خدعوك فقالوا تقسيط اسلامي

[semi]

السلام عليكم ورحمة الله

كان في دماغي اشتري عربية وقولت بدل ما اشتري كاش حاجه مستعملة ادفعها مقدمة في عربية محترمة جديدة وطبعا طالما قسط يبقى لازم يكون غير ربوي مش عشان اركب عربية اكل ربا
سألت ولقيت كله بيقول مفيش غير بنك فيصل قولت بس بنك فيصل معروف بمعاملاته الاسلامية
واشادوا كمان بفرع مدينة نصر بالذات على اساس فتوى الشيخ علي سالوس
لما رحت بخلاف المعاملة المتعالية نظرا لاقبال الناس عليهم لانه بنك اسلامي
قعدت وفهمت منه وكلمني بالعافية زي ما يكون جاي اشحت منه او جاي اخلص معاملة حكومية
ولقيت ان في تأمين شامل شرط تدفعه واعتقد ان ده غير جائز
فكنسلت الموضوع ووصلت لنتجية اللي معظم الناس بتوصلها ودي نصيحة اخوية

معاك فلوس العربية روح ادفعها ومتذلش نفسك لقسط تدفعه او موظف رخم يتشرط عليك
اصبر سنه او سنتين بالكتير وباذن الله ربنا هيرزقك بالحلال ويبقى معاك المبلغ اللي تقدر تشتريه بها
ليه تدفع فوق تمن العربية 20 الف جنيه او 30 الف ليه يعني وفرهم واجتنب اكل الربا

من جهة تانية بدأ يبقى عندي يقين ان مفيش في مصر حاجه اسمها بنوك اسلامية
المنهج موجود والقواعد مفهومة للبنك لكن المشكلة بالموظفين
لما الموظف ذات نفسه كان بيكلم عميل بيقوله انا لسه مخلص قسط مع سيتي بنك!!
ازاي موظف قبل على نفسه اكل الربا ومش هيرضاه لغيره؟!!!

غير ان قصة تانية ادام عيني موظف ادى فلوس القرض لناس اشتروا بها حديد
ورجعوا باعو الحديد واشتروا به باقي مواد البناء والموظف كان عارف كده

الموظفين دول تربوا على النظام الربوي ومش معترفين انه حرام او عارفين ومجرد فقط انهم بيفذوا سياسة بنك
والكل يعرف ان الارباح اللي جايلك دي بتبقى من متاجرة البنك والمرابحه من الاشياء دي
وطالما مشكوك بأمرها يبقى انت بيوصلك تقريبا غبار الربا
"يأتي على الناس زمان يأكلون فيه الربا فمن لم يأكله ناله من غباره"
طبعا حاجه تخوف وممكن نقول احنا ملناش دعوه والوزر عليهم لكن دي الحقيقة

اعتذر على طول الموضوع او اذا كان ازعجكم ما قولت لكن دي نصيحة لوجه الله
ممنوع الكتابه باللون الاحمر
مشرف عام 1

[abdalah_hashem]

كنت قريت زمان عن انظمة التقسيط الاسلامى فى كام بنك طلعوا اغلى من التقسيط العادى

[fepsceasar]

متهيالى ان فى كلام الناس بتخدر بيه نفسها زى اى حاجة ويحاول يلزق وراها كلمة اسلامي
لازم دراسة متعمقة من رجال الاقتصاد والبنوك وعلماءالدين، ويطلعولنا بمفهوم لما يعتبر "ربا" بدل "قول حرام على سبيل الاحتياط"

[dr_radioooooo]

[QUOTE=semi;3874186876]



معاك فلوس العربية روح ادفعها ومتذلش نفسك لقسط تدفعه او موظف رخم يتشرط عليك
اصبر سنه او سنتين بالكتير وباذن الله ربنا هيرزقك بالحلال ويبقى معاك المبلغ اللي تقدر تشتريه بها
ليه تدفع فوق تمن العربية 20 الف جنيه او 30 الف ليه يعني وفرهم واجتنب اكل الربا

[/QUOT

هو ده الكلام
ربنا يبارك فيك

[melagouze]

يا جماعه انا لسه متصل بالازهر النهارده....لاني بقسط مع بنك اسلامي ....الراجل قاللي بكل وضوح ان تمويل سلعه حلال من اي بنك لكن القرض الشخصي هو اللي حرام..... بصراحه انا ميال لهذا الرأي ......و لكن الله أعلي و أعلم

نعم نحن نريد اجتهاد مشترك من علماء الاقتصاد و الازهر....لان فيه ناس بتتصدر للفتوي بغير سند او تستند علي قياس خاطئ او بيأخذ بالاحوط فقط لا غير

الشيخ سيد طنطاوي ألف كتاب في هذا الموضوع ...الكتاب أكثر من رائع.... بس يحتاج من يسمع ثم يحكم لا ان يحكم ثم يسمع

[Abdm]

طيب أية الحل دلوقتى ؟؟؟؟؟

لو واحد عايز تقسيط أسلامى بما يرضى الله يروح فين ؟؟؟؟؟؟

ولو واحد معاة قرشين محيرينوا وعايز يشيلهم فى بنك أسلامى ويأخذ أرباحهم يساعدوة فى المعيشة ... وهو ما يعرفش يتاجر ولا عندة ثقة فى أحد يتاجر معاة أو ما يعرفش حد كويس يتاجر معاة . يروح فين ؟؟؟

والله الموفق والمستعان

[Elawany13]

أكتر حاجه بكرهها القسط
ربنا ما يحوجنا ليه
نصيحتى
على قد لحافك مد رجليك

[ZALABANY]

تقسيط اسلامي من بنوك خدعه كبيره لأن النظام المصرفي المصري أصلا بلزم البنوك بوضع 16 % من رأس مالها في البنك المركزي لتأمين ودائع المودعين ويعطيهم عيها لفوائد ربويه
الحل في التقسيط المباشر من تاجر او وكيل زي عبد اللطيف جميل هو صاحب السلعة وهو اللي بيقسط دون دخول بنك وسيط

[S O P H O S]

مشكور علي مجهودك
اظن ان الكتابة باللون الاحمر مش مسموحه هنا لاعضاء اظن كده والله اعلم
علشان لو تقدر تغيره
تقبل تحياتي

[semi]

كنت قريت زمان عن انظمة التقسيط الاسلامى فى كام بنك طلعوا اغلى من التقسيط العادى

لا الحق يقال التقسيط الاسلامي فايدته اقل بكتير ممكن تكون المقدمة كبيرة
لكن فايدته اقل تقريبا ب10 الاف جنيه

يا جماعه انا لسه متصل بالازهر النهارده....لاني بقسط مع بنك اسلامي ....الراجل قاللي بكل وضوح ان تمويل سلعه حلال من اي بنك لكن القرض الشخصي هو اللي حرام..... بصراحه انا ميال لهذا الرأي ......و لكن الله أعلي و أعلم

نعم نحن نريد اجتهاد مشترك من علماء الاقتصاد و الازهر....لان فيه ناس بتتصدر للفتوي بغير سند او تستند علي قياس خاطئ او بيأخذ بالاحوط فقط لا غير

الشيخ سيد طنطاوي ألف كتاب في هذا الموضوع ...الكتاب أكثر من رائع.... بس يحتاج من يسمع ثم يحكم لا ان يحكم ثم يسمع

الازهر مش بيحبوا يزعلوا حد اذا كان حللوا البنوك الربوية اصلا وقالوا مفيش بنوك ربوية بمصر
والتقسيط طبعا حلال اذا كان البنك بيتملك السلعة ويرجع يبيعها لك بسعر اعلى وبالتقسيط
فالعلماء قالوا حلال طبعا لكن والله العظيم ساعات بيستسهلوا ومش بينفذوا موضوع تملك البنك للسلعة
وده حرام عليهم لانها فلوس ناس وامانه عندهم وتخليك تفقد الثقة بالموظف انه يكون حريص انه يخلص عقدك بدون الاخلال بالشريعة الاسلامية
ومن جهة تانية بنك فيصل كتطبيق شريعة هو بيطبق طبعا ونظامه المفترض انه اسلامي
انا مقدرش ااقول ابدا انه بنك ربوي لا اسلامي في اغلب معاملاته
لكن المشكلة في الموظفين اللي ساعات بيستسهلوا ويعملوا معاملات ربوية
ودي طبعا ارباحك جايلاك منها

طيب أية الحل دلوقتى ؟؟؟؟؟

لو واحد عايز تقسيط أسلامى بما يرضى الله يروح فين ؟؟؟؟؟؟

ولو واحد معاة قرشين محيرينوا وعايز يشيلهم فى بنك أسلامى ويأخذ أرباحهم يساعدوة فى المعيشة ... وهو ما يعرفش يتاجر ولا عندة ثقة فى أحد يتاجر معاة أو ما يعرفش حد كويس يتاجر معاة . يروح فين ؟؟؟

والله الموفق والمستعان

انت لو مضطر مش ادامك غير بنك فيصل الاسلامي للاسف فنظامه لا يعتمد على الاقل بالمرابحة بالربا
وبالفايدة الثابتة قد يكون في شبهات لكن ده مش يمنع ابدا انه بنك اسلامي ويكاد يكون الوحيد
وفي كل الاحوال معظم علماء الدين قالوا انهم هيتحملوا الوزر لو عكس كده
لكن لو قدرت تتقي الشبهات وتستثمر فلوسك في مرضاة الله ان شاء الله ربنا هيكرمك اكتر

وموضوع القسط اللي متأكد منه انك لو عندك وديعة في البنك تغطي قيمة العربية الفايدة بتلغي
والتأمين الاجباري بيتلغي وبكده انت ضامن ان العربية بفلوسك تقريبا وانها حلال

تقسيط اسلامي من بنوك خدعه كبيره لأن النظام المصرفي المصري أصلا بلزم البنوك بوضع 16 % من رأس مالها في البنك المركزي لتأمين ودائع المودعين ويعطيهم عيها لفوائد ربويه
الحل في التقسيط المباشر من تاجر او وكيل زي عبد اللطيف جميل هو صاحب السلعة وهو اللي بيقسط دون دخول بنك وسيط

ده حقيقي وبنك فيصل اصلا اول ما فتح كان اسلامي بما تعنيه الكلمة لدرجة انه كان بيعود بارباح ضخمة
ويوزعها على المودعين وهو النظام الاسلامي ربح وخسارة ولكن البنك المركزي شرط عليه لا تتعدى المرابحة نسبة ثابتة فللاسف نظام البنوك تابع للبنك المركزي اللي طبعا هيمشيهم زي ما يحب

مشكور علي مجهودك
اظن ان الكتابة باللون الاحمر مش مسموحه هنا لاعضاء اظن كده والله اعلم
علشان لو تقدر تغيره
تقبل تحياتي

اممممممم انا معرفش فعلا الموضوع ده

[beast2004]

موضوعك اكثر من رائع

[grand hand]

ربنا يكرمنا من وسع واللى نفسه فى عربية يجيبها كاش