اخدت مطب جامد جدا

[mado83]

كنت ماشى ورا عربيه وجمبها عربيه نقل واول ماعديت من الملاكى لقيت مطب وطبعا كان النقل فى قفايا وكان لازم البس المطب
وللاسف كان عالى جدا فالعربيه حسيت انها عملت زى البسكوت الشمعدان مع اول قطمه
قررررررررررررراش وبعدها مشيت عادى فمش عارف بقه ايه اللى ممكن يكون حصل ياريت حد يفيدنى

[Samir Elshahawy]

هل أحساسك أن فيه حاجة في العفشة أو المساعدين ؟؟
يعني فيه حدفة
أو صوت غير طبيعي

و هل أتأكدت من الاطارات و الجنوط ؟
و هل أتاكدت من مستوي السوائل بالمحرك (زيوت - مياه تبريد )

لو شاكك في أي حاجة ممكن ترفع العربية في أي بنزينة و تكشف عليها و تتأكد ان كل حاجة سليمة
و ياريت تطمننا

[mado83]

هل أحساسك أن فيه حاجة في العفشة أو المساعدين ؟؟
يعني فيه حدفة
أو صوت غير طبيعي

و هل أتأكدت من الاطارات و الجنوط ؟
و هل أتاكدت من مستوي السوائل بالمحرك (زيوت - مياه تبريد )

لو شاكك في أي حاجة ممكن ترفع العربية في أي بنزينة و تكشف عليها و تتأكد ان كل حاجة سليمة
و ياريت تطمننا

لا مافيش ولا صوت ولا حاجه بس حاسس انها بتعوم

[ahmedeihab]

اول حاجه بص على العربيه من تحت
لاتكون لا قدر الله الكرتيرا حصلها حاجه
تانى حاجه بص على العربيه و هى ماشيه
بتحف مثلا يبقى هتظبط زوايه لان اى مطب جامد بيخلف زوايا
بترعش مثلا و ده بيبقى الترصيص
ال 323 واطيه فا اتأكد من الكلام اللى بقولهولك ده
و ابقى طمنا بعديها
^_^

[Elawany13]

لا حول ولا قوة إلا بالله ..... إماطة الأذى عن الطريق صدقة

[mado83]

عارفين المشكله ان الملاكى فضل ماشى جنب النقل ومش راضى يوسع للطريق وهو شايف المطب طبعا بما انه قدام يبقى المفروض انه ماكانش عدانى انما من غبائه فضل ماشى جنبها واول ماقرب شويه من المطب راح معدينى وحصل اللى حصل بس الحمد لله

[mohammedabdallh]

لا حول ولا قوة إلا بالله ..... إماطة الأذى عن الطريق صدقة

على كدا نبقى عاوزين بلد جديده نعيش فيها

[Elawany13]

إماطة الأذى عن الطريق صدقة

أحد معارفى حكالى هذه القصة الواقعية

فى الشتوايه اللى فاتت أصحاب المحلات بيفتحوا غطيان المجارى نصف فتحه علشان ينزلوا مياه المطر ... وبيسيبوها على كده ... ده غير اللى بيحط طوب علشان محدش يركن قدامه وعلشان العربيات متمشيش قدامه وتطرطش عليه وعلى حاجته اللى حاططها على الرصيف و فى نصف الشارع !!!!!
عربية شيفورليه دبابة مركبه صندوق ورا مسرعه ماشية فى شارع الجلاء فى طنطا فى وقت الذروة ... إتفاجأت بغطاء المجارى المحطوط موارب واخدته وطااااااااااااارت وانقلبت على جنبها وفضلت تزحف فى الشارع ... لولا ستر ربنا كانت دهست حد من المشاه أو لبست فى عربية تانية .... طبعا اللى فيها نزلوا متبهدلين ومتعورين واحتمال يكون فيهم كسور
والعربية اتبهدلت آخر بهدلة
والطريق وقف فى وقت الذروة المهبب
وكان منظر ما يعلم بيه إلا ربنا

[hanyemad123]

عارفين المشكله ان الملاكى فضل ماشى جنب النقل ومش راضى يوسع للطريق وهو شايف المطب طبعا بما انه قدام يبقى المفروض انه ماكانش عدانى انما من غبائه فضل ماشى جنبها واول ماقرب شويه من المطب راح معدينى وحصل اللى حصل بس الحمد لله

تلاقيه كان مضايق منك فقال لما ابلسه فى المطب

الحمد لله على كل شىء

[Sehsss]

ربنا يسترها

[ahmed_h_g]

في ساعتها المفروض كنت وقفت وتبص علي الحاجات المهمه زي فلتر الزيت علشان لو فيه حاجه تتلحق و متفتحش حاجه أكبر

[mohkhattab]

روح اكشف على العفشة و بص لو فى حاجة بتنقط من العربية و لالا