أزمة البنزين في القاهرة عادت من جديد

[me_medoo]

لا مش فاهمها دي يا باشا !!

هقول حضرتك ... دلوقتي لو جيرانك عندهم مشكلة او عزى او فرح او حتى تسريب في المجاري على شقتك ... في بالتالي المشكلة بتسمع عند حضرتك بشكل ما وتقرفك .

نفس المشكلة في فغزة أزمة في الوقود بصفة عامة ... والمصريين المخلصين لبلدهم ... والي بيحبو الفلوس بيسحبو السلع من السوق ويقوموا ضخينها على غزة علشان تتباع في السوق السودة بأسعار خيالية ... فبالتالي بيحصل عندك نوع من الفجوة الاقتصادية ... والازمة في الوقود .

غير كده وكده اساساً من شهر يناير وفبراير من كل سنة بيحصل ازمة في الغاز ... بسبب ان الغاز بتاع الانابيب بيتجمد من البرد ... المهم أن انا واحد بستخدم بانزين 90 ملقيتش هعمل ايه أقوم واخد 92 ... طيب وملقتش 92 ... أقوم داخل على بانزين 95 وهكذا ... فبيحصل خلل في طبقات العرض والطلب في السوق ... مما يسبب أزمة في كل الانواع .. يعني بالبلدي كده ازمة بتسمع على ازمة ... أو أزمة بتصنع أزمة أخرى .... أنشالله يكون وضحت وجهت نظري وتحياتي .

[me_medoo]

لا طبعا مينفعش - اقصي تقدير بيضع 3 - 5 لتر علي التانك كله لزيادة السحب

حضرتك مواتير الميكروبصات ... او عربيات النص نقل الدبابة متفرقش معاها بانزين ولا سولر ... المهم تحطلها حاجة بتولع نار وتديك طاقه ... ههههههههههه ولو طالو يحطلوها شوية فحم ويشغلوها هيحطولها فحم وولعة ... المهم المتور يشتغل وميقفش لأن وقفت الميكروباص بخسارة عليه ... وبعد كده بيقوم فاكك الكربريتر ينضفوو ... ويرجع أخر حلاوة وبدليل زميلي عندو بيجو 405 ... كان بيحطلها 92 ... وبأه يحطلها بانزين 80 وماشية واخر حلاوة ومبتقولش لأ .

وهتلاقي الميكروبصات بقوو يوقفو في البانزينة عند قسم البانزين 95 دلوقتي ولاحظ الموضوع ده .
مواتير تويوتا بتستحمل اي هباب اسود يتحط فيها . وتحياتي .

[NoOoOoUr]

نفس المواااااااااال هناااا فى الشرقية.... والله منااظر بجد تحزن كل العربيات واقفة طواااااااااابير واللى يلاقى 90 تبقى امه داعية ليه دعاااا مافيش زيه...وغير كده فعلا ازمة البوتجازات حاجة غريبة.. عايزين يموتوا ويجوعوا الشعب بالبطىء..
الواحد يعمل ايه يعنى مش عارفة..
ربنا يسهل الامور ياااااااااارب :(

[NoOoOoUr]

في الصعيد تم ضبط تريلات نقل البنزين وهي تفرغ حمولتها في الصحراء

فى الصحرااااء؟؟؟؟؟؟؟؟ وتريلات كمان؟؟؟ يالهوى يعنى البلد كلهااا عندها ازمة وحالتها حالة ودول بيفرغوا البنزين فى الصحرااااء؟
حسبى الله ونعم الوكيل بجد.

[minicooper20]

حضرتك مواتير الميكروبصات ... او عربيات النص نقل الدبابة متفرقش معاها بانزين ولا سولر ... المهم تحطلها حاجة بتولع نار وتديك طاقه ... ههههههههههه ولو طالو يحطلوها شوية فحم ويشغلوها هيحطولها فحم وولعة ... المهم المتور يشتغل وميقفش لأن وقفت الميكروباص بخسارة عليه ... وبعد كده بيقوم فاكك الكربريتر ينضفوو ... ويرجع أخر حلاوة وبدليل زميلي عندو بيجو 405 ... كان بيحطلها 92 ... وبأه يحطلها بانزين 80 وماشية واخر حلاوة ومبتقولش لأ .

وهتلاقي الميكروبصات بقوو يوقفو في البانزينة عند قسم البانزين 95 دلوقتي ولاحظ الموضوع ده .
مواتير تويوتا بتستحمل اي هباب اسود يتحط فيها . وتحياتي .

يعنى انا لو حطيط فى الدبل كبينه بنزين بدل السولار هتشتغل
ازاى يعنى
فى مواتير ديزل و فى مواتير بنزين
مينعش دى تمشى من غير دى ياباشا
مواتير البنزين بتمشى بالبنزين
و السولار بتمشى بالسولار ولو مش مصدق حط فى الياريس سولار و شوف هتقولك ايه ؟

[me_medoo]

ياباشا ... لو حطيت سولر في اليارس هتزغرط وترقص عشرة بلدي قدام البانزينة كمان .

بس لأنها فيها تكونلوجية وأنجكشن بس انا بكلمك على عربيات وحوش الاسفلت النص نقل والميكروبصات تويوتا القديمة ... مش فارقة معاها بانزين ولا جاز ولا شوية سولر ..
يعني ميكروباص تويوتا بتاع السولر لو حطيتلو بانزين فكأنك بتدلع العربية وبدل ماشتربها قزازة حاجة سقعة كأنك بتسقيها كوبيات فخفخينة او كوبيات منجا من عند فرغلي ... وتلاقي الميركوباص عاوز يفتح الباب للسواق تحية وتقدير ليه وان طالت العربية توطي تبوس جزمتو عتعملها ... لأنو سقاها حاجة نظيفة هيا مش متعوده عليها ومحرمة منها بقالها سنين .

[Hondawy_2008]

مش لافي نقطة بنزين غير اني انهردة نزلت لاقيت المرايا مسروقة البلد دي خلاص ميتعش فيها بلد كلها حرامية لا فيها شرطة ولا حكومة ولا رئيس اللي أمه داعياله يخرج ميرجعش تاني البلد ............ دي

[Elawany13]

ياباشا ... لو حطيت سولر في اليارس هتزغرط وترقص عشرة بلدي قدام البانزينة كمان .

بس لأنها فيها تكونلوجية وأنجكشن بس انا بكلمك على عربيات وحوش الاسفلت النص نقل والميكروبصات تويوتا القديمة ... مش فارقة معاها بانزين ولا جاز ولا شوية سولر ..
يعني ميكروباص تويوتا بتاع السولر لو حطيتلو بانزين فكأنك بتدلع العربية وبدل ماشتربها قزازة حاجة سقعة كأنك بتسقيها كوبيات فخفخينة او كوبيات منجا من عند فرغلي ... وتلاقي الميركوباص عاوز يفتح الباب للسواق تحية وتقدير ليه وان طالت العربية توطي تبوس جزمتو عتعملها ... لأنو سقاها حاجة نظيفة هيا مش متعوده عليها ومحرمة منها بقالها سنين .

ميدو باشا صاحب أجمل حس فكاهى فى المنتدى
موضوع انك تحط بنزين فى محركات السولار خيالى شوية

بالنسبة للميكروباصات اللى بتحط بنزين
فعلا فيه ميكروباصات وعربيات نصف نقل محركاتها بنزين مش سولار وعادى انها تحط بنزين

[mostafa53]

السلام عليكم ورحمة الله وبركاته
أظن إن الأزمات دى (البنزين والسولار والغاز) الغرض الأخير منها هو سحب الدعم ورفع الأسعار رسميا. لو فضلت الناس ترفض شيل الدعم حاتسنمر وتزيد الأزمات لغاية ما الناس هى اللى تبوس إيد الحكومة عشان يشيلوا الدعم

[amdd]

حسبى الله ونعم الوكيل البلد بقت مهلبية
انا عن نفسى حاسس اننا قاعدين فى طاسة كبيرة وكل شوية حد يقلبنا فى بعض لغاية منستوى وريحتنا تطلع حتى من غير شوية زيت يلينوا معانا
وكل حاجة متزحلقة فى اى حاجه كاننا مثلا كنا فى 2012 ومره واحده قالولنا انتو فى سنة 1012 وعيشوا فيها ولا بنزين ولا شرطة ولا عيش ولا عدل ولا جيش ولا بوتاجاز ولا احترام ..الحاجة الوحيده اللى موجوده هى الشعب ..وهما هيخلصوا عليه فى ظرف 3 سنين وهيموتوه ومش هتلاقوا حتى التموين الصحى اللى بييعالج الناس بالكدب

[abdalah_hashem]

كان فى جلسة فى مجلس الشعب امبارح شوفتها على قناة اون تى فى تقريبا وزير البترول بيقولهم الحاجة موجودة ومتوفرة بس المشكلة فى نقلها وتوصيلها لمحطات التوزيع .... وسمع احلى كلام
... فربنا يسهل بقى وتتحل بسرعة

[mesaharaty]

كنتو تعالو شوفوا الفرجة اللى على أصولها النهارده الصبح الساعة 9 تقريبا عند محطة التعاون اللى فى الزهراء على الكورنيش (قريبة من محطة مترو أنفاق الزهراء) وشوفو السولار خارج ازاى بالجراكن ومافيش بنزين نهائى والدنيا زحام رهيب وخربانة والشرطة بتنظم المرور وواقفين عند البنزينة لأن الدنيا بايظة هناك .

لنا الله

[Sir_Mohd_Sabra]

بجد بقت حاجه تخنق عمرنا ما سمعنا عن ازمات بنزين فى الدول التانيه رغم انهم مستوردين ليه
لابد من الرقابه على المحطات حراااااااااااااام بجد
اتقوا الله فى البلد بقه

[hosar]

ربنا يستر على اليوميين الجايين طالما أفتربنا من الانتخابات

[me_medoo]

حبايب قلبي واللهي ... بس تفتكرو الازمة دي كلها علشان المواطن يشتري البانزين من السوق السودة ... علشان يعودوه على السعر الجديد ... طيب ما رجعنا برضو يا عبدالمعين للنقطة الاولى منين المواطن هيجيب فلوس يدفع فيه بانزين اذا الفلوس الي بياخودها يادوبك تكفيه اكلو وشربو ومصاريفو بالعافية .

يعني هو احنا معنا ... بس بندعي الفقر ... ولا مخبين فلوسنا في بنوك سويسرا بره علشان محدش ياخودها ، ماهو المفروض الحكومة عارفة البير وغطاه ... وعارفه الشعب بتعها فقران ازاي ومدمر ... مشكلة الحكومة : عدم تبني مشروع قومي لتشغيل الناس وحركة سوق العمل ... والنقطة التانية كمية موظفين لمهمش لازم ... عالة على الحكومة .