكنت بجري جري مش بجري حاليا ربعه ! غرز قطم وملفات وغرز في ملفات والعربية ياما كانت بتعرض وتعوم نظرا للثبات الضعيف ! وكنت بعدلها وبتتلم بستر ربنا

    من ساعت مابدات اغير شوية في شكل العربية وبدات المصايب مصيبة ورا التانية

    اول ماجنطت ! بعدها باسبوع ترلا دخلت فيا "وانا واقف" دمرتلي الاكصدام بالرفرف بالباب اعتقد حضرتك تفتكر الموضوع ده

    ورحت رشتها طبعا رشة زي الفل تقريبا البوية كلها اتقشرت حاليا ! وانا وراجع بيها من عند السمكري راح اتوبيس دخلي في الجمب التاني برضوا كنت ماشي سعتها على 20 تقريبا !

    ومن بعدها كل شوية خبطة من هنا على خبطة من هنا ! ومش عارف اعمل ايه

    والله مابتحرك بالعربية الا وقاري كل الاذكار ومشغل قران بس مافيش فايدة

    ومابقتش والله اجري زي الاول نهائي ! بدوس فقط لما الطريق يبقى مفتوح قدامي ونادرا كل فين فين لما اخد غرز ! لاني دايما بقيت حاسس اني هلبس وهخبط

    انا هسيبها كدة مخبوطة فترة لان لما بتتخبط واصلحها بتروح مخبوطة تاني ! فهخليها مدة كدة وربنا يسترها

    وان شاء الله في اقرب وقت اكيد همر على حضرتك عشان اعيد الرشة الجميلة اللى انا رشتها دي وهبقى اصلح معاها القطع اللى حصل في الاكصدام
    ..

    Comment


    • #32
      وقل الحمد لله
      ما دام انت بخير وهو بخير بالدنيا وما فيها -بغض النظر مين اللي غلطان -
      Ashraf_Ibrahim

      Comment


      • #33
        حمدالله علي سلامتك
        فداك الأكصدام
        انا اللي فهمته ان المطب مش كامل
        كان قدامك مستوي بالأرض وقدامه عالي
        انت كنت هتاخده بسرعة وهو كان عايز يخطفها من قدامك

        لو كدة فهو يبقي غلطان 100 %
        انت محترم انك ماشدتش معاه
        [CENTER][mtohg=#000000]http://img696.imageshack.us/img696/2999/warninggf.jpg[/mtohg]

        [/CENTER]

        Comment


        • #34
          المشاركة الأصلية كتبت بواسطة ahmod مشاهدة المشاركة
          السلام عليكم ورحمة الله وبركاته

          النهارده كان يوم جميل بصراحة من اول اليوم الواحد كان بيستعد لمقابلة احلى واغلى الناس اعضاء تويوتا وبقية اعضاء الاقسام التانية اللى كانو هينورنا

          المقابلة كانت جميلة بصراحة واتجمعنا كلنا ونورها طبعا وجود ضيوفنا من اقسام "هيونداي - هوندا - نيسان "

          لكن للاسف الحلو مابيكملش !

          بعد ماخلصنا المقابلة وانا راجع بعد ميدان الساعة في اتجاهي لكوبري اكتوبر

          كنت واخد الشمال ودايس وفجاءة بدون اي سابق انذار واحد راكب ماروتي تطلب معاه يغير حارته من الحارة الوسطى للحارة الشمال بدون اشارة وبدون مايبص في المرايا

          انا جاي مجمع طبعا الفرامل ماجبتنيش خاصا انه كان ماشي براحة جدا يكاد يكون واقف !

          لبست فيه مع الاسف

          ركنت على جمب بعدها لقيته جاي

          كان معاه زوجته واولاده وقف جمبي اول حاجة عملتها رحت مشاورله على المرايا الشمال وقلتله هي دي اخترعوها ليه ؟ ؟

          قالي انت جاي قارص وانت يعني مش عارف ان فيه مطب ؟؟

          قلتله حضرتك انا ماشي في حارتي وانت اللى رميت عليا فجاءة وحتى مادتنيش اشارة ومابصتش في المرايا

          قالي انت راكب عربية فراملها توقفك بس انت اللى قارص وعارف ان فيه مطب !

          قلتله بس انا ماشي في حارتي وانت اللى كاسر عليا

          فجاءة وبدون اسباب لقيته نزل من العربية بتاعته واتعصب وقعد يزعق حسيت انه هيتخانق

          وبيقول لو واحد من عيالي دول كان هصلحه حاجة الدنيا ومافيها ماكنتش هتعوضني عنهم واتنرفز جامد وبيزعق وصوته علي !

          قلتله ربنا يخليهملك بس انت اللى رامي عليا حتى مادتنيش اشارة ولا حتى بصيت في المرايا

          انت لو بصيت في المرايا كنت شفتني !

          فضل مستمر في الزعيق ! انت جاي قارص وانت مش عارف ان فيه مطب ! يظهر انه لما لاقى المطب حب يتفادى المطب راح محول على الحارة بتاعتي ! وانا طبعا حارتي مكنش فيها مطب ولا حاجة هو مجرد الحارة اللى هو كان ماشي فيها كان الطريق مكسر !

          بعد كدة لما لاقى انه بيزعق وانا مش برد عليه وبتكلم براحة اكني صعبت عليه راح قالي المهم انت كويس ؟ وراح مسلم عليا وقالي ابقى خد بالك بعد كدة وركب عربيته ومشي !

          مش فاهم مين اللى المفروض ياخد باله ؟

          الحمد لله على كل شئ

          الخسائر عندي : الاكصدام اطبق وبعض الاجزاء اتقطعت ! ربنا يسهل وينفع تترد على البارد ولو ان القطع مش عارف هعمل فيه ايه !

          الخسائر عنده : مركزتش مع عربيته بصراحة بس تقريبا الفانوس اتكسر ! او جايز كان مكسور من الاول الله واعلم !

          الحمد لله على كل شئ وقدر الله ماشاء فعل

          الحمد لله علي كل شي

          هو احيانا فيه ناس لما بتغلط بتزعق عشان قال يعني تخوف اللي قدامهم وميطلبش حقه


          بس في الاول والاخر الحمد لله علي سلامتك وطالما حديد في حديد يبقي الحمد لله وربنا يعوضك خير ان شاء الله

          Comment


          • #35
            الحمدلله يا ريس جات سليمه
            صورة التوقيع كبيرة جداً بما يخل بتنسيق الصفحة.
            الرجاء تصغير الصورة و إعادة رفعها مرة أخرى.

            Comment


            • #36
              هو اخدك بالصوت بس انت كنت لطشتله عشان يبطل افلام هندي

              Comment


              • #37
                قدر الله وماشاء فعل المهم الحمدلله انك بخير ...
                والعربية هاتتضبط باذن الله.
                [CENTER]........مـــــلل.....[/CENTER]

                Comment


                • #38
                  قدر الله وما شاء فعل
                  ربنا يعوضك خير يادكتور ...... بس مش نيسان هما السببب والله :))
                  احنا بنتشنير والله ......... بس ربك حليم ستَار
                  ومبسوط جدا اني شفتك والله واتعرف عليك وعلي محمد بيك ومايكل و محمد لانوس و رجاله هوندا احمد ايهاب وصديقه
                  ان شاء الله اللي جاي احلي (اكيد مش كلام تامر حسني :)))
                  ربنا يجيرك في مصيبتك ويخلفك خيرا منها يارب العالمين
                  اقعد بالعافية :))
                  [CENTER][COLOR="Blue"][SIZE="5"]أُمـــ الغوالــــــــــــــــي ..... أُسطــــورة لـــــهــــــا تاريـــــخ :F_eyeb1[1]:[/SIZE][/COLOR]
                  [CENTER]
                  [img3]https://fbcdn-sphotos-g-a.akamaihd.net/hphotos-ak-prn1/524144_516916281678719_387980934_n.jpg[/img3]
                  [/CENTER]
                  [CENTER][SIZE="5"][COLOR="DarkRed"][marq="4;right;2;scroll"]Eng.Hussein GaMal[/marq][/COLOR][/SIZE]
                  [SIZE="5"][COLOR="Blue"][marq="4;left;2;scroll"]Mob. +20111 960-9399[/marq][/COLOR][/SIZE][/CENTER][/CENTER]

                  Comment


                  • #39
                    صوتك العالي دليل علي ضعف موقفك !
                    [SIGPIC][/SIGPIC]
                    Amr Gamal
                    [COLOR=Blue][COLOR=Orange]Opel[/COLOR] [COLOR=Black]:[/COLOR] wir leben autos[/COLOR]

                    Comment


                    • #40
                      قدر الله ماشاء فعل
                      والحمد الله ان هية جت على اد كدة وان انت كويس
                      [SIZE=5][COLOR=darkred]M.El-NaHHal[/COLOR][/SIZE]
                      [SIZE=5][COLOR=#8b0000][/COLOR][/SIZE]
                      [SIZE=5][COLOR=#8b0000][/COLOR][/SIZE]
                      [url=http://www.nileup.com//uploads/images/sac6222655d.jpg][img]http://www.nileup.com//uploads/images/sac6222655d.jpg[/img][/url]

                      Comment


                      • #41
                        عموما قدر الله وماشاء فعل ..

                        والحمد لله انك سليم واللي يجي في الحديد يتعوض.. بس للاسف لما بكون مكانك وفي نفس الموقف مش هنام..

                        انا طبعي كدا للاسف ....ومشكله الناس لو اعترفت بالخطا هيريح الواحد شويه ومش هناخد من حد تعويض بس للاسف تلاقي الواحد يبقي عارف انه غلطان بس بيماطل ويعلي صوته وكلام كتير ملوش لازمه يعني كان من الاول ممكن يقول انا اسف واللي انت عايزة وكلام كدا واستحاله حد هيلاقي حد محترم امامه وهياخد منه فلوس..

                        انا مرة لسا من 3 اسابيع راكن في كارفور كنت لسا مزبط العربيه وكانت عروسه لقيت واحد بيرجع ورا راح خابطني البويه قشرت لما جيت اتكلم معاه ناقص يقول اني شخص مكوكي لا افهم في اي شئ في الدنيا وكان راجل رخم رخامه بس الحمد لله قلت ادفعه بس مبلغ قليل جدا!!

                        عموما خلاصه القول والكلام حضرتك زي مانت شايف انك حاطط صور عربيتك والعربيه ماشاء الله ماعليها كلام

                        حضرتك اكيد اخدت عين ومش ولازم حد يكون قاصد يحدسك بس ممكن واحد نفسه يعمل زيك ومش عارف.. ماتنساش ان عندنا فقر اكسسوارات والاسعار غاليه تنين !!

                        انا قبل كدا كنت علي منتدي عربي لتويوتا كنت الاقي الناس يحطوا صور لعربياتهم وهيا متزبطه والله تقريبا بعدها ب 3 شهور تلاقي كل دول اتخبطوا وعربياتهم راحت التشليح ويكتب موضوع في نفس المنتدي (نهاية دربي مع السيارة) !!

                        عموما قول الحمد لله ولو مش عايز الموضوع يتكلف ويتداري شويه فك الاكصدام وجيب سيشوار واعدل المسائل :))

                        وربنا يكفيك شرها

                        Comment


                        • #42
                          ألف حمد لله علي سلامتك و لا بأس علي الجميلة "تويوتا - ياريس"

                          أستاذ/ أحمد ..
                          واضح أن حضرتك بتحب الجري خاصة في داخل المدينة و ده ماينفعش لأن لازم تضع في حساباتك أخطاء الغير
                          عموما حصل خير و لو محتاج مساعدة في أصلاح العربية كلمني و أنا هأبعتك لواحد كويس جدا بأتعامل معاه في الخبطات الجامدة يعملها لك
                          أنا رقمي 01118057400
                          [SIGPIC][/SIGPIC]

                          Comment


                          • #43
                            الحمد لله انها جت على قد كده
                            ربنا يستر طريقك
                            [CENTER][sor2]http://www.nileup.com//uploads/images/domain-06bb582b55.jpg[/sor2][/CENTER]

                            Comment

                            Working...
                            X