الكاوتش انفجر مباشره بعد لحام الكاوتش .. الاسباب ؟؟

[ahmedsamir5edr]

السلام عليكم ورحمة الله وبركاته

الحقيقه النهارده العجله اتخرمت و رحت لحمتها علي طول قبل ما تريح اوي .. و لحمتها لحام مكواه داخلي

و و انا مروح طريقي بعد 500 متر تقريبا .. سمعت صوت هواء جامد ( علي سرعه 40 كم ) بعدين لقيت العربيه مالت جامد ناحيه العجله .. لفيت و رجعت لبتاع الكوتش و فكينا الكاوتش التاني و كان الاتي ::

1 . اللحام اللي هوا عامله سليم مش مفكوك

2. العجله من جوه مليانه براده ( كاوتش ) ..

3. في قطع في شفه الكاوتش صغير كده

السؤال دلوقتي .. ايه ممكن يكون السبب اللي عمل كده ؟؟

و هل العجله دي ينفع تتعمل شمبر و تكون استبن ؟؟

[ahmed_h_g]

الكاوتش ده عامل كام كيلو وتاريخ صناعته سنة كام ؟
لو كاوتش جديد أو حالته كويسه واللحام مش في الجوانب والكاوتش مش ضارب سلك يبقي ممكن
ورشة الكاوتش هو أكتر واحد يقدر يفيدك في حالته

[Sehsss]

لو الشفة اللي موجه اتقطع منها حتة يبقى كل سنة وانت طيب

[المنسي]

السلام عليكم ورحمة الله وبركاته

الحقيقه النهارده العجله اتخرمت و رحت لحمتها علي طول قبل ما تريح اوي .. و لحمتها لحام مكواه داخلي

و و انا مروح طريقي بعد 500 متر تقريبا .. سمعت صوت هواء جامد ( علي سرعه 40 كم ) بعدين لقيت العربيه مالت جامد ناحيه العجله .. لفيت و رجعت لبتاع الكوتش و فكينا الكاوتش التاني و كان الاتي ::

1 . اللحام اللي هوا عامله سليم مش مفكوك

2. العجله من جوه مليانه براده ( كاوتش ) ..

3. في قطع في شفه الكاوتش صغير كده

السؤال دلوقتي .. ايه ممكن يكون السبب اللي عمل كده ؟؟

و هل العجله دي ينفع تتعمل شمبر و تكون استبن ؟؟

نصيحة بلاش تعمل موضوع الشمبر الداخلى ده لان والله فلوس وبتترمى على الارض حصلت معايا قريب ونزلت من البيت لقيت الفردة على الارض بتاع الكاوتش فكها وقاللى مش هتنفع تتلحم ممكن اعملك شمبر ليها قلتله ويمشينى شوية لغاية ما اغير الاربع فرد قاللى اه ولهف منى 50 جنيه ساعتها مكملتش وفى نفس اليوم الفردة باظت تانى خالص فنصيحة هاتلك اتنين جداد مرة واحدة او اربعة لو الاربعة عمرهم انتهى او قرب ينتهى

[Sehsss]

نصيحة بلاش تعمل موضوع الشمبر الداخلى ده لان والله فلوس وبتترمى على الارض حصلت معايا قريب ونزلت من البيت لقيت الفردة على الارض بتاع الكاوتش فكها وقاللى مش هتنفع تتلحم ممكن اعملك شمبر ليها قلتله ويمشينى شوية لغاية ما اغير الاربع فرد قاللى اه ولهف منى 50 جنيه ساعتها مكملتش وفى نفس اليوم الفردة باظت تانى خالص فنصيحة هاتلك اتنين جداد مرة واحدة او اربعة لو الاربعة عمرهم انتهى او قرب ينتهى

+1111111111

[AhMeD MeTwAlY]

نصيحة بلاش تعمل موضوع الشمبر الداخلى ده لان والله فلوس وبتترمى على الارض حصلت معايا قريب ونزلت من البيت لقيت الفردة على الارض بتاع الكاوتش فكها وقاللى مش هتنفع تتلحم ممكن اعملك شمبر ليها قلتله ويمشينى شوية لغاية ما اغير الاربع فرد قاللى اه ولهف منى 50 جنيه ساعتها مكملتش وفى نفس اليوم الفردة باظت تانى خالص فنصيحة هاتلك اتنين جداد مرة واحدة او اربعة لو الاربعة عمرهم انتهى او قرب ينتهى

الراجل دا حرامي وبيخم وبعدين انا عندي مركب اتنين شمبر لان الحاله نشفه السنين والحاج مش عايز يديني فلوس بس للامانه قالي هشدلك العربيه كلها وهجنطها عشان كدا مستني
ومركب الاتنين من اكتر من 4 شهور بس عامل واحده استبن والتانيه شغاله بس مش بتحرك بالعربيه كتير لان ومركب الواحده بـ 25 جنيه
وبعدين قبل ما تركبه خليه يشوف لو في مسمار في الفرده موجود ولي لا لان دا بيخليها تنام في ساعتها

[mrghost]

فعلا الشنبر مقرف لانه لما بيتخرم مينفعش تزود الفرده وتروح مشوارك لازم تفك العجله ده غير حكايه الانفجار فى الصيف
مره عربيه شاهين اتقلبت قدام عينى ونزلت فى الترعه على طريق جمصه بسبب انفجار الكاوتش الخلفى
انا برضه عامل الاستبن شنبر بس ناوى اجيب فرده فى اقرب فرصه ان شاء الله قبل الصيف

[ahmedsamir5edr]

شكرا علي النصايح .. الكاوتش عامل 20000 كم و حالته ممتازه .. عمره ما اتخرم قبل كده

و واضح ان في اجماع علي عدم استعمال الشمبر .. و انا هعمل كده ان شاء الله .. هشوف فرده مستعمله امشي بيها نفسي

[mohamedbook]

ممكن يكون ضغط هواء

[ahmedsamir5edr]

ممكن مع انه ظبطها قدامي

[المنسي]

الراجل دا حرامي وبيخم وبعدين انا عندي مركب اتنين شمبر لان الحاله نشفه السنين والحاج مش عايز يديني فلوس بس للامانه قالي هشدلك العربيه كلها وهجنطها عشان كدا مستني
ومركب الاتنين من اكتر من 4 شهور بس عامل واحده استبن والتانيه شغاله بس مش بتحرك بالعربيه كتير لان ومركب الواحده بـ 25 جنيه
وبعدين قبل ما تركبه خليه يشوف لو في مسمار في الفرده موجود ولي لا لان دا بيخليها تنام في ساعتها

حرامى مش حرامى فى الاول والاخر ربنا يسهله اللى بياخد فلوس مش من حقه ثانيا الراجل بيسال وانا قلتله عن تجربتى ودى كانت اول مرة اعمل فيها موضوع الشمبر ومش ناوى اكررها تانى لان اللى حل يومها منسهوش الا وهو ان الفردة دى باظت منى وانا على كوبري اكتوبر ومكنش معايا استبن وماادراك ماكوبري اكتوبر وعربيتك تعطل عليه

[Karim_Monir]

ممكن مع انه ظبطها قدامي

خرجت من عند بتاع كاوتش قايلة اظبط الضغط على 32
بعد ماخلص ضغط مسكت جهاز القياس بتاع وده ديجتال لقيت الاتي
فردة 18
فرد43
فردة37
فردة40

انت مستوعب الفروقات البشعة
طبعا قعد يظبط فيهم
علما اني كنت لسه متحرك من البيت مكملتش 30 متر والهواء ماسخنش جوة العجلة

[Eng.Geo]

خرجت من عند بتاع كاوتش قايلة اظبط الضغط على 32
بعد ماخلص ضغط مسكت جهاز القياس بتاع وده ديجتال لقيت الاتي
فردة 18
فرد43
فردة37
فردة40

انت مستوعب الفروقات البشعة
طبعا قعد يظبط فيهم
علما اني كنت لسه متحرك من البيت مكملتش 30 متر والهواء ماسخنش جوة العجلة

جبته منين الجهاز ده ؟
اسمه ايه وعامل كام ؟

[Karim_Monir]

جبته من ttp محمد يسري
ماركته اكيو تاير وده براند محترم