تنبيه هام للجميع بخصوص ((سير الكاتينة))

[AYMANGTR]

السلام عليكم جميعا ,,

نصيحة لاي حد يشتري عربية مستعمله انه يغير طقم السيور وتحديدا سير الكاتينة لتجنب مخاطر انقطاعه لا قدر الله..

تغير سير الكاتينه في معظم السيارات يكون كل 60,000 كم وانصح بتغييره كل (40,000 - 50,000 كم) لطبيعة القيادة في طرق وشوارع مصر..

خطر انقطاع سير الكاتينة أو فلتانه يكلفك موتور العربيه أو نصف عمره للموتور في اقل تقدير ( طقم صبابات + جوان وش سلندر.. ) أو انك تكون محظوظ وميحصلش ضرر للصبابات وده بيكون في حالات نادره..

لو انت ماشي على الطريق وعلامة check engine نورت في تابلوه العربية حاول تقف في اسرع فرصه ممكنه وممكن تمور العربيه أو تجيبها على N حفاظا على الفتيس لان بعدها هتلاقي الموتور قفش وطفي لوحده (ملاحظة : مش هيكون في بور في الدركسيون)..اول حاجه تعملها بعد ما تقف على جنب انك متحولش تدور موتور العربيه نهائي لان لو المشكله كانت في سير الكاتينة اي محاولة انك تدور الموتور هتكلفك نصف عمره للموتور في اقل تقدير أو انك تغير سير الكاتينة بس لو محولتش تدور الموتور.. وتاني حاجه تعملها طبعا انك تشوف ونش يرفع العربية!

تغيير سير الكاتينة لو هيكلف (150 - 200 ج) فتكاليف تصليح اضرار انقطاعه أو فلتانه هتكلف في حدود (2000 - 5000 ج)..

ومتروك لاهل الخبره التأكيد على المعلومات وتصحيحها والاضافة عليها لتعم الفائدة.

في حفظ وأمان الله وتحياتي للجميع

[windofchange]

الله ينور ياايمن اضافة بسيطة ,,حصلت معايا وده بعد ماغيرت سير الكاتينه علي طول والسير مااتقطعش لكن بليه من البلي اللي ماسك السير باظت وخرجت من مكانها تقريبا(يبقي تخلي الميكانيكي وهو بيغير السير يبص عليها ومتستخسرش تغيرها لأنها ساعتها عندي جديدة لقيتها بتتباع ب220 جنيه) فبالتالي السير فلت من مكانه وكأنه اتقطع ودورت كذا مرة وكلفتني يجي 700 جنيه وجوانين وش سلندر بدل جوان واحد وده بيضعف السحب ولما حصلت الموتور ابتدي الrpm ينزل ل 0 صفر اكنك شلت رجلك من عالبنزين ومديها غيار والعربية بطلت هنا بقي اللحظة الفارقة متدورش العربية...........انزل وفك غطاء سير الكاتينة وكشافك معاك وتكون سايب واحد فالعربية وبص عالسير لقيته مااتقطعش ومشدود وراكب في مكانه يبقي دور براحتك يامعلم طالما بعدت عن الكاتينه يبقي العيب في حاجة تانية بسيطة بدل ماتخش زي ماانت قلت في نص عمرة وبتختلف تقديرها من عربية للثانية كتكلفة

[temo85]

[.

تغير سير الكاتينه في معظم السيارات يكون كل 60,000 كم وانصح بتغييره كل (40,000 - 50,000 كم) لطبيعة القيادة في طرق وشوارع مصر..

هى مش السيراتو جنزير مش سير ؟ ودى من احد مميزتها و سبب ان صوتها ملحوظ فى بعض الاوقات ؟

[ruicosta]

سبحان الله الموضوع دا كان قالقنى وبفكر فيه ازاى العربية تقعد لحد ستين الف كيلو وبقالها معايا خمس سنين وعاملة 43000 انا هاستنى اغيره على الخمسين الف وربنا يستر

[ehab_osman]

موضوع هام جدا ..............شكرا لك .
وانا عامل بالعربية دلوقتي 56000 كم ومنذ فترة بسيطة وانا بسمع صوت صفرة عند بدأ تشغيل العربية ؟؟؟؟؟؟؟؟؟؟؟
ان شاء الله حبص علي السير ؟؟؟؟؟؟؟؟؟؟؟؟؟؟؟؟؟؟ وعلي الشددات .
وربنا يستر .

[AYMANGTR]

الله ينور ياايمن اضافة بسيطة ,,حصلت معايا وده بعد ماغيرت سير الكاتينه علي طول والسير مااتقطعش لكن بليه من البلي اللي ماسك السير باظت وخرجت من مكانها تقريبا(يبقي تخلي الميكانيكي وهو بيغير السير يبص عليها ومتستخسرش تغيرها لأنها ساعتها عندي جديدة لقيتها بتتباع ب220 جنيه) فبالتالي السير فلت من مكانه وكأنه اتقطع ودورت كذا مرة وكلفتني يجي 700 جنيه وجوانين وش سلندر بدل جوان واحد وده بيضعف السحب ولما حصلت الموتور ابتدي الrpm ينزل ل 0 صفر اكنك شلت رجلك من عالبنزين ومديها غيار والعربية بطلت هنا بقي اللحظة الفارقة متدورش العربية...........انزل وفك غطاء سير الكاتينة وكشافك معاك وتكون سايب واحد فالعربية وبص عالسير لقيته مااتقطعش ومشدود وراكب في مكانه يبقي دور براحتك يامعلم طالما بعدت عن الكاتينه يبقي العيب في حاجة تانية بسيطة بدل ماتخش زي ماانت قلت في نص عمرة وبتختلف تقديرها من عربية للثانية كتكلفة

ده نورك يا باشا شكراا على الاضافة والمشاركة..

فعلا مهم انك تفحص البلي اللي بيكون ماسك السير .. وانك تسيب كشاف في العربية (عن تجربة ضروري جدا!)

[.
تغير سير الكاتينه في معظم السيارات يكون كل 60,000 كم وانصح بتغييره كل (40,000 - 50,000 كم) لطبيعة القيادة في طرق وشوارع مصر..

هى مش السيراتو جنزير مش سير ؟ ودى من احد مميزتها و سبب ان صوتها ملحوظ فى بعض الاوقات ؟

موديلات السيراتو في منها سير جنزير او كاوتش والجنزير بيقعد فتره اطول..
مش هعرف افيدك عن سير السيراتو 2011 بس حاول تسأل عن الموديل ده من التوكيل أو تكشف على السيور عشان تطمن..

وشكراا على المشاركة

سبحان الله الموضوع دا كان قالقنى وبفكر فيه ازاى العربية تقعد لحد ستين الف كيلو وبقالها معايا خمس سنين وعاملة 43000 انا هاستنى اغيره على الخمسين الف وربنا يستر

انت ممكن تطمن متقلقش لو العربية سيراتو 2008 .. ده جزء من نص جدول الصيانة بتاع التوكيل :
" يتم تغيير طقم السيور والبلي للسيارات (كرنفال واوبيروس وسورينتو ونيو سبورتاج 2.7) كل 80.000 كم ويلزم مبيت السيارة
يتم تغيير طقم السيور والبلي للسيارات (كرنفال 3.8) 2006 و(سيراتو) 2008 كل 150.000 كم "

المعلومة دي حاول تتأكد منها تاني من التوكيل..

وشكرا على المشاركة

موضوع هام جدا ..............شكرا لك .
وانا عامل بالعربية دلوقتي 56000 كم ومنذ فترة بسيطة وانا بسمع صوت صفرة عند بدأ تشغيل العربية ؟؟؟؟؟؟؟؟؟؟؟
ان شاء الله حبص علي السير ؟؟؟؟؟؟؟؟؟؟؟؟؟؟؟؟؟؟ وعلي الشددات .
وربنا يستر .

مش هعرف افيدك عن الصفرة بتاعة العربية بس حاول تغيير طقم السيور والبلى عندك لو بيتغيرو على 60.000 كم في اقرب وقت وان شاء الله خير..

وشكرا على المشاركة

[almoez]

هل الكورولا 2004 ليها سير كاتينه ؟؟

[Dr/ P.K.Sh]

مشكور

[windofchange]

هل الكورولا 2004 ليها سير كاتينه ؟؟

اكيد طبعا بس انا مااعرفش بس اكاد اجزم ,اللي اعرفه ملوش سير كاتينة هي الفولكس فاجن الخنفسة الموديل القديم اللي كلنا عارفينه

[moh19227]

شكرااا ع التنبيه وفعلا سير الكاتينه ده مشكله

[Elawany13]

ربنا يستر ... فكرة انه يتقطع او البلية بتاعته تقفش ... فكرة مرعبة

[Sehsss]

الحمد لله على السير الجنزير (نيسان صني)

[mrghost]

فعلا حصلت معايا فى الريتمو لما كنت جايبها مستعمله واتقطع وكلفتنى نصف عمره
ومرهه فى الشاهين البليه قفشت والسير اتزحلق من مكانه بس الحمد لله مجابتش صبابات
ومره تالته اتقطع لانه كان مضروب (مع ان العلبه بتاعة الاصلى)

[Sir_Mohd_Sabra]

بالنسبه لبيكانتو 2011 اوتوماتيك ده سير الكاتينه بتاعه ايه ويتغير كل قد ايه

[weta]

بص يا جماعه سير الكتينه في جدول الصيانه الكوري عمومنا بيتغير عند 60000 كم او 3 سنين ده في التوكيلات

وخلوا بالكه انه مش مرطبت بال كلوات بس دمرطبت بالمده الزمنيه يعني كل الناس لازم يجماعه تغيره قبل 3 سنين وده احطياطي ده حاجه
الحجه التانيه الناس البتعمل صيانتها في التوكيل مايقلقوش هما كل صيانه يبصوا عليه ويتاكدوا من الشد بتاعه